المقادير
3 كاسات دقيق
ملعقة صغيره ملح
2 بيض
كاس ماء دافيء للعجن
مقادير الحشوة
نصف كيلو لحم مفروم
2 بصله متوسطة الحجم مفرومه ناعم
3 حبات طماطم مقشرة ومفرومه صغير
واحد ومصف ملعقة صغيرة فلفل اسود مطحون
ملح
4 ملاعق طعام سمن لفرد العجين
صفار بيضه لدهن الوجه
الطريقة
1- تخلط مقادير الحشوة جيدا ثم توضع في مصفاة حتى تتخلص من السوائل
2-اعجني مقادير العجينه في العجانه واتركيها ترتاح لمدة ساعة العجينه تكون لينه بعض الشيء
3- خذي دائرة من العجين بعد دهن يدك بالزيت حتى لا تلتلصق بيدك وغمسيها في الدقيق حطيها بين يدك واضغطي عليها مع تحريكها بشكل دائري كانك بتصفقي
4- حتلاقيها تنفتح بسهوله حطيها على اللوح حق العجين بعد رشوا بالدقيق كويس عشان ماتلصق او حطيها على شرشف
5- افتحيها بيدك بشدها من الاطراف الين يكبر حجمها وتسير خفيفه مثل الصور
6- تدهن بالسمن
7- حطي شوبك العجين وقصي بعرضو العجين بشكل مستطيل وابدئي بلف العجين من الطرف على الشوبك حتى تلف جميعها حوله
8- قصي العجينه بالطول بالسكين وتخلصي من الشوبك
9- قصيها من المنتصف ومن ثم قصي مربعات وحطي كل مربعين على بعض عشان نحصل على طبقات اكثر
10- عندك باقي العجين اللي كان من الجمبين حطيه على بعض ولفيه رول وقطعيه اجزاء طولها 2 سم تقريبا
ووقفي القطعه واضغطي عليها من احد قاعدتي الاسطوانه لتصبح دائرة
11-افتحي شوي المربع بيدك وحطي ملعقه من الحشوة واغلقي المربع على شكل بقشه يعني حطي الزوايا على بعض ولصقي الاطراف جيدا للحصول على شكل مربع
12- افتحي الدائرة بيدك وحطي ملعقة حشوة واغلقيها مثل فطاير السبانخ لتحصلي على شكل مثلث او زميها من فوق ولصقيها كويس وتحصلي على شكل دائري ممكن رصها في طبق وحفظها في الفريزر
13- ترص في صينيه مدهونه بالزيت الوجه الاملس لاعلى ومحل ما اغلقنا من اسفل وتدهن وجهها بصفار البيض وممكن ترش بالسمسم حسب الرغبه
14- ادخليه فرن متوسط الحرارة حتى يتحمر من اسفل ثم من اعلى
15- ممكن حشوها بالجبن حسب الرغبه
16- ممكن عملها بشكل مستطيل تحطي الحشوة في الوسط تطبقي العجين من جنب وتطبقي عليه الجنب التاني ثم الجهتين المتاقبلتين المتبقيه وتحطيه في صينيه الوجه المغلق من تحت والاملس من فوق وتدهن بيض وتخبز
يالله جهزوه لرمضان وادعولي
ملاحظه ممكن تجميد العجينه في الفريزر بعد تشكيلها مربعات او دوائر واخراجها وقت الحاجه لحشوها
وبالف هنا
