السلام عليكم ورحمة من الله وبركاته ...

مرحبا أختي ... فيه وايد وصفات للمالح لأن المالح أنواع ( قباب - جنعد - عوال - جسيف ) هاي أسماي السمج المجفف ( المالح ) ... أنا أحب الجسيف وألحينه يبيعونه في الجبره ( مكان بيع الخضروات واللحوم والأسماك ) ... وبدون عظم ومنظف ... الجسيف حلو لو تسوينه صالونه ... الطريقه :
بصل مقطع جوانح
طماط مقطع صغير
جسيف ( تغسلينه زين وتحطينه في ماي حار عشان تروح ملوحته يعني تقربيا ساعه ولا ساعتين )
لومي يابس
بهارات ( البزار والكركم )
ملح
الطريقه :
تحمسين البصل مع الزيت وبعدين تحطين الجسيف وتحركينهم مع بعض ... بعدين حطي البهارات ألي عندج والومي اليابس ... وخليهم شويه ... بعدين حطي الطماط وحركي الخليط ... وخليه على نار هاديه ... وأخر شيء ضيفي الماي بس مش وايد يعني شويه عشان هيه صالونه مش مرق وخليه ألين يتسبك وبعدين سكري عنه ... وينكل مع العيش ( الرز ) الأبيض .
طلب صغير الله يخليكم أدعولي الله يسر امري ويفرج همي عاجلا غير أجلا ... ولكم مثله و الأجر بأذن الله .

" ياحي ياقيوم برحمتك أستغيث فاصلح لي شأني كله ولا تكلني الى نفسي طرفة عين "


مجموعة بيسان 77

بايعتهــــــا - ‎شمس‎ ‎بيتنا‎- ‎ رحماك ربي‎ - ‎فـــــــراولـ


الساعة الآن 06:57 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 2016 Hawaa Forum, Co.