مساء الخير حبيباتي 
ان شاء الله تمام كلكم
بغيت اخذ رايكم في مشروعي الغريب من نوعه ...اقصد اني شفت حريم يبيعون عن طريق النت بس الى الان ماشفت احد يبيع في محل او في منتزه نسائي .......مشروعي عباره عن اواني المطبخ اشتريها ساده وازينها بالالوان الخاصه فيه والكريستال والفصوص ...وتعروفون حنا يالحريم نحب نكون مميزات باطقم الضيافه وانا صراحه درست الموضوع دراسه عن طريق النت وفهمت مايحتاج من الى ................
سؤالي ويارب تناقشوني بجديه الله يخليكم لعين ترجيكم باإإاإاإاإارب لان ماعندي احد اخذ رايه غيركن والله..
سؤالي الاول:
اعتبري نفسك زبونه عندي هل راح يعجبك ويشد انتباهك مثل هالاطقم والاواني الجذابه؟؟خصوصا اني راح احط مميزات كثيره منها بامكاني عمل اطقم ضيافه تكون طقم الاثاث او طقم خاص لامراه والده بلون مولودها يعني ولد الطقم بيكون سماوي بنت بنت بيكون وردي او بالالوان اللي تطلبها الزبونه ويكون بيني وبيها عربون اضمن حقي وتضمن حقها ؟؟؟ عندي صور بس مااعرف انزل وللمعلوميه اول مشاركه لي في هذا المنتدى المبارك...يعني هل مشروعي راح ينجح او لا
سؤالي الثاني :
اذا استعديت ونويت افتح محل في منتزه نسائي مين راح يبيع بالمحل انا متزوجه وعندي بنات ومادري وين اوديهن  بتقولون شغلي وحده عندك ماعندي مشكله بس اخاف تلعب بالاسعار وتنصب ومن هالمشاكل مااثق باحد ...كيف اتجاوز هالمشكله 

واسأل الله لك تمام الامر والرزق
الله يوفقك حبيبتي والصراحه ايه بيشدني اذا شفت شي اثار اعجااااابي..وسعر ه معقول يعني خلي مكسبك بالمعقول مو مثل بعض التاجرات الله يهديهم تشري الشي بريالين وتبيعه بعشرين..


بالتوفيق حبيبتي،.
يحكى اان نفسآ رضت ب الاقداار ف باتت سعيده? ♡
كما. لو تشتغلين علي الاثاث مثل الطاولات الصغيره راح تكسبين ❤️
الحمدالله سبحان الله والله اكبر

شغله حلوه بس متعبه مو قد القيمه
يعني لو مثلا اخذ منك الطقم ب 2000 ريال بستكثرها بس انتي على الأكيد تعبتي فيه ويستحق أكثر من 2000 ريال
غير الوان الرسم احسبي قيمتها مو شوي والي ضد المويه والي ماتسيح مع الحراره ووو
هذي قيمتها عاليه شوي ويدوب بسعرك تجيبين راس المال والناس مارح تتفهم هالشغله فهمتي علي ؟
بس الفكره روعه ويبغالها فن واتقان وانسانه فنانه وحابه هالمجال كثير
الله يقويك يارب ويسهلها لك ..
يارب ترحم جدتي وتغفر لها وتتجاوز عنها
وترحم موتى المسلمين عآمه .. اللهم آمين


[ يآرب أرزقني الوظيفه عاجلاً غير آجل
وإجعلها عوناً لي في ديني ودنيآي وعآقبة أمري ومن قآل آمين ]


الساعة الآن 09:07 .