السلام عليكم ورحمه الله وبركاته.....

قبل لا ابدا احب اقول لكم انا ريماس اخت ليلاس......

شوفو يا جماعه الخير انا انسانه لاقدامي ولا وراي ومحتاجه مساعدتكم
وبقول لكم سالفتي..............
انا الحمدلله تخرجت من الثانويه مثل كل بنت بس مشكلتي انا نسبتي كانت ضعيفه
وكنت داخله قسم ادبي
المهم دارت بي الايام وحاولت ادخل اي كليه فما انقبلت
(على ايش يقبلوني يا حسرتي) لانسبه ولا موهبه(وهذي من طلبات الكليه ام النسبه او الموهبه اذا بتدخلين قسم الفنيه او الديكور)..المهم
قلت مالي الا وحده من هاالمعاهد......وقم ت اتصل واسئل عن الEوالحاسب
بصراحه يبون فلوس وهذا من حقهم.. لكن ليه اسعارهم جنونيه لهذي الدرجه!!!! :

وكنت بدخل تبع مكياج قلت شيء ينفعني ويلبي رغبتي ...وكلمت وقالو على وحده من ها المعاهد وقالو ادفعي1800 ريال للشهر وبما اني مبدتئه يحتاج لي على القليل
4الى6 شهور يعني بتطلع الفلوس اللي بدفعها لهم 1800ضرب 6شهور 11 او 10 الاف ريال
اصلاً ابوي لو يبيعني في الحراج ما اجيب لهم الا 1500...ما كأنها كثيرة بعد
الزبده يا بنات....
اني جالسه في البيت وما قدرت ادخل وحده من المعاهد(لحظه دخلت معهد Eلمده
شهر بس انا كنت احس بالمسؤليه وماكملت علشان ابوي يحتاج للفلوس(يعني عليه دين مثل كل الناس) فانسحبت بكل هدوء قال ابوي ليه؟ قلت الدراسه تعب ووجع راس ياحياتي عليه صدق ويحسب اني فعلاً ما احب الدراسه لكن والله العظيم يا بنات اني ما قدرت اكمل وادفع كل شهر
650ريال للمعهد اخواني يحتاجون للمصاريف اكثر مني ...فانسحبت علشان ابوي واخواني ...
المهم اللي ابيه منكم انكم تقولون لي وش اسوي ابي شيء اسويه علشان اكسب من وراءة غير اني اصير مندوبه مبيعات او اسوي اكل وابيعه...
انا عندي ميتين ريال ( xxxx اجل انقلعي يا حلوة)من اسبوعين وانا افكر فيها ابي اسوي فيها شيء استثمر من وراها(ياشيخه استحي على وجهك ميتين وفرحانه)
ممكن اني اخذ من اخوي 200 او300 ريال بس انتم تكفون لازم تساعدوني
انا انقفلت قدامي الابواب ومالقيت الا انتم يا سيدات الاعمال
يعني اشكي لكم وتنصحوني وش اسوي بالفلوس
بس قبل لا اقفل موضوعي حب اوضح لكم وضعي ....
انا ما اصلح مثل ماقلت مندوبه مبيعات اهلي ما راح يرضون .... او اني اسوي اكل
ومعجنات وشغلات مثل كذا وابيع .....بيقولون بنتنا استخفت

فتكفون يا بنات لازم تدلوني على طريقه امشي عليها ومااضيع وتكون مرضيه لااهلي وتفيدني وتخلي عندي شيء استند عليه(ليه الحبيبه تبي مخده ولا مركي)
عارفه يابنات اني ثقلت عليكم لكن صدقوني ما لقيت احد اشتكي له وبينصحني من قلبه وبامانته غيركم ...............

ومعليش ازعجتكم وطفشتكم لكن تكفون ساعدوني وتراني انتظركم على احرى من الجمر
وانتظر منكم اي شيء بس ساعدوني..............


الله يرزقك حبيبتي ويفتح لك ان شاء الله وتلاقي الشئ الي ممكن تفيدي وتستفيدي منه وتكوني عون لنفسك ولاهلك


وان شاء الله الاخوات يساعدوكي كل واحده علي حسب خبرتها
حياك الله اختي ام دانا....

ومشكورة يا قلبي على مرورك السريع
ودعوتك اللي وصلت لقلبي ............

وانا انتظر في البنات علشان يساعدوني بس يردون...........

الله يرزقك حبيبتي ويفتح لك ان شاء الله وتلاقي الشئ الي ممكن تفيدي وتستفيدي منه وتكوني عون لنفسك ولاهلك
وان شاء الله الاخوات يساعدوكي كل واحده علي حسب خبرتها
لاول مـــــــره بالمنتدى @الدلـــكه الســـودانـــيه @بياض+نعومه+ازال
اختي كان ودي اساعدج لكن للاسف المبلغ اللي عندج بسيط و افكاري ممكن ماتساعدج وايد....لكن ممكن انج تعرضين فالمنتدى خدماتج مقابل بلغ بسيط....مثلا لطلاب المدارس تسويلهم بحوث وتحددين مثلا سعر الصفحه بكم.....او انج تسوين لهم بوربوينت ....او ممكن تتفقين مع مكتب عقاري انج تيبين لهم زباين و تدورين عن طريق النت يمكن تظبط معاج مره...سامحيني اختي الغاليه كنت اتمنى اساعدج اكثر من جذي لكن هذا اللي عندي
لاتقول "ياارب" همي كبيرر....لكن قول: ياهم "ربي كبير"...





الساعة الآن 02:38 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 2016 Hawaa Forum, Co.