بالتوفيق للجمييييع
[/code]


ربي لاتذرني فرداً وأنت خير الوارثين
انا دورت مشروع يكون داخل بيتي لان عندي اولاد ولا اقدر اخليهم واروح اكمل دراستي او اخذ دورات .. بحثت اسهل شغله ممكن اسويها ومايكون فيها جهد وخروج من البيت ومايكون فيها حتى ضغط على زوجي لانه معلم ويدرس دبلوم بنفس الوقت ....
لقيت اني اصير مندوبه لاي شركة تجميل خصوصا اني اعششق الميك اب وهالاشياء..
اخترت شركة اوريفليم لان اكثر شركة فيها ربح 30 % من قيمة كل منتج ينباع اغلب الشركات 25 واقل ..وطبعا بعد ماسجلت ارسلت لي الشركه الكاتالوج .. وصرت افرجيه لاي وحده تزورني ولما تشتري اكلم الشركه اقول لها الطلب .. والشركه توصل طلبها ..

وماشالله مشى مشروعي اول شهر كان مكسبي قليل 222 ريال ..بس ماكنت فاهمه الشغله تمام واني لما اسجل مندوبات اكسب من مبيعاتهم هم كمان ..
والشهر الثاني كسبت 600 ريال ..وهذا الشهر الثالث لسا ببدايته .. ان شاء الله في ازدياد وان شاء الله يوصل 7 ولا 8 الاف بعد فتره

دعواتكم
اي وحده حابه اني اسجلها في الشركه ونكون قروب كبير ونكسب انا حاضره اسجلها واشرح لها كل شي ..تتواصل معاي خاص .

ومشكوره لصاحبة الموضوع موضوع حلو
انا ودي ابدى اتاجر لكن مو عارفه بايش نفسي يكون لي دخل مااحتاج احد اصرف به على نفسي وعيالي
عندي رغبه لكن مو عارفه اي مجال ادخل
سبحان الله وبحمده عددخلقه ورضى نفسه وزنه عرشه ومداد كلماته
استغفر الله الذي لااله الاهو الحي القيوم واتوب اليه سبحان الله والحمدلله ولااله الا الله والله اكبر
الله يوفقكم بنات ,,


ومشكورة اختي فديتني خطيرة حمستيني ارجع أكتب ,, لاني واثقه انو اللي اكتبه راح ينقرأ ,,




السنة الثانيه ,,جاني 2 طالبات خوات ,, وحدة ف رابع ووحدة ف خامس


وكنت اذاكر لهم الوحدة بـ 200 مع اللي العصر م غليت عليها بـ 150 لظروفهم المادية ,,




وجاتني كمان طفله ف ثاني ابتدائي اخدت عليها 100 وغصب علي لانو امها كانت ع حمل ,,


وخواتها الكبار متزوجات ,,




البنات الثنتين / كانو يجوني من 11 الليل وبعد ويطلعون 3 الفجر ,, لانو امهم وابوهم موظفين


وكان العشا عندي طبعاً ,, يتعششون وينبسطون ويلعبون بلابتوبي وبسيكل ولد اخوي




اللي العصر كانت مرات تجي 4 ومرات 5 ومرات بعد الصلاة ,, والطفله اللي ف ثاني كانت منتظمة ,, رجعتها من المدرسه تتغدى وتجي




فطبعاً يومي كله يروح معاهم م اعرف اطلع ولا اسوي شيء ,, ويجي موسم البحوث واشتغل طول الليل عليهم ,,


والنهار انام شوي واصحى انتظر البنات ,,




وبعدها صرت مشهورة وجوني ماشاء الله تبارك الرحمن 8 بنات ,, 7 منهم من رابع لي 6 ,, ووحدة اولى متوسط
واعطيت دروس خصوصيه لطالبات ثالث ثانوي ف مادة النحو ,,


3 بنات كانو خوات ,, ^^ نفس اللي جو ثاني سنه جات معاهم اختهم ,,وذاكرت لهم سنتين ونص ولليوم امهم تتماني ارجع


