موقف الخطوبه ههههههههه

قريت بي سي اليوم جايني وضحكني قلت خليكم تقرونه تتوقعونها تصير صدق😯 واللي جاها مواقف بخطوبه او سمعت مثل هالاشياء تخبرنا نتسلى وانا اختكم😁😀

وحده تسولف تقول :

مره دقيت على بيتنا على اساس اني اخطبني
يعني كني حرمه داقه 
وعارفه ان جدتي بترد 
فاقلت خلني اطقطق 




ردت جدتي وبديت 
الو انتو ال فلان 
مذكورن لنا ان عندكم بنتن سنعه ماشالله 
وانا والله ولدي مايبي الا الزين ترا
قامت جدتي تمدح والله بنيتنا ماعليها
طويلتن وبيضاء  ومعليها ومحد قايل في بنيته شي كلن يشوف عييله وش زينهم
قالت وولدكم وش سنعه قولي لنا عنه




هنا قلت يالله نبدا بالمغريات
والله ياام فهد ولدي طيار ماشالله وعنده بيت ابوه مقسمن بيوت على عياله وماعليه شيخ ولاهوب يدخن وراعي صلاة << خقيت وانا اوصف  
وطيب ولد طيبين وانا والله مانبي الا الطيبين 
ويبي يريح ويستقر 




هنا فجرتها جدتي قالت ترا بعد عندي بنت بنتي كانكم تبون رقمها   




وادخل اصقع جوالي في الكنب
على كيف امك انتي تعزمينها على بنت بنتك وهي جايتلي رزقاً لي تدفينه لغيري
ههههههههههههههههههههههه
وماسكه هالموقف عليها لين يومكم ذا 




من ذا الموقف واحس بيني وبين جدتي تتش 
في هالمواضيع 