كان عندنا جارة عندها خياطات وملت هى وزوجها من الناس ودخلاتهم
فى بيتها كل وقت
قامت خلتهم يخيطون جلابيات بس وتجيب من المحلات الي بالجملة
وانا انصحك تخلي شراء الاشياء من سوق الجملة الي فى السويلم اذا انت من الرياض
وحتى لو مومن الرياض فية فى كل مدينة سوق جملة للخياطين اسالى اي خياط
وهو يدلك لان الفرق كبير
وانصحك تخلي الشراء الى ان تجي هى وتروح معك تختار الي تبي بنفسها والي هى متعودة علية
افرضى جت وطلعت ماتعرف تخيط او فيها اى بلوة وش تسوين بالاغراض
09-11-1426 هـ, 04:26 مساءً
 
اقتباس مشاركة  (غــداف)
اهلين فيك اختي رهوفه


بالنسبه للخياطه كان راتبها 1400 ريال

وانا بكل صراحه كنت استفيد منها بفكره ورح اقولك اياها حتى تمشي عليها لانها وبكل مصداقيه

مربحه جدا وهي عباره انها تخيط لك ملابس موحده للخدم يعني اشتري بالطاقات وخليها تفصل احجام واعرض بالنت او على جيرانك او اي اقربائك وحطي سعر حلو كبدايه بعدين زيدي كلفه فيه او اي شي وحطيها حجه علشان ترفعين السعر <<-- احم تراي بديت باستهبالاتي

او خليها تصلح لك كيس مخده او مفارش طاولات وحطي عليها لمساتك وبيعيها واربحي


وبالنسبه للماكينه اللي عندي هي من ماركة جوكر وسعرها الاصلي 4000 ريال وهي جديده وللامانه اسعار الماكينات غاليه شوي توصل 18 الف الله يعينك بس اذا تبين ماكينتي ببيعها لك بـ 3000 ريال بس والله يوفقك


واي سؤال تبينه عن الخياطه ابشري
حبيبتي غداف تسلمي الف شكر انت كنت تعطي خياطتك 1400 بس بدون ما تعطيها نسبة من شغلها مثلا 10 بالمية ما ادري اتمنى الاقي منك نصايح يالغالية لأني خايفة اتوهق
بالنسبة للماكينة والله ما افهم وش السالفة وانا افضل ان الخياطة تجي تشوف احسن وبالبداية احتمال ابدأ مثل ما قلتي بالمفارش حقة البيبي ومناسبات الاعراس والطاولات وهيك شيء وربك يسهلها والله يوفقك يالغالية بس لا تنسين تحطين صورة الماكينة اذا قدرتي على فكرة سؤال صغير الحين هالماكينة تكفيني يعني فيها تطريز وشكل وكل شيء .. شكرا لك حبيبتي
11-11-1426 هـ, 05:29 مساءً
 
اقتباس مشاركة  (بنت الجزيرة1)
كان عندنا جارة عندها خياطات وملت هى وزوجها من الناس ودخلاتهم
فى بيتها كل وقت
قامت خلتهم يخيطون جلابيات بس وتجيب من المحلات الي بالجملة
وانا انصحك تخلي شراء الاشياء من سوق الجملة الي فى السويلم اذا انت من الرياض
وحتى لو مومن الرياض فية فى كل مدينة سوق جملة للخياطين اسالى اي خياط
وهو يدلك لان الفرق كبير
وانصحك تخلي الشراء الى ان تجي هى وتروح معك تختار الي تبي بنفسها والي هى متعودة علية
افرضى جت وطلعت ماتعرف تخيط او فيها اى بلوة وش تسوين بالاغراض
اهلا بخبيرتنا الغالية تسلمي يا حبيبيتي ..
شوفي انا صعبة ادخل الناس واطلعهم واحتمال كبداية اني اخليها تخيط واعرض للناس وابيع .. ايوة حبيبتي انا من الرياض ياليت تقوليلي وين اشتري الاقمشة قصدك الخزان وانا رايحة للسويلم ..؟؟ ربي يوفقك حبيبتي ويسهل لك امورك
11-11-1426 هـ, 05:37 مساءً
 
حياك الله اختى شارع السويلم فية
المكاين والسحابات
والابر والخيوط وادوات كثيرة ارخص
اما الاقمشة فخذي بالطول من محلات الجملة فى اوشيقر بس قبل كذا
ركزى على موديل او اثنين وخليها تتقنهم
وبعدين اشترى نفس القماش بالمتر وجربية فى الغسل ثم روحى اشترى الطاقة كلها
ابتدي باشياء بسيطة اوفر
12-11-1426 هـ, 03:59 صباحاً
 
تحتاجين تصريح لان الغرض من الاستقدام ليس لخدمة خاصة بل عمل خدمي عام
واذا ولي الامر منع ذلك فقد تكسبين اثم
افتحي مشغل واذا ما قدرتي خلي الخياطة تشتغل في البيت والمنتج وزعيه على المحلات
والله يوفقك ويرزقك ويسخر لك
12-11-1426 هـ, 08:24 مساءً
 


الساعة الآن 08:55 .