انا مشتركة بصندوق الرائد بمبلغ 7500 وبالكاد وصلت ل 8 الاف وشوي
واشك ان هذا الاسبوع خسارة بسبب نزول الاسهم
انا سمعت ان البعض يربح كثير في تداول النت
لكن فيه ناس خسروا يقولون الاوامر ماتتنفذ في وقتها فيبيعون بخسارة وا حيانا الموقع بطئ
بينما اقرا قصص بنات يربحون من النت مثل المدرسات الثلاث اللي اشتركوا سوا في محفظة وربحوا حوالي مئة الف في عدة اشهر
ايش نصيحتكم لي ؟

وهل اقدر اسوي تداول من دون محفظة ؟
لاني كنت في بنك سامبا من شهور وقالت وحده تبي محفظة قالت لها الموظفه بتاخذ 3 اسابيع وبعد نقاش قالت الموظفه تقصدين تداول النت ؟ اسويه لك الحين ويفتح بعد 3 ايام

فايش الفرق بينهم ؟
خاصه انه فيه ناس يقولون تقدرين تدخلين ب 5000 فقط

وكل مااحاول اسجل بخدمة سامبا اون لاين يقولي ياغلط ياالخدمة غير متوفره !!

انا مااعرف للاسهم كثير بس بحاول استفسر واسأل انتم ايش رايكم تتوقعون التداول يربح اكثر من الصندوق ؟
وايش رايكم بتداول سامبا؟
29-10-1426 هـ, 04:30 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله حبيبتي ماعندي فكره...ياريت صاحبات الخبره يفيدونا ،،،حابه اعرف طريقة فتح المحفظه ,,,
29-10-1426 هـ, 04:48 مساءً
 
هلا بك عزيزتي

بخصوص التداول في سامبا عبر النت لفتح محفظة تحتاجي 50.000 ريال
بنك الرياض : 150.000 ريال
الجزيرة : مليون
وهكذا حسب كل بنك

اما بالنسبة للـ 5000 فقط فممكن تشتري فيها اسهم او تكتتبي فيها عن طريق البنك فقط
ومن ناحية التداول ( مضاربة - استثمار ) حسب اختيارك

اذا كنتي جديدة في الاسهم انا انصحك اولا بوضع اموالك في صندوق استثماري او الاكتتابات او الاسهم الاستثمارية .. الى ما تفهمي السوق واوضاعة .

انا اتداول عن طريق سامبا نت واحيانا تحصل مشاكل مثل تعليق الاوامر .

اتمنى لك التوفيق ؛؛
29-10-1426 هـ, 04:51 مساءً
 
والله تبين نصيحتي خليك في صناديق الاستثمار أحسن..
بعدين أنتي ما تحكمين على الأرباح من أسبوع ولا من شهر..
حطي المبلغ وانسيه يالغالية..
على الأقل ناس متخصصين في المضاربة ويعرفون كيف يديرون المحافظ..
في الغالب ما يخسر اللي يحط فلوسه في الصناديق..
وتداول النت زين لكن يبي له شخص متمكن وفاهم وصبور..
لابد من فتح محفظة بمبلغ معين مثل ما ذكرت الاخت
29-10-1426 هـ, 05:09 مساءً
 
اذا تبين تسجلين في سامبا اونلاين سجلي متاخر في الليل يفتح لك
29-10-1426 هـ, 07:42 مساءً
 


الساعة الآن 08:08 .