Analysis Services
طريقة لذيذة لعمل البشاميل

المقادير:

3 كأسات ماء
4 ملاعق حليب بودره
ملعقة نشاء
3 ملاعق طحين
3 ملاعق زيت
مكعب ماجي
ملعقتان جبن سائل أو حبتان جبن مثلثات
شريحتان جبن شيدر
ملعقة زيت طعام



الطريقة:

تخلط جميع المقادير في الخلاط ثم توضع على النار حتى تثقل مع التحريك المستمر
03-11-1426 هـ, 01:53 مساءً
 
حبيبتي انا جربت المغلفات بس والله ماني فاكره الشركه هي كنور ولا الثانيه مازولا اعتقد كذا اسمها
بس تجنن والله وسهله بالذات للي مايعرف يسوي الباشاميل
انا ازبطها صراحه بس من غير مقادير
ولو سويتي المغلفات
حطي بالاخير ملعقتين او 3 جبن كاسات كرفت
مرررررررررره تهبل
انا عموما اي نوع باشاميل لازم احط الجبن الكاسات
03-11-1426 هـ, 02:03 مساءً
 
اسفه على التاخير
هذي طريقتي سهله ولذذذذذيذذذة
3ملاعق حليب بودره
3ملاعق دقيق
2ملعقه زيت
1مكعب ماجي
2كوب ماء
تخلط جميعها في الخلاط ثم توضع على النار الى ان تثقل
وتضاعف الكميه حسب الصينيه
ملاحظه
يوضع 2صفاربيض على الوجه
03-11-1426 هـ, 04:02 مساءً
 
عزيزتي حبيت اكتب لج طريقتي و احس انها سهله و مب دسمه
حسب الكميه اللي تبينها حطي في المقلاه من 4 او 6 ملاعث كبار طحين + نفس الكميه 4 او 6 ملاعق زيت نباتي اخلطيهم عدل و بعدين حطيهم ع النار لين يتغير شكل الطحين تمي حركي عشان ما تحترق الخلطه قبل هاي الخطوه بتكونين مجهزه في الجدر حليب رينبو المعلب حطي كميه فقلاص و زيدي عليها ماي وكهذا لين تخلص كميه الحليب بعدين ظيفي الطحين اللي فالمقلاه على الجدر اللي فيه حليب و حطيه ع النار و حركي قبل لا يتماسك حطي ملح + فلفل اسود مطحون شوي ها و تمي حركي لين توصلين للسمك للي تبينه

ان شاء الله اكون افدتج
04-11-1426 هـ, 03:10 صباحاً
 
السلام عليكم ..

انا ابكتب لكم طريقتي هي مشابهة للطرق اللي ذكرتوها مع اختلاف بسيط

ثلاث كاسات ماء

6 ملاعق حليب بودرة

3ملاعق مليانة دقيق

ربع زبدة

ملح
كلها في الخلاط ثم تحرك على النار ويضاف لها قشطة وجبن كرفت 3ملاعق او جبن
كرفت تشدلرز مبشور ... وقليل من الفلفل الاسود

جربيها ...

05-11-1426 هـ, 07:19 صباحاً
 


الساعة الآن 03:07 .