روزااا :البرامج تستخدم في التحليل الفني يعني تستخدم في دراسة الأسهم وتوقع اتجاه السهم معرفة سعر الشراء المناسب وسعر البيع كذلك وقت الدخول في السهم ووقت الخروج كذلك معرفة وضع السوق وتوقع حدوث جني الأرباح ...ألخ, عزيزتي موقع تداول متأخر ب 5 دقائق يعني في حالة المضاربه اليوميه تحتاجي لأسعار مباشرة وعندك بطاقة مباشر توفرها, موقع تداول ينفع للدراسة بس متأخر شوي, أنا يوميا أدخل عليه بعد إغلاق السوق للدراسة.
ريما الدلوعه : تسلمين عزيزتي وشكرا على المرور.
طيب عزيزتي التداول عن طريق مثلا موقع الراجحي ما بيكون متأخر الموقع عندهم والا لاء ؟
وكيف بطاقة مباشر يعني اشتريها والا ايش ؟
سبحان الله وبحمده سبحان الله العظيم

عزيزتي روزاا ماعندي فكره عن الراجحي, بطاقة مباشر تباع وهي أنواع مثل مباشر و مباشر برو ومباشر برو أدفانس وكل نوع يختلف عن الثاني بالخدمات والأسعار, مثلا عندك بطاقة مباشر ب 95 ريال هذي البطاقة اعتقد انها الأقل سعر في المجموعه ومدتها شهر كامل لكن ما تعرض لك كل الأسهم تعرض فقط 15 سهم في كل قائمة (توجد قائمتين) يعني المجموع 30 سهم (عدد لا بأس به) وتعرض لك كمية الطلب وكمية العرض والأدنى والأعلى والصفقات
شكرا لك اخت ريميه.......
وابي اسالك سؤال ثاني ..... معليش ابتعبك معي ....بس والله اني ادعي لك ....
اذا بغيت اتداول ...وشي الموقع اللي افتحه ؟؟؟...يعني افتح موقع حسابي بالبنك وابيع واشتري منه ... او فيه موقع خاص افتحه للتداول ؟؟؟<<< ادري ان اسئلتي غريبه وتدل على اني ما عندي سالفه بالتداول >>>> بس قررررررت اني ادخل عالم التداول والاسهم واشوف واجرب
وابي مساعدتك...
طيب كم اقل مبلغ ممكن افتح محفظه فيه بالبريطاني؟؟؟؟؟؟
والله يوفقك دنيا واخرى ويساعدك يارب مثل ماتساعدينا
لا اله الا الله
محمد رسول الله
مطر الصباح : العفو عزيزتي, تفتحي موقع التداول الخاص بالبنك اللي فيه محفظتك وتدخلي على المحفظه وتباشري عملياتك سواء بيع أو شراء (كل بنك له موقع تداول خاص فيه عندك تداول الراجحي, تداول سامبا, تداول البريطاني,....ألخ), بالنسبه للبريطاني المحفظه كانت تفتح ب 50 ألف ريال وبعد كذا وقفوها فتره والحين يفتحونها ب 3 مليون ريال (أنا كلمت أمس وسألت عن المحافظ لسه موقفه أو لا وقال لي انتهى التوقيف واللي يبي يفتح يفتح ب 3 مليون).


الساعة الآن 10:45 .