Analysis Services
السلام عليكم و رحمة الله و بركاته ................

حبيت افتح هالموضوع لاني بعد اسبوعين ان شاء الله بتزهب و ابي اجمع اكبر عدد من العطور و البخور و كريمات الجسم من تاجرات المنتدى .....

انا ذكرت اسماء قليله عشان العنوان فقط .......... و الحينه اذكرهم من اول و يديد

اللي تعامل مع الاخت

1.توتة الحلوه

2.شوشو222

3.فتون الإمارات

4.الحــــور

5.شما الحبابي

6.قوارير

و كل من يتاجر في العطورات و البخور و كريمات الجسم ( في دولة الإمارات ) ...أتمنى يفيدوني بموضوعي ....

اول شي ببدأ بــ

( توتة الحلوة ) من خلال بحثي بالمنتدى شفت احلى العطورات و البخور اللي عندها

1. العود المعطر الملكي
2.الدخون الملكي
3.مخلط الحجر الاسود
4.مرش العرايس
5.المخمرية بدهن العود
6.مخلط الشيخة
7.مخلط ريانة العود
8.مخلط ورق العود

و ان شاء الله راح بطلبهم كلهم من ببدا بزهبتي ..... بس عندي سؤال للاخت توته

هل عندج كريمات جسم ؟؟؟

و اللي اقصده بهالكريمات من صنع الحريم مب المحلات ......و هل تقدرين توفرين هالشي مع الطلبيه اللي راح اطلبها لزهبتي ؟؟

...لاني من كثر مااقرى عنج بخاطري اتعامل وياج بزهبتي و بعد زواجي ...
و ربي يوفقج

---------------------------------

( شوشو 222 ) لاحظت احلى العطورات اللي تكلموا عنها اعضاء المنتدى ...

1. عطر ستيلا
2.جولدن
3.اسكادا
4.شانيل شانس
5.فري سكسي
6.الشيخ
7. اترنتي
8.كوكو مدموزيل

و اللي اعرفه عندهار كريمات جسم حلوه اللي استخدم منها العطور اللي ماذكرتها و الكريمات تفيدني فيها بارك الله فيكم ....؟؟

و سؤالي للاخت شوشو222

هل تقدرين توفرين لي العطور يوم اطلبها بغراش حلوه و راقيه شوي و السعر ما نختلف عليه اللي تطلبينه .......!!

اتمنى انج تردين علي عشان ارتب اموري بهالشي قبل لا اطلب الطلبيات وبنات بلادي اولى بكل شي....

يعطيج العافيه عالمجهود الطيب

--------------------------------

( فتون الإمـــــــــارات / الحـــــــــور / شمـــا الحبابـــي / قواريـــــر )

أتمنى من اللي تعامل وياهم بـــ العطور و البخور و الكريمات يفيدني بأحلى شي عندهم....لاني كل ماادش مواضيعم احتار أتمنى احد يفيدني و اكون شاكره الكم ....

------------------------------

و أخيرا و ليس آخرا السموحه اذا طولت عليكم ... بس ابي استفيد و غيري يستفيد ... لاني ابي ارتب اموري و ان شاء الله باقرب وقت راح اخلص من ترتيباتي و ابدا بطلبياتي من العطور و البخور و الكريمات من تاجرات منتدانا بارك الله فيهم ....

و عندي سؤال للخبيرات في الدخون و العطور و المخلطات و كريمات الجسم ........؟؟

اشكثر مدة صلاحيتها و هل يخترب اذا خذيت العطورات قبل شهر من زواجي ...

و هل تضيع ريحته بسرعه و الا اتم فتره اكثر من شهرين او ثلاث .... !!!

انا سمعت يقولون لي تخترب ..... و ماادري شو ردكم بهالموضوع ....


انا سويت تعديل للموضوع و اتمنى من اللي عندهم خبره يجاوبوني و يفيدوني ...





بنت زايــــــــــــــــــــــــد

أسيرة العيـــــــــون
02-11-1426 هـ, 01:25 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بالتوفيق الغاليه .... و مبروووك مقدما .... انشاء الله كلنا نستفيد من موضوعج
02-11-1426 هـ, 01:35 مساءً
 
اي والله موضوووع حلو وانا لي اسبوع ماسكه ورقه وقلم احاول اكتب افضل شي بالعطووور
خاصه الفرنسيه ماني عافه ايش اكتب ومحتاره
اكتب وامسح


ياليت تفيدونا بالافضل

موضوع مميز اختي الغاليه والف الف مبروووووووووووووك وان شاء الله السنه الجايه تبدين تجهزين لمولودك من المنتدى ههههههههههههههه قولي ااااااامين
02-11-1426 هـ, 01:45 مساءً
 
اقتباس مشاركة  (البدر حبيبي)
بالتوفيق الغاليه .... و مبروووك مقدما .... انشاء الله كلنا نستفيد من موضوعج

الله يبارك فيج الغاليه ......

و اللي عنده شي اتمنى يفيدنا
02-11-1426 هـ, 02:44 مساءً
 


[grade="4B0082 4B0082 800080 800080 FF1493"]
وعليكم السلام ورحمة الله وبركاته

أول شي ألف ألف ألف مبروووووك ختيه $ أسيرة العيون $


بالنسبة لي فأنا تعاملت ويا الأخت توتة الحلوة

خذت منها لزهابي

مخلط الحجر الاسود بدهن العود

المخلط الملكي

مخلط ورق العود

مخلط الغزال الشمالي

العود المعطر الملكي

الدخون الملكي

مرش العرايس

تولتين من المخمرية اللي بدهن العود


وللأمانة أنا ما استلمتهن بنفسي

لكن خطيبي اللي ما يعيبه إلا الشي المميز ووااااايد دقيق

يعني يبا دوم الشي الزين

هو اللي استلم الطلبية

وقال لي من غير مجاملة

شغل أم خليفة ما عليه رمسة

وقال الأغراض وهي في الكيسة ترست روايحها السيارة

وحط شوي من المخلط على ايده

وقال أنها الريحة تمت حتى عقب ما تمسح كذا مرة للصلاة

وبشهادته أنه شغلها أحلى عن شغل أرقى المحلات في السوق

وأنه من اليوم ورايح ما بنتعامل إلا وياها إن شاء الله

يعني كلمة حق بغيت أقولها في حق الغالية أم خليفة

وعلى فكرة أنا كتبت موضوع بهالخصوص

وشكرتها واااايد على تعاملها الراقي


الأخت الثانية اللي تعاملت وياها

هي الأخت فتون الإمارات

طلبت منها مخلط دار بو خليفة في غرشة كريستال فخمة

وأعتقد بعد طلبت العود المعطر

وطلبت منها 6 غراش عطور مختلفة للفراش وقمصان النوم

وبعدنيه ما استلمت الطلبية

لأنها إن شاء الله هي اللي بتجهز ليه مندوس الزهاب

وبتحط فيه طلبيتيه من أم خليفة + طلبيتيه منها

وقبل لا أستلم المندوس

أنا وااااثقة إن شاء الله من شغلها

ومتأكدة أنه بيكون شي مميز


وفي أخت اسمها haidi1000

شغلها بعد روووعة

وأنا جربت من دخون العرايس اللي عندها

وبصراحة راقية جداً في تعاملها

وأنصحج بالتعامل وياها


أتمنى ختيه $ أسيرة العيون $ أني أكون أفدتج ولو بشي بسيط

[/grade]

02-11-1426 هـ, 02:46 مساءً
 


الساعة الآن 11:45 .