أولادي ولا كرامتي ايش اختااار

الأسرة والمجتمع

السلام عليكم
بنات والله لي شهر وحالي ماهو حال نفسيتي دمااار
والحمدلله على كل حال
قصتي. ،
زوووووجي احبه وأموت عليه وعايشين عيشه حلوه الحمدلله
وعندنا عيال
لكن تعرفون الحياة الزوجيه ما تخلو من المشاكل بين حين وآخر
المهم كثير مشاكل تصير ونتراضى عادي جداً بعد بعد يوم او يومين
لكن المره ذي جررررحني والله يابنات احسه صار مايهمني أبدا ماتت كل مشاعري لنا شهر كااامل لا أكلمه ولا يكلمني أبدا أبدا أبدا
النوم كلا في مكان والأكل ماجلس معاه أبدا كأني شغاله فالبيت وبس
تهاوشنا ع موضوع وقاالي كلام هو الي جرحني وغير مشاعري
قالي انتي لئيمه وتسوين نفسك طيبه أصلا من يوم شفتك ماشفت السعاده لكني صاااابر صاااابر صاااابر وقلت خلاص ودني لأهلي قالي لا انا نفسي ماعاد تبغاك والله لكن خليك مع عيالك
تحطمت جداً جداً
عشرة عشر سنين هذا هو الي بقلبك لي؟!
ليش ماصارحتني طيب
ليش ماقلت طيب
حياتنا هاديه وحلوه لدرجة والله العظيم انه مايناديني الا حبيبتي ماعمره ناداني باسمي
ويوم تخاصمنا طلع الي بقلبه
احس ماعاد لي رغبه فيه مادام انه بس صابر عليه وماعاد يبغاني أفكر اروح لأهلي
وبنفس الوقت أفكر بعيالي عندي٤ الله يحفظهم
الموضوع ملخبط اااسفه
بس حبيت اخذ أراكم ليش قال كذا مع انه عمره ما شكى من شي
وهل تؤيد ون اروح لأهلي ؟
حبك لي كله كذب وتمثيل؟!
53
8K

يلزم عليك تسجيل الدخول أولًا لكتابة تعليق.

تسجيل دخول

عيش شاامي
عيش شاامي
أتمنى كل من تدخل موضوعي تذكرني بدعوه لعل فيكم من لها دعوه مستجابه
روج شفاف
روج شفاف
يابنت الحلال الانسان اذا زعل يقول اي كلام علشان يجرحك ويكون وقت غضب ولا ماصبر عشر سنين علشان عياله كذاب رجل اذا ماحب الحرمه طلقها او تزوج عليها او اهملها اما عشره 10 سنوات وقت زعل كلن يقول كلام مو مستوعبه تعوذي من بليس وصلحو مابينكم
** كستناء **
** كستناء **
الكلام والتعابير وقت الغضب ترا مايكون صادق لان المتحكم في الموقف هو الشيطان لعنة الله
انت خليه ذا الفترة وانشغلي ببيتك وعيالك وصدقيني هو ندمان الحين بس مو عارف يلقى له طريق يراضيك ......هم كذا الرجال
والله يصلح مابينكم
زوززو
زوززو
اختاري أولادك
طعم الثلج1
طعم الثلج1
الرجال قالها بلحظة زعل ويمكن مو قاصد بس مع الزعل تعرفي الرجال يقولو اي شي
بس كلمية وارجعي قوليلة كلامك الي قلتة جد ولا من الزعل . ناقشية
ولو كان من جد خليك في بيتك عشان عيالك