السلام عليكم
مثل مامكتوب ف العنوان طبخه انتي تتمني انها تزبط معك بس في كل مره تفشل محاولاتك
انا ب النسبه لي الدوناات احبها بشكل جنوني وكل م صلحتها تخرب
شاركونا بمحاولاتكم لاكلاتكم المفضله وهل زبطت معكم بعد الاصرار ولا لازالت المعاناه
الفطاير😕
الباشميل ماعمره ظبط معي
البشميل سهل يمكن قصدك خلطة الوجه تخرب معك ولا الحشوه اذا خلطة الوجه كل ملعقة دقيق وحده لها كوب حليب مثلا 3 ملاعق دقيق حطي لها 3 كاسات حليب او كاستين حليب وكاس مرقة دجاج او لحم الي متوفر عندك واذا م تبغين تحطي مرقه براحتك وحطي ملح وفلفل اسود وبعد م تطفي النار ع الخلطه ضيفي لها ملعقتين مايونيزوملعقين جبنه سايله ودخليها الفرن عشان تتحمر من فوق .... واذا قصدك ع اللحمه صلحيها عاادي بس البصل والثوم بعد م يستوي اللحم المفروم حطي البصل والثوم والبهارات كمون وفلفل اسود وملح والسبع بهارات وشوي صلصه حطيها مع اللحم يمكن الاستغناء عنها .... هذي طريقتي ف البشميل ويطلع ولا احلى .......... صلحيها بنفس المقادير و***** الله تزبط معك
لا ريسيا بعطيك طريقه للفطاير مره حلوه وانا معتمدتها من زماان
ملعقه كبيره خميره فوريه وملعقه كبيره خميرة بكنج بودروربع كاسه مويه دافيه وكاس حليب داافي وثلاث ارباع فنجال قهوه سكر وشوي ملح وفنجال قهوه سمن فارم وهذا سر النكهه ودقيق كاستين
الطريقه
تذوبي الملح والسكر في المويه وبعدها حطي الخميرتين على المويه وحركيها الما تنفش معك الخميره حطي عليها الدقيق وحركيها مع بعض ثم حطي سمن الفارم وابدي حطي حليب شوي شوي واعجني الما تتماسك معك وماعاد تمسك في يدك رشيها بشوي زيت وحطيها ع جنب تتخمر ساعه وبعدها اشتغلي فيها هذي عجينه للفطاير والبيتزا وخلية النحل ...... انا م اصلح الا بهالعجينه والكل يمدح فطايري .... جربيها وان شاء الله تزبط معك وتدعي لي


الساعة الآن 01:51 .