Analysis Services
السلام عليكم
خواتي فديتكم
كنت ابي ابيع المشغل وخاطري فيه بس الضروف ماتسمح اديره شخصيا
فا اعلنت للبيع كلمني مصري عساس بيشتريه او يشاركني فيه
فقلت باجره عليك سنويا مع عاملات فلبينيات
وعلي المشغل زياده تاشيرتين
فكرت عشان ضروفي وعشان الدخل للبيت والصرفيه لو قدرت اطلع تاشيرات زياده واجيبهم للخدمات المنزليه لصالحي الشخصي ويكونو فبيتي ماله فيهم المصري ويكوني خاصات لي
كيف يكون اتفاقي مع المصري وغير كذا هدفه يبي يجيب خطيبته من مصر ويبيني اطلع فيزه لها ويستقدمها عالمشغل له مو للمشغل
بكم تعتقدون اتفق معه ع الايجار وش لي ووش عليه
ولفت انتباهي يقولي سجلي كلشي تبينه بورقه وموافق وخلينا نشغله من بكره !!
دمتم حبايبي
15-07-1435 هـ, 08:41 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
صراحه انا ماعندي خبره لكناكثر اللي اسمعه ان هذي الطريقه تجيب وجع الراس واي مشكله تطيح براسك خصوصا اذا كانت الرخصه والعماله باسمك لان اي شي بيصير مسؤوليتك خصوصا اذا كان الشخص اللي بياجره ماتعرفينه ولا عندك اي خلفيه ولا تثقين فيه وان شاء الله الخوات يفيدونك واذا كنتي مقرره تاجرينه روحي لمستشار قانوني وخسري عليه مبلغ وخليه يوضح لك حقوقك وكيف تحافضين عليها واذا يكتب لك عقد يكون افضل ولا انك تحطين نفسك بموقف انتي بغنا عنه وهذا رايي اتمنى اني اكون فدتك
16-07-1435 هـ, 12:19 صباحاً
 
ان شاءلله يفيدوكي البنات
16-07-1435 هـ, 03:47 صباحاً
 
لازم عقد عند محامي تحمي حقك وهو يحمي حقه
والي أوله شرط آخره سلام
وأعتقد الشراكه لازم تكون مع انسان تثقي فيه فأنا أشوف الأفضل انك تأجريه المشغل بالعاملات وتريحي بالك

ولا تستعجلي ولا يعجل عليكي

اسألي واستشيري ذوي الخبره وأهل الدين في بعض الأحكام حتى ما ياكل الواحد مال حرام
خلي خطواتك واثقه وخاليه من الأخطاء حتى ما تندمي بعدين

لازم بينكم شهود حتى ما ياكل حقك
16-07-1435 هـ, 04:22 صباحاً
 
بتدخلين في دوامه مالها اخر استشيري محامي و اذا بتأجرينه لازم يكون بعقد و شهود وعند محامي
ولا تجيبين خطيبته على كفالتك , لانها بتكون مسؤوليتك لو يبي زوجته تشتغل في اي مكان بتتحملين المسؤوليه الانظمه الجديده تمنع العمل عند غير الكفيل .. وماتدرين اذا هو فعلا يقدر يدير مشغل و يسدد الايجار او لا , واصلا كيف بيديره وهو تخصص نساء ممكن بعد الانظمه تمنع التأجير لازم تستشرين وتسألين قبل تتوهقين
واذا تبين رأيي بيعي المشغل وارتاحي لانه باسمك وتحت مسؤوليتك لو صار اي شي من مخالفات او شبهات
كلها بتطيح على راسك انتي هو بيطلع منها مثل الشعره من العجين لان كل شي بأسمك ولاتدرين اذا هو ثقه او راعي خرابيط وبلاوي ..
16-07-1435 هـ, 07:17 صباحاً
 


الساعة الآن 07:38 .