Analysis Services
افضل طريقه جربتها اسلقي الجريش بمي بس ولما يقرب يستوي حطي مكعبين ماجي او اذا الكميه قليله مكعب واحد وزيدي ملح حسب الرغبه واخر شي جيبي حليب بودره وذوبيه بمي وصبي عليه تقريبا ست ملاعق علي كوبين مي اوزودي مايضر يعطيه اللون الابيض وطعم خيال وحطي نتفة زيده وبس والله طعمه لذيذ واحمسي بصل علي جنب لمايتشقر وتكونين طاحنه شوي ليمون اسود وشوي كمون وشوي قرفه وضيفيه للبصل ولاخلص الجريش زينيه به واذا عندك سمنة غنم يطلع اطيب وبالهناء والعافيه
03-09-1435 هـ, 04:55 مساءً
 
من زمااان ماشاركت بس يوم قريت الموضوع قلت بادخل لان انا بعد كنت ابحث وادور واطبق من قبل زواجي بسنوات لحد مالقيت طريقه رسيت عليه تماما قبل ماكان يضبط معاي ابدا الحين لاااااااااا اسويه كل 3 لاربع اياام عشان بنتي بعد تحبه ،،


طبعا زي ماقالوا بعض الاخوات الجريش التركي هو افضل انواع الجريش ،،


اول شي اجيب قدر احط فيه ربع زبده مع بصله متوسطه واحمسهم على النار ،،
وبقدر ثاني احط 2 كوب حليب سايل و2 كوب ماء وكوب واحد لبن مع ملعقة اجي صغيره وملعقة ملح خشن صغيره طبعا اخليهم بس يسخنون من غير غليان عشان مايتقطع اللبن معاك بمجرد ان البصل يتغير لونه ذهبي وينحمس تكبينه على القدر الثاني وتكبين عليهم الجريش مقدار كوب واحد طبعا لاينقع ولاشي بس تغسلينه كم غسله وتحطينه تقصرين عليهم اقل اقل شي وتحطين المشخاله وتخلينه 3 ساعات بعد ماتمر 3 ساعات تبدين تهرسين تهرسين كل شووي ،، عاد اكيد تكونين مجهزه حمستك الي على الوجه وبالعافيه ..
04-09-1435 هـ, 03:23 صباحاً
 
رفع


اللهم وفق من أحب 💝
04-09-1435 هـ, 08:19 صباحاً
 
اقتباس مشاركة  (كهف المحبة)
طريقتي في الجرييش من أمي الله يحفظها ويرزقها وكل من ذاقه ادمن عليه

قطعي بصل صغير وبدون حمس حطي معه ملعقه كمون صغير وملح حطي عليه الماء حتى يفوح واغسلي الجرييش وحطيه على الما والبصل وخليه لين يفوح بعدين قصري عليه مره مره وخليه تقريبا ساعه ونص وكل اشوي شوفي لا يحترق اذا شفتيه صار يلتصق حطي عليه زبادي وحليب بودره تقريبا 5ملاعق كبار وحركيه حركيه لين يصير متماسك وبعدين حطي عليه حمسة بصل او سمن انا أحب السمن لوحده

وأتمنى دعواتك

بنات السر في بياض الجرييش انك ما تحطين بهارات بس كمون والجريش ماتحركينه لحد ما يستوي تقصرين عليه مرررررره وتخلينه عشان ما يلتصق في القدر كثر التحريك يخليه يلتصق

أتمنى الي تستفيد ماتنساني من دعوه بالهدايه وصلاح الذرية والرزق

والشهر عليكم مبارك
ألطريقه هذي طريقه سليمه للجريش النجدي لان ماينحط بهارات معه حلاوته في السمن والكشنه اللي على السطح



اللهم وفق من أحب 💝
04-09-1435 هـ, 09:35 مساءً
 
ونا جربت طريقة قديمة عندنا بشمال بس روعة وطعمة تنقعين الجريش ساعة اواكثر وتغسلية زين وتحطين قدرفية موياءتغلي وذا غلت المويا تصفين الجريش وت\رينة ذرفي القدرتوزيع مثل ماتذرين السكرعلي الحلويات وتخلية يغلي وتقصرين علية ولاتقربين صوبة ولاتحركية لين تحسين انة بداءيذوب تملحية وتحركية وتصبين كوب لبن علية طبعن تقصرين علية ولاتخلينةيطول بعدماتصبين البن عشان مايشيط بعدها تصبينة في صحن التقديم وتصبين فوقة سمن رووعة وذا تحبين تسويين كشنة لحم وطماطم وبهارات وتحطينها فوقة بعد ماتحطينة في صحن التقديم
10-09-1435 هـ, 10:07 مساءً
 


الساعة الآن 11:29 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