السلام عليكم

لبداية اي مشروع نحتاج راس مال
من وين نجيبه ؟!

عن طريق هذي الفكره :
( الجمعيات المالية )

مثااااال :
يجتمعون عشره بنات بقروب واحد ويسوون جمعية من ألف ريال
وكل شهر عند بنت بكذا راح تستلمي مبلغ بسيط اللي هو 10 الاف
وتجمعينها وتستمر وتكبر من 10 الاف الى 20 وهكذا
وهذي الطريقة معروفه اغلبكم يعرفها مو شرط تكون لمشروع معين
البعض هذي تكون طريقته في تجميع مبالغ ماليه


هذي بصراحة فكرتي لتجميع راس مال لبداية اي مشروع بس المشكله مين اللي بتلتزم بالدفع ؟!!

وش فوائد هالطريقة ؟!
ووش هي اضرارها ؟!

عطوني آرائكم خلونا نفيد بعض ...

انتظركم ..

فوائدها ,, عندك مبلغ يفكك من الزنقه




سلبياتها // اولاً 1000 ريال شهريا على أمرأة غير متزوجه صعب الحصول عليه




انا مشتركة ف جمعيه ,, اسلم 100 كل شهر ,, استلم 3400 ماادري كم المدة صراحة ,,




اشوف 100 مو كثير علي اقدر اوفرها بسهولة وبدون م اضغط نفسي ,, ولما استلم 3000 بالنسبه لي مبلغ كويس






السلبيه الثانيه / كثير من الناس كم شهر يتحمسو ودائما ياخدو من البدايه السهم الاول الثاني الثالث


وبعدها يماطلو ف الدفع كثييير ,,


بدايه الجمعيه كان التسليم يوم ثاني الراتب


حاليا باقي سهمين ,, لما يكون مثلا تسليم جمعيه شهر شعبان ,, المفروض تاريخ 2 شعبان


م تسلمه الا نصف شهر رمضان او نهاية شهر رمضان ,, لان العالم ماعندها تدفع وتماطل بكرة بعد بكرى ,,


وطبعا اللي ماسكه الجمعيه تجلس تكلم فلانه وعلانه حتى يدفعو ,,


واحيانا يصير ان الوحدة ماهي مركزة دفعت او لا وتصير خربطه ,, وطبعا التعويض ع صاحبتها




ثالث سلبياتها // لما وحدة تبغي تنسحب من النص تخربط الجمعيه تخربط ,, وصارت عند وحدة خسرت 15 ألف ريال


لانو الجمعيه كبيرة ,, وماحسبتها صح !




رابع سلبياتها // حدوث مشاكل عليها ,, ممكن وحدة حجزتها متأخر ,, تقول لك لا انا ابيها الحين


واللي حاجزتها ف هالوقت ماراضيه تتنازل عنها ,,






ذا تقريبا اللي ع البال


عموما / اللي بتشترك ف جمعيه كذا ,, او بتسويها تخليها بين اهلها وناسها




اخوانها / اخواتها ,, بنات عمها بنات خالها صديقاتها لمقربات لانها تضمنهم
أهلاً نبل ..

كلآمك عين العقل ،
ونبهتيني على كثير أشياء ،

أنا مسويه مع صديقاتي ب 1000 وحلوه ومشت
بس لو بيكثرون البنات في القروب الواحد تصعب السيطره عليهآ

يعطيك العآفيه حبيبتي نورتيني 🌷🌷
صح انا ماحب الجمعيات لاني اخاف مادبر المبلغ كل شهر وفعلا في بنات ماعندهم ذمه ولا ضمير لما تستلم جمعيتها والله ماعاد تكمل
سبحان الله وبحمده سبحان الله العظيم
يعطيك العافيه اختي solia
كلامك صحيح

نورتيني 🌷🌷


الساعة الآن 09:35 .