((لاآله الا انت سبحانك اني كنت من الظالمين))
20-07-1435 هـ, 11:12 مساءً
 
كل مشروع يحتمل الربح والخساره طبعا الرزق بيد الله لان لو تشوفي السوق تقريبا محلين جنب بعض نفس البضاعه لكن كل واحد له رزقه اهم الشئ التوكل على الله والاخذ بالاسباب
حاولي ماتبعي ملابس عاريه او قصيره والبضاعه تكون نوعيتها وخامتها ممتازه وجيده وان شاء الله يفيدوك البنات

وبالتوفيق لك يارب
21-07-1435 هـ, 12:54 صباحاً
 
مافي شي مضمون الربح
فيه تاجرات يبيعون نفس البضاعه وحده تلقينها ماتلحق طلبات والثانيه ماعليها اقبال
استخيري ثم شوفي هل انتي تفهمين في هالمجال هل عندك قدره على التسويق هل انتي صبوره
هل تقدرين تتحملين مشاكل الزباين والتعب الناس تبي اسعار رخيصه وخامات زينه
الملابس مشاكلها كثير ممكن تجي فيها عيوب بتضطرين تعوضين الزبونه
و اختلاف القياسات هذي بحد ذاتها مشكله
واهم اسباب التوفيق ابعدي عن الملابس العاريه لان والله مافيها بركه يضيق صدري اذا جيت اتفرج على حسابات تجاريه واغلب المعروض ملابس للفخذ وعاريه الصدر واذا قلتي لها مايجوز هاللبس قالت الي بتشتري بتستره طيب وش يضمن لك تسترته هذا بيكون ذنب عليك لانك بعتيه لها وكل مالبسته شاركتيها الاثم
21-07-1435 هـ, 08:00 صباحاً
 
حتى انا فكرت في الملابس بس خفت اخسر لان الملابس في كل مكان
ولو حبيتي بيعي ملابس اطفال يمكن افضل
21-07-1435 هـ, 12:17 مساءً
 
موضوع التجارة مو موضوع سهل تفهمينه في يوم وليله
أي تجارة وخاصة تجارة الملابس لازم تمر على أربعة مراحل : اذا نجحتي فيها فانتي نجحتي في تجارتك
1- دراسة الفكرة : لازم تكون عندك دراسة كافيه عن تجارة الملابس ومعرفة وش الملابس اللي حابة تتاجرين فيها وتعرفين اللي تمشي والملابس الي ماتمشي وأيضا دراسة اسم حلو لمتجرك وتعرفين كيف طريقة فتح الحسابات وأسألي عن كل شي حتى تكوني معلومات كافيه عن مشروعك حتى فلوسك هل هي بتكفي أو لا

2- الاستيراد : لازم لازم تعرفين وين تجيبين بضاعتك منه .. اعرفي وين يجيبون الملابس منه جملة وبسعر حلو سواء من تاجر جملة او من موقع او من أي مكان وتعبي نفسك في هالنقطة بالذات علشانها أساس تجارتك... وكل ماتوصلتي للمصنع نفسه كل ماكان ربحك أكثر
ونفس الشئ تعرفين طريقة الشحن من مكان الجملة الى مكانك كيف ؟ وكم الاسعار ؟ وماهي شركات الشحن ؟ وماهي أفضلها وابحثي في الانترنت تجدين أغلب الاجابات اللي يدور في بالك

3- التسويق : اذا درستي مشروعك وعرفتي وين تجيبين بضاعتك منه وشريتي بضاعتك بسعر جملة تسوين أهم نقطة في مشروعك وهو التسويق
يعني كبف يعرفون الناس عن بضاعتك
وهذا هو اللي يميز التاجرات عن بعض
فبعض التاجرات تصور بضاعتها باحتراف وفاتحه لها حسابات وتعرف كيف تسوق لجاراتها وقريباتها وتعرف كيف تكون زباين وبعض التاجرات فاتحه لها حساب واحد وماترد على الناس وتصوير بضاعتها بطريقة سيئة وفي الاخير تقول اني خسرانه في تجارتي
اكيد بتخسرين اذا انتي ماحرصتي على بضاعتك
وطبعا التسويق يحتاج له وقت طويل حتى تكوني زباين ويعرفونك الناس لاتستعجلين

4- التصريف : يعني لو فييه بضاعة شريتيها وسوقتي لها ومع ذلك مامشت
فلازم تصرفينها برأس مالها بأي طريقة أهم شئ لاتخسرين
ممكن ترجعينها لمصدرها ان كان تاجر الجملة متفقه معه
ممكن تسوين تخفيضات
ممكن تشاركين في بازارات علشان تصرفينها

أهم شي لاتخسرين

واعملي بهذه القاعدة ( ربح قليل مستمر أفضل من الطمع برح كثير وبعدها خسائر متكرره )

والله يوفقك حبيبتي ويرزقك ولاتنسين الدعاء والاستخاره قبل كل شئ
21-07-1435 هـ, 08:50 مساءً
 


الساعة الآن 06:20 .