رز بالصلصة و القرفة

حبيت اجرب رز جديد طلع طعمه روعة و شبه رز الطازج

المقادير
2 كوب رز ـ معلقة صلصة طماطم ـ بصلة صغيرة ــ نصف فلفلة رومي خضراء ـ معلقة قرفة ـ واحد مرقة ماجي ـ ملح و فلفل

الطريقة
حطي معلقة زيت زيتون في حلة لحد م تسخن
قطعي فيها البصل و شوحيه شوية
قطعي الفلفل و سيبيهم شوية لحد ما يدبلوا
حطي معلقة القرفة هتلاقيها طلعت ريحة حلوة اوي
تقومي حطاة الصلصة و مرقة ماجي و تقلبي ثواني
حطي الرز و قلبي كويس قبل اضافة الماء
ضيفي الماء حسب نوع الرز المستخدم و الملح و الفلفل و سويه عادي بعد كدة

و بالهنا و الشفا
اتمنى يعجبكم
18-11-1426 هـ, 04:15 مساءً
 
والله يا رواء اكلاتك كلها حلوةةةةةةةةةةةةة وخاصه الفطيره والفرخه بس يا ريت الموضوع يتنقل للاطباق الساخنه علشان احنا كده مش بناخد بالنا منه وتسلم ايدك يا قمرررررررر
19-11-1426 هـ, 11:22 مساءً
 
غرام و حنين شكرا لمرورك يا حبيبتي
22-11-1426 هـ, 03:49 مساءً
 
بسم الله الرحمن الرحيم

من يومين حبيت اعمل بروست و كنت مستعجلة مفيش وقت انقعة تعالوا شوفوا عملتوا ازاي
الاول المقادير

فرخة مقطعة 8 قطع
الخلطة عبارة عن
معلقتين كبار خل ابيض ــ عصير ليمونة كبيرة و مليانة ــ 2 بصلة مبشورة ناعم ــ 4 فصوص ثوم مبشورة ناعم ــ ملح و فلفل ــ معلقة كبير بابريكا ــ معلقة سماق ــ بهار فراخ

الطريقة

حطيت الفراخ على الخلطة ده و قلبتها كويس و حطيتها على النار بدون اضافة ماء و خليتها تتسلق نصف سلقة
بعد كدة طلعتها و حطيتها في خليط من البقسماط الناعم و الدقيق و حمرتها و طلعت بالشكل ده



و طعمها كان حلو اوي
المهم اخدت باقي الخلطة اللي سلقت فيها الفراخ و صفيت منها نصف كمية البصل و حطيت عليها معلقتين زبادي كبار و معلقة كبيرة صلصة علشان اققلل من طعم الخل و اليمون و ضفت عليها كوب ماء و خليتها تغلي بعد كدة ضفت عليها رز و ظبت الملح و سويته عادي
طلع جميل اوي و فيه طعم قريب لطعم رز كنتاكي بس بدون خلطة
و شكله كان كدة



و عملت معاها كمان خضار سوتيه في الفرن
المقادير

بطاطس ــ جزر ــ فلفل رومي اخضر ــ عيش غراب طازج ــ فاصوليا ــ لحمة مقطعة صغير قوي
البهار
معلقتين زيت زيتون كبار ــ بابريكا ــ سماق ــ ملح و فلفل

الطريقة

نقطع الخضار قطع متوسطة و نكون في الوقت ده حطيت حلة على النار فيها ماء علشان يغلي
لما تغلي الماء نبتدي محط كل نوع خضار لوحده و نسلقة نص سلق و قبل ما نحط الفاصوليا نحط معلقة بيكربونات صوديوم علشان نحافظ على لونها زاهي
نفس الشئ نعمله في اللحمه نحطها تتسلق بس نسيبها تتسلق كويس
نحط الخضار كله في طبق و نحط عليه البهار و نقلب كويس
بعد كدة نحطها في كيس من اكياس الفرنو نحطها في الفرن لمدة حوالي نصف ساعة
بعد كدة نطلعها و نحطها في طبق التقديم
و ده شكلها النهائي



يا رب يكون عجبكم و بالهنا و الشفا
23-11-1426 هـ, 08:14 مساءً
 
تسلم ايديكييييييييييييييي
حلوين جداااااااااااااااااااا
24-11-1426 هـ, 02:31 صباحاً
 


الساعة الآن 03:31 .