وبصراحة انا اتمنى ارجع لهم عائله راقيه وذوق من جد ربي يحفظهم ,,


ووحدة من البنات غير الثمان جاتني فترة ,, صارت لي مواقف مع امها كثيرة ,,




اول ماجابتها امها عطتني ظروفها ,, انو هي مو عايشه معاها البنت عايشه مع جدتها واخوالها ,,




وهي تجي لها اربع وخميس وجمعة ,, ماقلنا شيء ,,




كان اهم شرط عندي مع الاهل انو اغراض الطفله تكون كامله ,, انا اسوي الاعمال بس الاغراض عليكم ,, وكلام الام اكيد ذي بنتي ووو




اول اسبوع جاتني بعد شهر ونص من بدايه الدوام ,, بدأت معاها اكمل كتبها ,, اراجع لها الدروس اللي م اتقنت ,,
شوي البنت تبكي / شوي تنام / شوي تسولف تبي تفضفض ,, وانا تاركتها ,, شوي تقوم تلعب بشكل غريب تاخد راحتها ماودها ترجع بيتهم


مرة من المرات كان عليهم فنيه ,, وكتبت ورقه لامها ع الاغراض ,, باقي ع ال*** الجايه يومين ,, الاغراض م جات ,,


سألت البنت / الماما ماجات هالاسبوع ف الويكند ,, قالت الا جات ,, قلت لها ماقلتي لها عن الاغراض قالت قلت لها ,,
وسكتت البنت ,, قمت انا رسلت للام رساله ع جوالها هذه الاغراض المطلوبه وكملت للبنت عملها من اغراض الطالبات
الا عندي ,, بعد استئذانهم ,, مشيتها




فترة والاغراض الاساسيه م انجابت ,, طالبه ف صف رابع ابتدائي تحتاج صمغ يومياً ,, مقص ! ألوان خشبيه ,, ورق ملون


مو معقول انا بصرف عليها ,, او بعطيها ع طول من عند الناس , ,رضو مرة مرتين م بيرضو ع طول ,,


جا مرة وسألتها فلانه امك اليوم جات ولالا ؟ قالت موجود ة ,,قلت لها ليش ماشرت لك الاغراض


قالت يوم قلت لها قالت لي / انا اليوم بروح الكوافير مرة ثانيه بشتريهم لك ,, لمتى البنت صار لها كم مداومه !!!


فجأة بدون سابق انذار ابوي جا وقال بناتي اليوم بنسافر ,,


كان الاربعا دقيت ع الامهات كلهم ,, الا تقول لي حسافه ,, والا تقول الله يهنيك كلهم بحب




الا ذي قالت ورطتيني !!!! >> شسوي يعني اجلس ف البيت لوحدي ,, وعادة انا اقول من البدايه تحملو ظروفي اتحمل ظروفكم


راعوني اراعيكم ,, وصارت لبناتي سافرو ف الاجازة ورجعو بعد اسبوعين من بدايه الدراسه وعادي راجعت لهم كل دروسهم السابقه


وسوينا الواجبات والاعمال ,, جاو لي حتى الويكند لمدة اسبوعين وخلصنا ,, بس ذي لا !!


شقالت ورطتيني ,, وانتي تبي الحجه ووو كلام واجد ,,


لما رجعت / البنت صار م عندها سواق ,, تجي يوم و4 لا ,, ولما تجي لازم اراجع لها كل الدروس اللي فاتتها طبعاً ,,


اخر ليلة لها عندي / جات من 6 او 6 ونص ,, البنت جايه مادخلت ولا حصة اليوم ,, قلت لها ليش ؟


قالت عاقبوني ,, لاني م جبت بطاقه العائله !!! دقيت ع امها وقلت لها >> امها م تدري !


وقلت لها روحي المدرسه وكلميهم ووو المهم راجعت للبنت وحليت معاها كتبها ,, شوي الا البنت نامت تعبت !


