Analysis Services
ممكن طريقة الجريش جزاكم الله خير
28-07-1435 هـ, 06:25 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا حبيبتي

نقعي جريش مع ارز وممكن جريش لحاله حسب عددكم
انا وزوجي احط كوب جريش او نص كوب ارز مع نص جريش
نقعيه يجي ٣٠ دقيقه

حطي بقدر الضغط مويه وكثري يعني نص القدر
وحطي ماجي واذا عندك مرق لحم او دجاج جاهز يكون افضل
اذا تبين تحطين معه صدور دجاج بدون عظم يطلع لذيذ جداً او ممكن لحم مفروم

حطي الجريش عليه
واضغطيه ٣٠ الى ٤٥ دقيقه ع نار هاديه

صفري القدر

فيه طريقتين
ناس يحطون زبادي ويجي شوي حامض
وناس يحطون قشطه
انتي لك الخيار

وحطي ملح بس لاتكثرين اذا حطيتي الماجي
وحركيه بالمضرب اليدوي لين يصير لين
اذا كان ثقيل خففيه بلبن او حليب

التقليه اللي فوقه قطعي بصل شرائح اقليها بزبده لين تغمممق ثم حطي شوي ليمون اسود مطحون

وممكن تسوين كشنه ثقيله وحاااره فلفل وتحطينه بدل البصل
وبالعافيه
28-07-1435 هـ, 07:29 مساءً
 
شوفي 
اولا جيبي لبن المراعي او اي لبن 
وحطيه بالقدر نص القدر بعدين ضيفي مويه كاسين 
وخليه يغلي اذا بدا يغلي وطي النار اخر شي 
وحطي كاس جريش 
اذا كنتي انتي وزوجك بس والقدر مو كبير طبعا 
واضيفي الملح وكمون  وماجي ابيض وبصل مفروم بدون حمس 
وكان عندك عظم او قطعة شحمه وكان مافيه شوي زيت 
وغطيه بقصدير بس ركبيه مبكره مره يعني قبل الاكل ب4ساعات 
وكل ساعه امشي له ودقيه وخليه يذوب 
وقبل الاكل بربع قطعي بصل واحمسيه بزبده وحطي عليه كمون مطحون وشنه واحمسيهم زين وتصير هذي كشنته 
ترى طعمه خيال وهذا جريش نجد المعروف وامي تسويه وجداتي كذا 
29-07-1435 هـ, 07:06 مساءً
 


الساعة الآن 07:51 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