السلام عليكم
انا من متابعات عالم حواء و قسم الحياه الاسرية من زماااااااان حتى قبل لا اسجل
بس مشاركاتي قليلة
بقولكم قصتي و اتمنى منكم تساعدوني
خواتي في الله
انا متزوجة صارلي 4 سنين
و ما عندي اطفال و الحمدلله على كل حال
زوجي انسان طيب
و أهله بعد زينين و طيبين
و انا حبيتهم قبل لا اتزوج و وافقت اكون منهم بارادتي
و احنا اهل
و المشكلة يا بنات ان زوجي كان على علاقة قبل الزواج و خلال الفترة الاولى من زواجنا بامرأة متزوجة
هي مب امرأة هي حية بل ذيبة
و هذي المرأة كانت صديقة أهل زوجي
المهم يا خواتي علاقتهم كانت تقريبا 6 سنين
و انا ما كنت اعرف شي قبل الزواج
نسمع ببعض الاشاعات و لكن ماكنا نهتم بها لعلمنا و يقيننا بأخلاق زوجي السوية
المهم يا خواتي بعد ماتزوجنا
الحرمة من القهر سوتلي سحر
كانت تزورني باستمرار و تعطيني هدايا و انا بصفاء نية كنت استقبلها
و كانت ترسلي اكل باستمرار لاني ساكنة بشقة بروحي مع زوجي
المهم بعد مرور سنة من زواجنا اعترف لي زوجي بعلاقته
و طبعا نفسيتي تدمرت
و اظطريت انتقل مكان ثاني بعيد عن الحرمة اللي بيتها كان مجابل شقتي و بالقرب من بيت اهل زوجي

و انا ما كنت اعرف انها سوتلي شي
كانت تييني حالات من الانهيارات العصبية باستمرار
مع بكاء متواصل طوال الليل
و احلم بأحلام غريبة و كوابيس و حيوانات متوحشة

وبديت انفر من اهل زوجي

الــــــــــــــــــــــــــــ ـــــــــــــــــــــى

ان وصلت لحالتي الحين .............................. ............

يا خواتي في الله الحين ماقدر ازور اهل زوجي قسم بالله كل ما اطب بيتهم احس بشي داخلي احس بصراع احس بضيق تنفس احس بصداع احس باشيا غريبة و ربي العالم بها

مازورهم الا في المناسبات

و لا اقدر اسمع طاريهم
اتنافض احس حرارتي ترتفع و احس برجفة غريبة و احس بدوار و ارتفاع الظغط اقسم بالله خواتي محد حاس فيني و محد داري باللي يصير لي
كذا مرة خبرت زوجي بس ما اهتم لحالي محد يهتم مادري شو فيني
انا حاسة اني على شفا حفرة من القبر
احس ان موتي قريب و مفعول السحر يعمل تدريجي الى ان يجنني

اليوم قالي زوجي بخبر اهلي يجون عندنا في الويك اند مع انه عارف اني ماقدر ازورهم قلتله كذا مرة بس مب حاس فيني و هو السبب باللي فيني

تعرفون شو صار فيني يابنات

قمت اصييييييييييييييييح مثل المينونة و اضرب راسي و اضرب نفسي و ارتجف و اصارخ دمرت حياتي ضيعت شبابي الله يلعنها دمرتني ماقدر اعيش

شافني زوجي على هالحالة و جلس يهديني و يقولي خلاص خلاص و احسه متغير علي كني مابغي اهله بس اقسسسسسسسسسسسسسسسسسسم بالله يابنات ان فيني شي انا تعبانة و تصرفاتي و اللي يستوي فيني شي مب طبيعي ابدا

سوتلي سحر عشان تفرقني عن اهله و اكرههم و بالتالي يكرهني زوجي شوي شوي و يتركني

و زوجي مادري شو فيه مب حاس فيني انا تعبانة المفروض يهتم فيني بس احسه متغير علي واااااااااايد

حتى قبل شوي سألته اذا يحبني او لا قال لي احبج قلتله حبك يزيد و الا ينقص قال لي مرات يزيد و مرات ينقص و قلتله الحين قال يعني نص نص

