اصعب موقف مر بآمومتك 👶💞 !!

صباح الخير 🌷
اللهم صل وسلم على حبيبنا محمد💞
كنت ادور حلول بقوقل لغيرة الطفل من النونو الجديد .. وطحت على هذا الموضوع بمنتدى ثاني واعجبني يُستفاد منه ممكن وحده تذكر شي نكون غافلين عنه ماعرف اذا مكرر او لا بس ماعمري شفته هنا😊
الموضوع هو كل وحده تكتب اصعب شي او موقف مر عليها بأمومتها .. 
عن نفسي المواقف الصعبه كثير بس اكثر واحد اثر فيني ولليوم لما اتذكره يكش جسمي .. كان ولدي عمره شهرين وخديج تعرفون الخدج يرضعون شوي شوي .. فكنت اطفش وانا ارضعه ومره شغلت التلفزيون وانا ارضعه ومركزه مع الفلم بكل جوارحي😓 شوي لما ناظرت ولدي ولا وجهه اززززرق وشاهق وفاتح فمه وجسمه يرجف كنت لحالي بالبيت زوجي مداوم وابكي واصرخ باسم زوجي مع انه بالدوام بس من الفجعه ماعرفت وش اسوي شكل ولدي يخوف وعلى حاله جبت مويه ومسحت على وجهه واسمي عليه واقرا قران ونص حركاتي مو ذاكرتها اتصرف بدون وعي مادري كم مر علينا وقت بعدها الحمدلله فكت الشهقه وتنفس وصار يبكي وشوي شوي رجع لون وجهه .. تعرفون الخوف اللي بعده تحسين خلاص انهد حيلك وجسمك نمل من كثر ما خفتي كذا صار لي وبيومها عجزت انام جالسه جمبه واتأمله استرجع الموقف .. اظن اني خنقته بصدري وانا سرحانه مع الفلم وناسيته لاحد يلومني كنت صغيره وماعندي خبره .. الحمدلله اللي سلم ولدي والحين نايم جمبي وصرت انتبه اكثر لما ارضع اخوه 
يلا كل وحده تقول موقفها يمكن تنبه غيرها