الطعمية بطريقة اسامة السيد

المقادير

2.5 كوب فول مدشوش ( بدون قشر)
1 بصلة متوسطة
8 فصوص ثوم
ربع كوب كزبرة خضراء و شيت
نصف كوب كرات
ملعقة صغيرة كزبرة جافة ــ نصف ملعقة صغيرة بيكربونات صوديوم مضافة على ملعقة كبيرة ماء ــ ملح و فلفل ــ ثلث ملعقة صغيرة شطة و يمكن الاستغناء عنها ــ ربع ملعقة كمون مطحون ــ ربع ملعقة بهارات
زيت غزير للتحمير

الطريقة

انقعي الفول في ماء دافئ لمدة يوم كامل مع تغيير الماء من فترة للاخري
يوضع الفول في محضرة الطعام و مع البصل مقطع و فصوص التوم و الخضرة كلها مقطعة و اضلابهم مع بعض مع ايقاف الجهاز من فترة للتانية للتقليب ( اذا عندك مفرمة لحمة يكون افضل)
بعد كدة حطي العجينة في طبق و ضيفي عليها باقي المقادير
شكلي الطعمية زي ما تحبي و ممكن تحطي عليها سمسم من على الوش و بعد كدة حطيها في زيت غزير و ساخن علشان تتحمر
ده بيكون شكلها


و ممكن تحقظي باقي العجينة في الفريزر و اذا احتجتيها تاني فقبل التحمير ضيفي عليها بيضة و معلقة بيكنج بودر
و ممكن تستخدمي العجينة في انك تضيفي على مقدار منها 3 بيضات و تقليها في زيت غزير او شوية سمنة و يكون بيض بالطعمية بتكون حلوة رضه
و بالهنا و الشفا
26-11-1426 هـ, 03:30 مساءً
 
موتي و نودي الله يبارك فيكم و شكرا اوي لتشجيعكم
26-11-1426 هـ, 03:32 مساءً
 
هايلللللللللللللللللة يا رورو ماشاء الله عليكي
26-11-1426 هـ, 05:08 مساءً
 
مرويللا شكرا لتشجيعك الدائم يا حبيبتي
26-11-1426 هـ, 05:17 مساءً
 
مبروك على تثبيت الموضوع يا قمررررررررررر
26-11-1426 هـ, 08:35 مساءً
 


الساعة الآن 10:45 .