طبعا النقع قبل الطبخ
سبحان الله الحمدلله لااله الا الله الله اكبر
طريقتي في الجرييش من أمي الله يحفظها ويرزقها وكل من ذاقه ادمن عليه
قطعي بصل صغير وبدون حمس حطي معه ملعقه كمون صغير وملح حطي عليه الماء حتى يفوح واغسلي الجرييش وحطيه على الما والبصل وخليه لين يفوح بعدين قصري عليه مره مره وخليه تقريبا ساعه ونص وكل اشوي شوفي لا يحترق اذا شفتيه صار يلتصق حطي عليه زبادي وحليب بودره تقريبا 5ملاعق كبار وحركيه حركيه لين يصير متماسك وبعدين حطي عليه حمسة بصل او سمن انا أحب السمن لوحده
وأتمنى دعواتك
بنات السر في بياض الجرييش انك ما تحطين بهارات بس كمون والجريش ماتحركينه لحد ما يستوي تقصرين عليه مرررررره وتخلينه عشان ما يلتصق في القدر كثر التحريك يخليه يلتصق
أتمنى الي تستفيد ماتنساني من دعوه بالهدايه وصلاح الذرية والرزق
والشهر عليكم مبارك




ادعولي ربي يديني ماتهفوله نفسي
الافضل تسوين جريش بلحم أودجاج يكون أطعم

جريش أمي تسويه كالتالي
اللبن نكون مطلعيه برا الثلاجة قبل بفترةعلشان يكون بحرارة المطبخ ويخثر زيادة وتزيد حمضته
تغسل الجريش ورز مصري تقريبا لكل كوب جريش نص كوب رز مصري

نغلي موية بالقدر مع ماجي او مويا لحالها لو ما تفضلين الماجي

نضع الجريش والرز عليهم ونخليه يطبخ شوي

في هذه الاثناء نقطع بصل لقطع صغيرة ويفضل يكون بصل أبيض أو أصفر

نصب اللبن على الجريش ونحركه بشويه لان كثرة التحريك تسبب ألتصاق الجريش بقعر القدر

نضع البصل عليه بدرون تحريك مع رشة كمون حوالي ملعقة

نقصر عليه النار ونتركه حتى ينضج

لوشفتي الجريش لازال حب زيدي لبن

قبل ما يستوي ب10 -15 دقيقة ضعي فيه فلفل حار أحمر أو أخضر فقط اقطعي حبة الفلفل من النصف وادفنيها بوسط الجريش ن

عند نضج الجريش اخرجي حبات الفلفل واهرسي الجريش نفس ما تهريسن السليق

عند التقديم يصب على الوجه زبدة مذابة

أتمنى أني أفدتك



سبحان الله وبحمده

عدد خلقه ورضا نفسه وزنة عرشه ومداد كلماته
الجريش ينحط له كمون فقط ما ينحط له بهارات ثانية
وضروري البصل كثيييير والافضل زبدة وممكن نخلط زبدة وزيت
وينحط له لبن والافضل يميل للحموضة
والافضل نستخدم معه ملح خشن علشان ما يقطع اللبن ولا يتكتل
ولا يضاف اللبن من البداية لا بعد ما يروح نص الوقت
والكمية دايم الرز المصري نص كمية الجريش
سواء بيالة او كاس او اي مقياس
واذا بتحطين ماجي الافضل ماجي ابيض علشان اللون بس ما افضله علشان اضراره الصحية وممكن نحط الماجي العادي
واكيد لو بدجاج او لحم افضل
انا استخدم معه صدور دجاج وماشاء الله يذوب بالجريش ويطلع ممتاز
طريقتي بالجريش


أنا اسويه باللحم يطلع ألذ ممكن تحطين صدور دجاج
الطريقة/
قبل كل شيء تكونين مغسلة 2 كوب جريش ومنقعته أقل شيء 4 ساعات وكل ما تنقع أطول كل مالان الجريش
قطعي 1 بصلة و2 فص ثوم واحمسيها مع الزيت حتى يذبل البصل وحطي اللحم عليه ثم ملعقة كمون وشوي بهارات و2 ماجي قلبيه شوي ثم ضعي الجريش وقلبيه بعدين صبي مويه حارة وتكون المويه ضعف الجريش بعدين سكري قدر الضغط واضغطيه لمدة نصف ساعة بعدين اقتحي القدر شيكي على الجريش انخمد ولا باقي اذا باقي زيدي مويه حارة واضغطيه شوي تقريبا 10 دقايق بعدين اذا شفتي ان الجريش نشف واستوى اضيفي كوبين لبن وتكونين مطلعة اللبن من قبل عشان مايتقطع عليك واضيفي 2كوب حليب السعودية أو الصافي الي عندك وحبة فلفل اخضر ونصف فلفل رومي مقطعة نصف شريحة وقلبيه وشوفي الملح اذا كان ناقص زيدي ملح ناعم وغطي على القدر بس لاتضغطينه اذا شفتي انه ثقل الجريش صبيه في الحافظة وتكونين مقطعة بصلة كبيرة حلقات في الصاج وغمرتيه بزيت الزيتون وقلبيه حتى يصير لونه ذهبي وزيني به الجريش وحطي 2فلفل اخضر أو أحمر كزينة وبالعافية
( لتكن قلوبنا بيضاء فالرحيل سيعزف لحنه بأي لحظه)


الساعة الآن 12:37 .