السلام عليكم ورحمة الله وبركاته

بنات بكرا ان شاءالله عندنا عشاء رجال عزيمة كبيرة يعني مفطح وكذا
بنسوي جريش + محشي والسلطة فكرت بتبولة بالرمان ومادري وش نوع ثاني ؟
ابي شيء ينفع اقدمة اقترحوا علي
والحلا لقيت حلا كاسات من مكوناته طبقة كيك وبعدين طبقة كريمة( جبن كيري ودريم ويب وكراميل وقشطة ) والطبقة الثالثه جالكسي مع قشطة مذوب بحمام مائي
بس مادري اخليه للعشاء ولا للقهوة ؟
اسعفوني بحلا ثاني ينفع اقدمه
ومفكرة اقدم دونات مع القهوة وش رايكم فكرة جيدة ولالا

خصوصا انهم رجال كبار يعني ومابي افشل ابوي معتمدين علي بهالموضوع

الله يجزاها الجنه كل من تساعدني وتقترح علي
دامهم رجال كبار حطي معمول تمر او كيكة الدخن مع القهوه
ومع العشا بسبوسه وكريم كراميل
هذي الي يحبونها الشيبان
ولاتنسين الفواكه واهمها الجح او الحبحب والمنقا
رب لاتذرني فردآ وانت خير الوارثين
دامهم رجال كبار سوي معي العشا حلا كريمه كراميل ومهلبيه
ما شاء الله تقديماتك قمممة في الذوق والرقي
وافكارك حلوة ربي يبيض وجهك

بالنسبة للسلطات مع سلطتك سوي فتوش او سلطة الجرجير وممكن تحطين الرمان مع الجرجير وتخلين التبولة عادية

بالنسبة لحلا الجالكسي خليه بعد العشا واضيفي له مثلا قدرة قادر حلوة وخفيفة او ام علي يحبونها الرجال بشكل عام


وبالنسبة للقهوة ماحبيت الدونات لانه ثقيل وكبير
ممكن مثلا تسوين تمرية
سوي قشط ملكي وحطيه بقوالب ثلج مغلفة بنايلون يصير مربعات وغطيه بسمسم وبعضه باوريو مطحون وبعضه فستق وبعضه بسكوت مجروش وصفيه بصينية يطلع شكله رووووعة

وممكن مع القهوة تسوين بيض القطا دوري طريقته بقووقل صغير ولذيذ وخفيف

وممكن بعد مع القهوة تسوين مربعات السويتز بالتمر والكيري بعد حلوة وخفيفة تلقين طريقتها بقوقل

وبس لا تزيدين شي كفيتي ووفيتي ما قصرتي
لا تنسين سلطة الخيار بالزبادي كل الكبار يحبوها

ارجوا من كل احد زعلته او جرحته ان يسامحني ويحللني الله العالم كم بقي لنا في هذه الدنيا L]


الساعة الآن 12:44 .