السلام عليكم ورحمة الله وبركاته

كثير من النساء لا يرغبن بالذهاب الى الصالونات والسبب اما يكون بسبب

الروائح او الزحمه او الخوف من وجود آلات تصوير وغيرها من الامور

بعد هاي المقدمه القصيره

اقول لنساء الامارات

انا اماراتيه وتعمل لدي فلبينيه ( خبره 8 سنوات في مجال التجميل)

راح اقولكم اول شي شو الاشياء اللي تسويها الفلبينيه مع الاسعار

وبعدين اللي انا اسوييه مع الاسعار

والخدمه طبعا مبينه من عنوان الموضوع تصلكم للمنازل

وعلى فكره اسعاري مثل الصالونات ويمكن ارخص

واذا سويتي اكثر من خمس شغلات لج خصم

نبتدي بالفلبينيه:

- بديكير 50 درهم
- منيكير 30 درهم
- منيكير فرنسي يضاف 5 دراهم فقط



- حلاوه للوجه 15 درهم
- حلاوه للابط 10 دراهم
- حلاوه لنصف الرجل 30 درهم
- حلاوه للرجل كامله 50 درهم
- حلاوه لنصف اليد 30 درهم
- حلاوه لليد كامله 40 درهم
- حلاوه للبطن فقط 20 درهم
- حلاوه للصدر + البطن 30 درهم
- حلاوه للمنطقه الحساسه 50 درهم
- حلاوه للجسم كامل 90 درهم



- تشقير الوجه 30 درهم
- تشقير نصف اليد 25 درهم
- تشقير نصف الرجل 25 درهم
- تشقير كامل لليد 40 درهم
- تشقير كامل للرجل 45 درهم
- تشقير الجسم كامل على حسب الجسم من 100 الى 200 درهم



- خيط للشنب 10 دراهم
- خيط للحواجب ( تنظيف فقط) 10 دراهم
- خيط للوجه على حسب كثافه الشعر من 30 الى 35 درهم



- حمام زيت 45 درهم
- حمام كريم 45 درهم
- حنا شعر 45 درهم
( لازم تخبروني قبلها بيوم عشان اخلي الوالده تجهزه لي الحنا)
وعلى فكره: نجيب جهاز حمام الزيت لين البيت



- تنظيف بشره بدون بخار + ماسك 80 درهم
- تنظيف بشره بدون بخار + ماسك + تشقير 100 درهم



- مساج لليد والكتف لمده ربع ساعه 25 درهم
- مساج للرجل لمده ربع ساعه 25 درهم
- مساج للجسم لمده نصف ساعه 80 درهم

ملاحظه: لبنات دبي - تروح اذا طلبتها وحده
بنات الشارقه وعجمان - تروح اذا كانوا اكثر من بنتين او اذا كانت عروس
باقي الامارات - أقل شي لازم يطلبونها 4 بنات في السيره الوحده
( لاني انا اللي بوصلها وانا من دبي وما راح استفيد
اذا وصلت بوظبي او العين عشان بنت او بنتين)

واخيرا خلصنا من الفلبينيه

الحين دوري

انا الله يسلمكم وأعوذ بالله من كلمة انا

احط مكياج للحفلات والسهرات بالإضافه اني اسوي تنظيف بشره بالبخار

وجهاز تنظيف البشره يوصلج للبيت

أما بالنسبه للأسعار:

- تنظيف البشره 150 درهم
- المكياج للي توصلني البيت 150 درهم
- المكياج للي اروحلها البيت في ( دبي - الشارقه - عجمان) 200 درهم
- أما باقي الامارات ( مثل ما تعرفون البترول غالي) 250 درهم

ملاحظه: حاليا ما عندي وحده للشعر بس بإذن الله راح اتعاون مع وحده للشعر

أي استفسار ثاني انا في الخدمه

للتواصل او الحجز خبروني عشان اتفاهم معاكم على الخاص

وسلامتكم....

الله يوفقج يا الغلا
بس اختي مايجوز حف الحواجب حتى لو كان (مثل ما اتقولين) تنظيف
مافي شي اسمه تنظيف،،، هو تحوير للاسم بس

ممكن رقمج حبوبة؟
الله يوفقج اختي واسعارج حلوه نفس اسعار صالوني تقريباً

بس الحمدلله الصالون ريحته حلوه ومافيه كيمرات تصوير

اذا بغيتي ادربين الفلبينيه على التسريحات والسشوار ترى احنا ندرب لو حبيتي

بالتوفيق للإختين
الطير المهاجر

انا عارفه انه حرام بس هالشي مش اجباري

والرقم بطرشه على الخاص

***

باربي

تسلمين حبيبتي ...

اصابع ايدج مش نفس الشي... واكيد مش كل الصالونات نفس الشي

بالنسبه لتعليم الفلبينيه على الشعر التسريحات

انا ما عندي مانع اخليها تتعلم في صالونج اذا عطيتيني سعر حلو للدوره

ونتواصل على الخاص حبيبتي


***

البدر حبيبي

تسلمين اختي


الساعة الآن 03:17 .