تعب نفسي وتعب جسدي ,, كلمت امها الساعه 8 ونص او تسع الا ,, عشان ترسل السواق ابد لاحس ولاخبر


اني خلصت وطلعت من الغرفه خليت البنت نايمه ,, جا اخوي ها خلصتي قلت ايه قال ,,اجل يالله بنطلع


قلت له البنت داخل / استنى يجي لها السواق ,, نص ساعه لا حس ولاخبر


ساعه ولا ف شيء ,, رجعت البنت دقت ع امها ,, وامها معنده م تبي السواق يجي ,, ماما / اللي تعلمني بتطلع


قالت ماعليك اجلسي شوي ,, جا لها السواق 10 إلا ,, أي طفله عمرها 10 سنوات بتجلس لهالوقت ؟


طلعت البنت منا وكلمت امها منا / عذرا م بكمل مع بنتك ,,




طبعاً بعدها الام سألتني كم لك ,, قلت ماادري انتي الا احسبي ,, حسبت الام باليوم الي تجي فيه


الظاهر نسيت اني اذاكر لبنتها حتى عن غيابها ,, قالت لك 75 ! قلت اوك مابي اظلم




ليومكم ماشفت شيء ,, اول شيء مافضيت ,, بعدين انتي الا كل تطلعي تعالي انتي ,, بعدها ماعندي موصلات


>> هي تاجره بتوصيل ع فكرة ,, طبعا هالكلام قبل لا انخطب انا ,, بعدها قالت لي كاش مالك حق عندي ! بأسلوب اقل م اقدر اقول عنه ,, هجومي ,, سكت عنها ,, بعد سنة ونص اخر رساله منها


راسله لي اختي انا رحت بيتكم ,, ولا دليته ولا عرفته ,, فكيف اجيب لك الفلوس




توك تتذكر الناس لهم حق عندك ؟ مر ع الموضوع اكثر من 3 سنوات ,, الفلوس ماعدت ابيها بس لايمكن انساها






الموقف الثاني / وحدة تبي بحث مستعجل ,, واسويه واكلمها اطبعه تقول ايه الخميس العصر اكيد عندك


يجي الخميس والجمعه م اشوفها ,, تقول لي رحت بيتكم ولا شفته ,, كيف جيتي بيتنا ؟


عندك رقمي شيء ؟ اخدتي الوصف ؟تعرفي انا مو ين ؟ >> طبعا ذي عن طريق منتدى ولا سألتني حتى من وين انا




موقف ثالث / 4 طالبات جامعه طلبو مني بحث ,, عاجل جداً


الليله الساعه 12 ونص او وحدة بيجو يستلموه >> الليل ها ,, بكم


بـ 75 ريال ,, تجي البنت الساعه وحدة وتستلمه ,, يوم اخدته وشافته قالت




عادي اجيب لك الفلوس بكرة ؟




جات بكرى ,, جات اسسبوع ماشفت شيء ,,


رجعت كلمتها قالت لان البنات م عطوني ,, !


اسبوعين ونفس الشيء ,, اخر شيء عصبت ورسلت لها رساله ,, انو خلاص ابغى حقي


وإذا ماجاني بطلبه من رب العالمين ,, يعني انتو مستعجلين ع بحثكم وسلمتوه واخدتو درجاتكم ,, وين حق بنت الناس ؟


ورجعت جابت الفلوس الساعه 2 الفجر ,, وفيها حديد > >تعرفو الهللات الحديد فيها كذا




خلال رحلتي المكونه سنوات تقريبا وقد تمتد لـ 7 ونص ,, هذه ابرز المواقف اللي تعرضت لها




صارت لي مواقف اعادة بحوث ,, احيانا الغلط مني ,, احيانا شي م يستحق اني اوقف عنده


صارت لي اعادة واجبات ,, صارت لي بنات يحتاجو اعادة اختبار ,, ومواقف كثييرة


بس كلها قوتني ,,وجاتني نصائح كثيرة من الامهات الله يحفظهن ومن البنات كمان ربي يخليهم لاهاليهم ,,




وان شاء الله لي نيه دخول لعالم التجارة ويَ رب قريب






شكراً لكم
رائعة نبل اسعدني كفاحك ربي يبارك في الاهل الي ربوك

انستقرام
ommral
عندي مبخرة الكرستال من مكة


الساعة الآن 01:14 .