بسم الله الرحمن الرحيم


السلام عليكم ورحمة الله وبركاته وكل عام وانتم بالف خير وصحه
كنت من زمان اتمنى المشاركه في المنتدى والحمد لله الله كتب لي
الامر بادعل مباشره في الموضوع بنت اختي تبغى تشارك ام تدخل عالم التجاره عمرها 18 سنه نصحتها في انها تدخل عالم المنتجات الكوريه لان لها سوق هذه الايام دورت لقت لها موقع شركه كوريه وفكرت انها تسوق لها عن طريق النت تشتري منهم عن طريق الفيزا وتبيع للناس المهم الي اابغاه كيف التسوق عن طريق الفيزا من الالف الى الياء وش تنصحوها فيها كاتاجره صغيره ماعندها ابد خبره ولكم دعوه في ظهر الغيب في هذا الشهر الفضيل من خالتها ومبارك عليكم الشهر وتقبل الله منا منكم صالح الاعمال
01-09-1435 هـ, 02:53 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وعليكم السلام ورحمه الله وبركاته

ماشاء الله تبارك الله اذا هي من الحين تفكر بالبزنسن راح تكون سيدة اعمال لامعه بالمستقبل ان شاء الله
اسال الله ان يفتح لها ابواب الرزق


اول شي قبل ماتبدا اي تجارة لازززم تتهيا نفسيا .. ضروري هالشي لان ممكن تواجهه اشياء ماتتوقعها
في قاعده مهمه وهي

لاتخافي من الفشل ولكن توقعي الفشل

الخوف يخليك في مكانك وماتتقدمي ولاخطوة
ولكن التوقع يخليك تاخذي احتياطك ن جميع النواحي وبنفس الوقت تقدري تتجاوزي اي ازمة تمر بك نفسيا وماديا
اذا توقعتي النجاح ميه بالميه وماحطي الفشل فبالك ممكن من اي عقبه صغيره تنهاري وعلى طول تقولي انا مو فالحه ومانفع لهاشي وتقفلي مشروعك بخسائر ماديه ومعنويه


الحين راح اجيب على سؤالك
البضائع الكوريه حلوة واهم شي تكون مطلوبة والتسويق لها حلو
هي وين بتسوق لها.. على منتدى ؟ على انستغرام ؟ على الواقع ؟

ثاني شي بالنسبة للفيزا مرره سهله خليها تطلعها من اي بنك ترتاح له .. ولازم تفعل المصرف الهاتفي عشان تقدر تحول الاموال من الحساب الى الفيزا بكل سهولة وبدون ماتمرمط بروحه البنوك كل شوي .. هالشي بيسهل لها كثير ويختر لها وقت

بالنسبة للطريقه هي طريقة وحده في اغلب او جميع المواقع ..
وبس اكتبي بالنت طريقة الشراء بالفيزا وبتلقي الطريقه مررره سهله ومافيها اي تعقيد ان شاء الله
وبالموقع راح تلاقي اسعار الشحن ومدته ووالخ

بس هالاشياء مومهمة بقدر ماهو مهم طريقة البيع وتصريف البضاعه
لان هنا بتحتاج مهارتها وذكائها وهنا المهمه الحقيقيه


هي بتجيب كمية وبتبيعها؟
او تجيب على الطلب .؟
01-09-1435 هـ, 08:28 مساءً
 

بسم الله الرحمن الرحيم

السلام عليكم ورحمة الله وبركاته
جزاك الله الفردوس في جنه عرضها السموات والارض اختي مشاغبه ودعوت الله تعالى لك في سجودي ف صلاة الضحى واسال الله تعالى انه اجاب دعوتي لك شوفي بنت اختي راح تطلب على الطلب على فكره من باب الامانه في الكلام عمرها طلع 20 سنه مش 18 ضحكت علي يوم شافت اني كاتبه عمرها 18 قلت لها مادري يالله صغرتك سنتين اشكر لك ردك واذا فيه شيئ ماغنى لي عنكم والله يسهل عليكم كل اموركم

02-09-1435 هـ, 02:47 مساءً
 
هلا اختى انا اشوف التجارة مالها عمر محدد بس تتطلب الخبرة يعنى بنت اختك حلو انها تكسب خبرة وتجارب بعمر صغير راح يواجهها مشاكل من ناس غريبيين الاطوار ومالهم حل مثل ماحصل معي يعنى نتفق على المنتج والسعر وارسلها الحساب وتضحك وبالاخير تهرب وماترد ومن تجربتي بنات الرياض مو كلهم بس للاسف الشديد اكثرهم مترددين ومو جادين بالشراء ممكن الاسواق متوفرة عندهم بكثرة وسكان المناطق الثانية خصوصا الطائف ومكة على وعدهم وجادين حسب تجربتي وكماان نقطة التجارة فيها ربح وخسارة بس بالصبر والعزيمة ان شاء الله تتخطى المشكلة بالنسبة للمواقع تبي لها خبرة مع الصينيين بعضهم يخدعون الزبون ينقصو السعر بالسلعة ويرفعو الشحن او العكس الواحد قبل مايشتري لازم ينشب ويكون محاور عشان يعرف بالتوفيق
03-09-1435 هـ, 03:42 صباحاً
 
بالتوفيق ،،،
03-09-1435 هـ, 04:27 صباحاً
 


الساعة الآن 05:06 .