ففرح

ففرح @ffrh

عضوة جديدة

شورن علي في رمضان ان شاء الله

الأسرة والمجتمع

السلام عليكم 
بدخل بالموضوع ع طول انا يا بنات توي متزوجه
وام زوجي ماشاء الله تبارك الله طيبه مع الجميع وانا استحي منها وهم عندهم عادة ان بناتها وعيالها يفطرون عندها بشهر رمضان وانا ماودي بشهر رمضان ان شاء الله اروح  ماابغى تصير بيننا مشاكل وزرجي مصر يبغاني اروح مستحي من اهله  وانا ماادري وش اسوي ماابغى ازعلها ماابغى اخسرها وبنفس الوقت ماابغى اروح ان شاء الله خصوصاً اني بالبداية لو وافقت راح اروح كل رمضان واذا صار عندي بزورة ان شاء الله راح يكون مرا صعب ومتعب وانا ابغى ارفض من البداية عشان ماايغصبوني بعدين بس ماعرف ايش اقول ماابغاهم يكرهوني ويشيلون علي من البداية وانا مااعرفهم بصراحه كويس فعشان كذا ماادري ايش اقول وكيف ارفض ومالي حجه بيتي مرا قريب منهم 
شورن علي وموقفي صح ولا غلط لان كثرت الجمعات تجيب المشاكل ومستحيه من ام زوجي لانها طيبة ماشاء الله لاقوة الا بالله وعيالها وبناتها يستحون منها
21
3K

يلزم عليك تسجيل الدخول أولًا لكتابة تعليق.

تسجيل دخول

Joory-yes-123-No
Joory-yes-123-No
  • كيف تروحين إختي يعني زيارة يومية أو نهاية ويك إند ؟؟؟
  • إذا آخر الإسبوع عادي مشي حالك ولما يبدأ التراويح روحي على أساس بتصلين التراويح
  • وإذا كل يوم فهمي زوجك إن هذا شهر عبادة ومحتاجة للدعاء والعبادة وتراه شهر بدل الجمعة وتضييع الوقت بالسوالف .
  • إذا رفض زوجك روحي وافطري عندهم لما تجي 9 ارجعي بيتك .
ذات المقشه
ذات المقشه
ربي يعينك
وييسر امورك
جرحي بقلبي دفنته
اتكلي على الله وروحي وانووي اسعاد زوجك وامه خاصة اذا كنتي ساكنة جنبهم واذا كان وضعهم مهييء من ناحية الخادمات بحيث ما تكلفون عليهم
فهمي زوجك الوضع انك ماتبين تضيعين شهر العبادة واتفقي على انكم تروحون قبل المغرب بربع ساعة مثلا وتطلعون اذان العشاء
كنت زيك في اول الزواج اول سنة احاول فيه مانفطر عند اهله والان صار الوضع عادي بالعكس تحمست له
مع البزورة بتزيد اشغالك وودك احد يخفف عنك اما في بيتهم بتصلحين طبق اوطبقين وتاخذينه والسفرة ممدودة ويروح عنك هم مواعين السفرة
دانية الدلوعة
دانية الدلوعة
ربي يعينك وييسر امورك
ربي يعينك وييسر امورك
اكره الحركة والعادة ذي
رمضان شهر عبادة وقيام مؤ للتجمعات اللي مالها داعي
ممكن اللي متزوجين يروحو يفطرو يوم عند أهاليهم والغالبية اول يوم ومباركة بالشهر... اما كل يوم عاد !!!! مرررره مالها داعي سواء لأهل الزوج او لكم انتم.. مافي خصوصيه مافي تهجد وطاعة بالشهر الكريم لان الاجتمعات والسواليف تشغلكم عن الطاعة
ونا براي انك تفرضين رأيك ورغبتك بهذا الموضوع لأنك لو وافقتي خلاص بتمشي عااادة كل سنه وصعب بعدين ترفضين
افطري عندهم اول يوم وبسسسس بعد كذه ما يمنع انك تزوريهم بعد التراويح ساعتين وترجعي
ويارب يتقبل منا ومنكم صالح الاعمال
بنيتي العسوله
بنيتي العسوله
مدام زوجك مصمم على كلامه روحي اول يوم وبعده بكم يوم تحججي بنزول الدوره وانك ماتقدرين تطبخين ولا حتى تطلعين وبعدها تروحي لهم ثم تجلسين كم يوم ببيتك تحججي باي شي مثلا مصدعه بزور اهلي بيجونهم قرايبنا وبعد الفطور بيمشون ، وكذا يعني لكن توقفين بوجهه وتحرجينه عند اهله بحيث ماتروحين ولا يوم صعبه وبعدين هما راح يتعودون انك ماتجين كل يوم وبنفس الوقت مايشيلوا عليكي بقلوبهم
الله يكفيك ما أهمك ويسعدك ويسخر لك زوجك