السلام عليكم ورحمة الله وبركاته

حبيباتي / انا حابه اسوي مشروع ومتردده كثير ولا ادري وش اسوي

قلت استشيركم فيكم الي عندها خبره والي ممكن تكون لها نضره غير نضرتي

واتمنا تفيدوني

عندي مبلغ بسيط يفتح مشروع باذن الله بسس محتاره وش اسوي

او بالاحرى انا بين امرين

الاول / اجيب بضاعه من الصين ، بحيث اروح انا بنفسي واختار الي ابيه من ملابس وساعات واكسسوريز وشنط وجزم اكرمكم الله
دخلت النت وقريت عن هالموضوع صارلي شهر متعب شوي من حيث التبضع والشحن واستلام الشحنات

وفيه ناس تقول اول مره بس بتتعبين عشاني ماعرف بالاجرائات وكذا وبعدين بيصير الموضوع بسيط

وماراح اعرضها بمحل ، راح اسوق للبضاعه عن طريق النت والانستغرام وتويتر هذا اول مشروع

الي سبق وسوت نفس هالمشروع تعلمني بالنتائج وش الاخطاء الي اتجنبها وش اسوي عشان ينجح مشروعي

الثاني وهو عشقي الازلي / افتح مشغل انا كنت ماسكه مشغل من قبل بس مو لي احب اسوي كل شيء يخص الشعر والميك اب بس مشكله المشغل يبيله وحده متفرغه وانا عندي دوام ما اقدر اكون فيه على طول
فكرت اخذ اجازه بدون راتب لمن اشوف ينجح المشروع ولا لا ، وانتم تعرفون مشاكل الفيز والعاملات والثقه ماتعطينها لاي احد فهذا الشيء مرددني كثير

والمشكله الاعظم وين افتحه !! الحين ماتمرين من شارع في الرياض الا فيه مشغلين ثلاث

ابي رايكم افيدوني احسس راسي بينفجر من التفكير
انصحك بالمشغل دامه عشقك الافضل انك تشتغلي بشي تحبيه


فكرتك الثانيه مربحه وحلوة بس دامك عارفه ايش تحبي فنصيحتي تشتغلي بالمشغل وانتي وشطارتك بينشهر
انا تركت الوظيفة وخلصت نص الاجراات ابحث عن شريكة والموقع ممتاز عندي ويكون كل شي النص بالنص,,وعقود عند محامي
المشاغل ممكن تدخلي في شبه المال الحرام نمص وقصات مخالفة الخ

في رأيي خليك عالبضاعة الصينية وشوفي قسم مشاريع في منتدى حلول البطالة بيفيدك
أي رد لي تأكدوا إني ما قصدت منه إلا الصالح للجميع
وأي وحدة مأخذة مني موقف أتمنى تسامحني ومن ناحيتي الجميع مسامحات

اللهم أعطني وكل مسلم ومسلمة ما نرجو من خيري الدنيا والآخرة
حتى انا والله متحمسة ادخل مشروع ..

واشوف مشروعك الاول افضل لان المشغل يبيله تفرغ كامل ..

ومسئولية اكبر ورأس مال اكبر واكبر ..

وفكرتي نفس فكرتك الاولى .. بس مأجلتها حالياً ..

وبأبدأ بشئ بسيط وتدريجياً اتوسع ..

طيب وش مخططك لتسويق بضاعتك ؟!

هذا اكثر شئ مسبب لي ازمة ومثبط عزيمتي صراحة 😥



.. اللهم اشفي لي زوجي شفاءاً لا يغادر سقما ..
..اللهم اني استودعتك من احبهم ..



الساعة الآن 12:36 .