خطبني ولد خالتي من الرضاعه اكبر مني 5شهور ماكنـت ابغى واحد بيني وبينه هالسن شكله مرة عادي وراتبه مرة قليل تقريبا اقل من 3000 وامه اذكرها من زماان تحب تتدخل بكل شي مادري عنها اللحين لان بيننا شوي رسميه تعبت يابنات من التفكير وشسوي وللحين استخير
اخاف ارفض ومايجيني احد بعدين واخاف اوافق و اتوهق معهم
وجوهم مرة غير عن جونا احناا عايلتنا هاديه امـا عايلتهم كثييير وعزايمهم كثيرة
ساعدوني تكفون
miss.fon @missfon
عضوة نشيطة
يلزم عليك تسجيل الدخول أولًا لكتابة تعليق.
miss.fon
•
الله يسعدك ياارب كلامك مـرة ريحني وعرفتـي اللي في خاطري وقلتيه ربي يوفقك ادعيلي تكفيين لاتنسيني
إختاري اللي مرتاحه له ولاتغصبي نفسك لانك راح يظل معاك هالتفكير حتى بعد الزواج
والزواج رززززق ياناس لاتخافوا والله رزقكم عند الله بس دامك استخرتي فكري بالمناسب ولاتجبري نفسك
هذي حياة مولعب
والزواج رززززق ياناس لاتخافوا والله رزقكم عند الله بس دامك استخرتي فكري بالمناسب ولاتجبري نفسك
هذي حياة مولعب
الصفحة الأخيرة
ياقلبي لااتخلي نظرة المجتمع وتفكيرهم يأثرو على اهم قرار في حياتك
الزواج يعني بالخط العريض مسؤوليه اسرة جديدة وانتاج وتربيه جيل جديد وباب ينقفل عليك انت واياه وانتم اللي حتعيشو مع بعض وتبنو سعادتكم
لو كل وحدة ماتفكر في الزواج الا من ناحية شكله وراتبه وعمره واهله وامه والناس وكلام الناس
لو تتزوج امير ماتعمر معاه
لانها بالاساس داخلة لهذه الحياة بمنظار غيرها
تقييمها للسعادة من نظرة غيرها
اذا الناس حسسوها انها سعيدة ومحظوظة حتقول انا اسعد وحدة في الكون لو زوجها مصبحها وومسيها بكف
ولو زوجها شايلها فوق رمش عينه والناس مجرد تلمح لها انه حظها طايح وتعيسه بتعيش الوان النكد والتعاسة
نرجع لحالتك ..
انتي مو عاجبك الخاطب لاسباب في نفسك شايفة انها ماهي المواصفات اللي تناسبك
ونفس الوقت خايفة يكون عريس لئطه ويفوتك ومايجيك غيره وتشوفيه بكرا ماخذ ست البنات
فاحب اقولك اول شيء
استخيري واخلصي النيه لله وحده انه يوفقك ويختار لك الخير من الصالحين
اللي يعينك في الدين والدنيا ومايعينها عليك
وبعد كده شوفي ايجابياته و سلبياته مين تغلب من وجهه نظرك انت شخصيا مو برأي احد حتى اهلك
ممكن ابوك يشوفه وسيم وانت تشوفيه العكس
امك تشوفه طيب وحبوب وانت تشوفيه العكس
اخوالك اعمامك يشوفوه شخصيته ضعيفة ومركزه ضعيف ومايجي منه يتطور ويعلى وانت رايك العكس
اخواتك يحسو انه امه هادية ومحترمة وانت شايفتها العكس
فالمهم مهما اختلفت الاراء حولك وشتتك زيادة
نصيحة مني اختاري اللي انت شايفته بقناعه تامة
بشرط انك تتقبليه بعيوبه قبل حسناته
مافي انسان خالي من العيوب
مافي عريس كامل مقرطس بورق سولفان
غنى ومنصب و وسامة وشباب وشخصية وحنيه وخفة دم ودين وخلق وكرم وشهامة
واخواته عسل وامه شربات وخالاته وعماته ينحطو ع الجرح يبرا
وحريم اخوانه محترمات اليفات وعاداتهم طبق الاصل منكم 100٪
الا اذا تزوجتي اخوك هههههه
والعياذ بالله
والزوااج ياقلبي مو شكليات ومظاهر فقط عشان تلبسي الفستان الابيض وتنزفي ومايقولو الا العروسة جات مع فلان العروسة راحت مع فلان سفرها وداها اهداها الخ الخ
كل هذه البهرجة ولمعتها حتنتهي في غمضة عين ومايبقى الا المعدن والجوهر اما اصلي او مصدي واللي حينكشف زيادة مع العشرة
فاختاري حياتك اللي تناسب قدرتك على تحملها
واللي تقدري تتكيفي مع ظروفها
والله يوفقك ويكتب لك الخير حيث كان ويرضيك فيه