ياربي شو اسوي وين اسير وين ألجأ ؟ أخبر أهلي بالموضوع كله ؟ و أعرف انهم بيوقفون معاي اكثر من زوجي اللي مافيه ذرة رحمة و اهماله متعبني جدا جدا مع ان هو السبب في ضياعي و دماري و ضياع احلى ايام عمري و شبابي في هالمرض و محد يدري عنه

غير الليالي الكاحلة غير مخدتي ياما ابتلت بدموعي و محد يدري عن اللي فيني و عن عذابي مع نفسي و صراعي الدائم معاها

ادري طولت عليكم بسسسسسسسسس شو اسوي ماقدر اقدم على اي خطوة بروحي
و لا عندي شخص ثقة و قريب مني جدا استشيره عشان يساعدني

على فكرة خواتي من تزوجت تدريجيا بديت اميل للعزلة و لدرجة اني مابغي احتك مع اي انسان خوفا من اي مشكلة تصير و لو صغيرة
و حتى تلفوني مرات ينقع و لا ارد على احد
مادري شو هالاحساس الغريب مع اني ماكنت ابدا جذي قبل الزواج
كنت اجتماعية و احب الناس و احب صديقات و السوالف و الزيارات و احب الجمعات بشكل كبير و احب اضحك و امزح و اسولف كنت عايشة بكل لحظة حلوة و احول اللحظات المرة للسعادة دائما

اما الحين ماشوف للدنيا اي لون ما شوف اي معنى للحياة
أأدي واجباتي من غير ماحس بحلاوة الايام

خواتي في الله
مشكلتي تتلخص :
انا مريضة فعلا مريضة و لا اقدر اعيش مع الناس ابدا ماقدر و خاصة اهل زوجي

زوجي مهمل و لا يحس فيني مادري شو الاسباب ماقصرت معاه بشي بس لازم يعرف اني مريضة و يساعدني على العلاج بدال ما يتغير علي يوم بعد يوم
و لازم يحس اني اقاوم بسسسسسسسس ماقدر صدقوني ياااابنات ابغي اوصل احساسي لكم قد ماقدر و اتمنى تحسون فيني ...........



انا وحيدة في زوبعة الهموم و المرض و السحر
دون رفيق يساعدني

فأتمنى تكونون رفيقات لي و تساعدوني و ترشدوني للصواب
و اتمنى من البنات اللي تعرف شيخ او مقري يقرا علي
رجاءا تراسلني على الخاص
علما اني من الامارات

جزاكم الله الف خير

الله يشفيك ***** الله ويبعد عنك اولاد الحرام
حبيبتي انتي بس اكثري من الاستغفار وقراءة الاذكار والصلاة في وقتها وخلي لسانك رطب بذكر الله
باذن الله ماتشوفين الا الخير
الله يعينج ويفك كربتج وان شاء الله بتلقين شيخ يقرا عليج ويفك السحر
حسبى الله عليها اللى ما تخاف ربها وين بتروح من الله
صارحي زوجك بشكوك عن المرأه المتزوجه وقولي لاهلك واهله عن السبب
الصراحه احسن شئ قتها بيفهمونك
طبيعي يقل حبه لك ويشوفك ماتبين اهله علميه بشكوك الكل وقتها بيعذرك
وروحي عند شيخ يقرا عليك واشربي ماي مقري ...الخ
حاولي تقرين سورة البقرة كل يوم مالايقل عن اسبوعين
سواء زوجك تفهم الامر ام لا مابينفك السحر لازم تحاولين تفكينه بمثل مابيقولك الشيخ
ولاتنسين الاذكار وايه الكرسي
وحتى لو ماوقف احد معاك تذكري ان الله ينصرك
ياليال في ربى الصين عودي في ثناياك قد اقمت حصوني



عاااااااجل رياضة قتالية في الشرقية ؟


http://forum.hawaaworld.com/showthread.php?t=1897984
أقرأي سورة البقرة كاملة كل يوم،، لازم كل يوم..


اللهم لك الحمد كما ينبغي لجلال وجهك وعظيم سلطانك

اللهم أتمم علينا نعمتك وعافيتك وسترك في الدنيا والآخرة

اللهم أصلح لي شأني كله ولا تكلني إلى نفسي طرفة عين

اللهم اغنني بحلالك عن حرامك واغنني بفضلك عمن سواك

ــــــــــــــــــــــــــــــ ــــ

http://www.mislamih.com/mi/133.htm


الساعة الآن 11:37 .