um joud
um joud
كتبت ردي في موضوعك هداك مادريت انه مكرر
بانسخه لك هنا
حبيبتي انت بتستشيرينا عن شريك حياتك ماهو عرض سلعه ماتتفوت عليها ديسكونت 50٪ اما اخذه بشوية عيوب واضحي او اتركه وتفوتني الفرصة اللي ممكن يكون ثمنها زهرة شبابي ونظرة الناس لي

ياقلبي لااتخلي نظرة المجتمع وتفكيرهم يأثرو على اهم قرار في حياتك
الزواج يعني بالخط العريض مسؤوليه اسرة جديدة وانتاج وتربيه جيل جديد وباب ينقفل عليك انت واياه وانتم اللي حتعيشو مع بعض وتبنو سعادتكم
لو كل وحدة ماتفكر في الزواج الا من ناحية شكله وراتبه وعمره واهله وامه والناس وكلام الناس
لو تتزوج امير ماتعمر معاه
لانها بالاساس داخلة لهذه الحياة بمنظار غيرها
تقييمها للسعادة من نظرة غيرها
اذا الناس حسسوها انها سعيدة ومحظوظة حتقول انا اسعد وحدة في الكون لو زوجها مصبحها وومسيها بكف
ولو زوجها شايلها فوق رمش عينه والناس مجرد تلمح لها انه حظها طايح وتعيسه بتعيش الوان النكد والتعاسة

نرجع لحالتك ..
انتي مو عاجبك الخاطب لاسباب في نفسك شايفة انها ماهي المواصفات اللي تناسبك
ونفس الوقت خايفة يكون عريس لئطه ويفوتك ومايجيك غيره وتشوفيه بكرا ماخذ ست البنات

فاحب اقولك اول شيء
استخيري واخلصي النيه لله وحده انه يوفقك ويختار لك الخير من الصالحين
اللي يعينك في الدين والدنيا ومايعينها عليك

وبعد كده شوفي ايجابياته و سلبياته مين تغلب من وجهه نظرك انت شخصيا مو برأي احد حتى اهلك
ممكن ابوك يشوفه وسيم وانت تشوفيه العكس
امك تشوفه طيب وحبوب وانت تشوفيه العكس
اخوالك اعمامك يشوفوه شخصيته ضعيفة ومركزه ضعيف ومايجي منه يتطور ويعلى وانت رايك العكس
اخواتك يحسو انه امه هادية ومحترمة وانت شايفتها العكس
فالمهم مهما اختلفت الاراء حولك وشتتك زيادة
نصيحة مني اختاري اللي انت شايفته بقناعه تامة
بشرط انك تتقبليه بعيوبه قبل حسناته
مافي انسان خالي من العيوب
مافي عريس كامل مقرطس بورق سولفان
غنى ومنصب و وسامة وشباب وشخصية وحنيه وخفة دم ودين وخلق وكرم وشهامة
واخواته عسل وامه شربات وخالاته وعماته ينحطو ع الجرح يبرا
وحريم اخوانه محترمات اليفات وعاداتهم طبق الاصل منكم 100٪
الا اذا تزوجتي اخوك هههههه
والعياذ بالله

والزوااج ياقلبي مو شكليات ومظاهر فقط عشان تلبسي الفستان الابيض وتنزفي ومايقولو الا العروسة جات مع فلان العروسة راحت مع فلان سفرها وداها اهداها الخ الخ
كل هذه البهرجة ولمعتها حتنتهي في غمضة عين ومايبقى الا المعدن والجوهر اما اصلي او مصدي واللي حينكشف زيادة مع العشرة

فاختاري حياتك اللي تناسب قدرتك على تحملها
واللي تقدري تتكيفي مع ظروفها
والله يوفقك ويكتب لك الخير حيث كان ويرضيك فيه
miss.fon
miss.fon
اختيlittlebride23
هي خالتي من الرضاعه ومافي بيننا ميانه مرة وقليل نشوفها 
لوولو لوولو
لوولو لوولو
ليش حاطه ببالك
انو اوافق عشان اخاف مايجيني غيره
تفكيرك غلط
وسبب غير منطقي للقبول او الرفض
اول شي خلي عندك ايمان بالنصيب والمكتوب
ثاني شي اهم عامل لنجاح الزواج الاقتناع
الموضوع مو مستاهل ابد ان قلبك يوجعك
استخيري
وحددي رغباتك اذا ناسبك الله يوفقك
واذا ما ناسبك
الله يعوضك ويعوضه
ولو هو نصيبك بيسره لك رب العالمين
بالتوفيق
miss.fon
miss.fon
اختيlittlebride23 هي خالتي من الرضاعه ومافي بيننا ميانه مرة وقليل نشوفها 
اختيlittlebride23 هي خالتي من الرضاعه ومافي بيننا ميانه مرة وقليل نشوفها 
um joud وكل البنااات اللي دخلو وشاركو معي في الاستشارة الله يسعدكم و يوفقكم ياارب والله دعيتلكم من قلبي ساعدتوني وخليتوني ادقق شوي بااتفكير وافكر بعقل قبل لاـ اخذ القرار 
❤بس ابغى منكم دعوة وفي يوم جمعه لاـ تنسوني تكفون ادعولي❤