السلام عليكم ورحمة الله وبركاته

كيفكم يا حلوات؟

الله يعافيكم مين تعرف خيّـاطة فنانة أو خياط فنان من هالهنود المليانين بالشوارع او هالفلبن؟ وانا قصدي بخياطة او خياط فنان بالخياطة النظيفة والمرتبة بالنسبة للبدل والدراريع(الجلابيات) عرفتوا ، يعني ما اقصد خياطين السهرات .. ومهم ان تكون اسعارهم معقولة .. لأني تقدرون تقولون إني بإذن الله مصممة أزياء (مبتدأة) .



أو اللي عندها مشغل وعندها خياط وممكن تتعاون معاي وتخيط لي بسعر الجملة
وراح يكون بيني وبين صاحبة المشغل عقد ينص على السرية التامة والتحفظ على تصاميمي وان يكون السعر بسعر الجملة يعني غير عن باقي العملاء لأني راح أتفق على خياطة عدد معين من القطع في الشهر ، وبالتالي بيكون لي الحق بطلب سعر مخفّـض..


واللي يسلمكم اي وحدة تعرف خياط تكون خياطته مرتبه تدلني عليه ، أو خياطة بأحد هالمشاغل المو معروفة بالدمام ..

وانا جربت خياط باكستاني مدحولي خياطته بالعدامة == لاتتخرعون من موقعه ، لكن بالفعل خياطته مرتبه بس مشكلته انه عصبي نوعا ما (شايب) والمشكلة الثانية انه ما راعاني بالاسعار .. بس والله لو راعاني بالسعر كان اتفقت معاه .. بس الله يهديه هو بنفسه خرب على روحه ..


وجزاكم الله خير مقدماً وانا بانتظار ردودكم ع الخاص ....






والسمووووحة .. أختكم : الهولية
28-10-1426 هـ, 06:53 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
للرفع
01-11-1426 هـ, 10:11 مساءً
 
السلام عليكم اختى انا من الكويت واقدر اساعدج انا عندى خياط اذا تبين من تصاميمى او اذا تبين من تصاميمج راح ابيع لج بسعر الجمله انا عندى زباين من الرياض اخيط لهم وادزه وبكذا منطقه فى ا لسعوديه اذا حابه الاسعار من 500 الى 1500هذاسعر الجمله ودراريع روعه ماراح يقعد عندج منهم ولا حبه اسعارهم عندنا من 80الى200 دينار وانتى اسالى عن اسعار مشاغل الكويت وانسام وغيرهامن 400 الى 800 دينار
02-11-1426 هـ, 07:15 صباحاً
 
هلا اختى انا اعرف خياطيين واحد قريب من البريكي واحد بمخطط 19د 0 وفكرتك حلوه وايد بس ممكن اسالك لاني ابغي اخيط وابيع بس من الى يشتري منك او اشلون تبيعي ممكن نتساعد انا ويك
02-11-1426 هـ, 05:47 مساءً
 
محبوبة الله

مشكورة اختي على الرد .. بس احس انها صعبة شوي
لأني أبغى ابيع من تصاميمي ، بس المشكلة اني مو لاقية خياط خياطته مثل الأوادم
على العموم مشكورة اختي ع الرد وماقصرتي

======================

قرمولة

هلا اختي .. ممكن تعطيني عناوين الخياطين بالضبط
وبالنسبة لسؤالج : راح يكون بيعي على الاهل والمعارف..
وحياج الله ..
06-11-1426 هـ, 02:00 صباحاً
 


الساعة الآن 07:02 .