السلام عليكم ورحمة الله وبركاته .......

خواتي ....

أتمنى تنصحوني او تنوروني وتشورون علي في مشروعي .....مشروعي هو عبارة عن :
(إدارة حسابات أنستغرام التجارية )
طبعا أدير الحسابات لمدة شهر كامل متواصل ب500ريال
والمشروع كله عن بعد من الأنستغرام وللأنستغرام وعن بعد يعني أي حساب تجاري في العالم العربي .

سويت تسويق وإعلان عن المشروع وعندي حساب أنستغرام خاص للمشروع الحمد لله ربي رزقني بزباين مو لدرجة ما احد يسئل لاكن اتفق معهم على كل شي وكل شي تماااام حتى السعر عاجبهم إن أجره فقط 500ريال لاكن لما يوقفون عند نقطة رقمهم السري حق حسابهم يوقفووووووون وينسحبون من الإتفاق أنا إلى الآن ماتعاملت مع أحد أقصد من بعد مافتحت هذا المشروع وصار لي تقريبا شهر من فتحته .....لاكن اكيد عندي خبرة جيدة في هذا المجال ...ولا ماكان فتحت هذا المشروع ...المهم أنا المشكلة اللي أشوفها هي عدم ثقتهم في بحيث إنهم يظنون إني راح آخذ رقمهم السري وأسرق حساباتهم لاكن يشهد علي ربي إني أخااااااف وأخاف كثير من الله ولله الحمد حتى إني شارطه على نفسي ماأدير أي حساب تجاري فيه نساء أو محرمات شرعيه فكيف أنا بسرقهم وأنا عاذرتهم لأنهم جد هم مايعرفوني ومو شايله على أحد يمكن لو كنت مكانهم كنت سويت نفس الشي بس كيف أجيب طريقه يأمنوني فيها وبعد الحسابات ناجحة ماشاء الله يعني متابعينهم كثيييير ماشاء الله فوق الآلاف فهم تعبو حتى ينشهرو لهذا المستوى أكيد بيخافون على انفسهم أنا أجد مشكلتي في المشروع صعبه جدا ومو لاقيه طريقه أشعرهم بالأمان تجاهي وكمان بالنسبه للإثبات صعب جدا لأن ممكن هم يضروني لأني أدير حسابات تجاريه من كللللل مكان وكل شخص فإيش هي الطريقة اللي أثبتلهم فيها او أخليهم يثقون في فكرت بالعقد عن بعد الألكتروني بس أحس انه ماينفع في شي وبرضه ماراح يثقون في العقد الألكتروني من النت بس أحسه ماراح ينصفهم ولا راح يثقون فيه ماأدري والله وش أسوي ولو تشوفون مشكله ثانيه ياريت تخبرني وتنوروني ماأبغا أخلي المشروع وأستسلم لأني بكون تركت عاشر مشروع يمكن .....أنا أبغا أثبت عليه لأني متأمله بعد الله فيه فياخواتي ماخاب من إستشار وانا أستشيركم كل وحده إنصحوني وبتكونون فرجتو علي همي بعد ربي وياحظ من فرج هم مسلم

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الحمد لله
اولاً فكرتك حلوة وجديدة لا تراجعين عنها من وجهة نظري ، ثانياً بالنسبة للثقة اكيد إذ الناس شركات فيها عقود تخاف

خاصة وانتي جديدة بها الشغلة لو كانت عندك حتى لو زبونة وحدة ممكن تتعامل معك ( وانا لا أشكك فيك لكن هذه نظرة الناس )

لكن هل انتي استطعتي تطمنينهم من خلال حديثك معهم لهذه النقطة اولا ؟؟ فقط طلبتي منهم الرقم السري

انا اشوف ما لك إلا العقد أو أسألي احد عنده خبره بكتابة العقود او اذا قدرتي شركة استشارات لان الموضوع تجارة مو


بس تدرين موقع على النت .....على فكرة فيه شركات في الخارج تدير حسابات المواقع التجارية يعني السالفة مو هينه مرررره ..

ويارب اكون افدك موفقه والله يرزقك
فيه شركة الصراحه والله ما تعاملت معهم لكنهم عارضين في الموقع اسماء المحلات والشركات اللي سوولها دارسة جدوى او استشارة أسمها كيف أبدأ ،، ادخلي النت من قوقل بتلقينه او ارسله لك عندي موقعهم على النت إذا كنت حابه
الله ييسرلك امورك.
موقع رائع لتعلم القاعده النورانيه

http://www.tardeed.com/lesson.asp?LANG=1





الساعة الآن 07:14 .