طيب باقولك حاجه مختلفه العجينه اذكانت قاسيه تطلع حجار بعد القلي لازم تكون العجينه ناعمه اوطريه نوعا ما
شوفي حبيبتي إذا قصدك بف فالأفضل دقيق ابيض بس ولازم يكون فيها زيت بس قليل يعني لكوب الدقيق ملعقه زيت وذرة سكر وذرة ملح وشوي ماء
...وبالنسبة للعجينتي اللي معتمدتها فلازم خميرة لأن عيالي مايحبون البف مالي مقادير معينه بس بأقربلك .....تقريبا كوب دقيق ابيض وكوب بر وثلاث ملاعق زيت ونص ملعقة خميرة فورية وملح وملعقتين حليب بودرة (مو ضروري) احيانا ما احط وتضبط وبس اعجنيها بمويه لين تصير متماسكه بس مو قاسية وخليها تخمر 10دقايق بعدين اعجنيها مرة ثانيه وخليها لين تجهزين الحشو ....تصلح مقليه او ادهنيها بيض وحمريها في الفرن ....وبالعافيه عليك
الله يفتح ابواب رزقه ويسعد كل من ردت اليوم شفت طرقكم واستفدت واخذت من كل وحده نصيحه من جد ظبطت اشكركم من كل قلبي لاني بعد فضل الله استفدت منكم كثير الله يجعله بميزان حسناتكم اجمعين كل من ردت علي الي سويتها اضفت فيها زيت وخليتها ترتاح مافردتها على طول واصايل الله يعوظك بالزوج الصالح التقي عاجل يارب الي مشت معي طريقتك جزاكي الله خير وكل البنات ماقصرو


الساعة الآن 04:41 .