اذا كنت تقصدين هذي الاله




فياليت تقولين لي وين في دبي بالضبط اخذيتها لانها فيخاطري من زمان وما خليت مكان الا وسالت فيه

وهذي طريقه غاليتنا الله يردها لنا بالسلامه __ بيان ___

المقادير

1و 3/4 كأس دقيق رقم 1 ( كأس البوك الكبير )
1/2كأس سكّر حبيباته صغيرة ( كأس البوك الصغير )
3/4 كأس مارجرين الخاص بدهن السندويتش ( الكأس الصغير )
بيضة + ذرة فانيليا
ملعقة طعام نشا ويمكن الاستغناء عنها نهائي أنا مرة سويته مع النشا ومرة بدونه

الطريقة :
يخفق السكر مع المارجرين جيدًا تضاف البيضة مع الفانيليا وتخفق
يضاف الدقيق المنخول ويعجن بالعجّانة أو باليد

الحشو :
2ملعقة طعام سكّر يحرق بحيث يصبح ذهبي يضاف له 1/2 علبة حليب مركّز
ويحرّك على نار هادئة حتى يغلظ قليلاً

يطهى البسكويت على نار هادئة يعني مو في الفرن
13-11-1426 هـ, 12:58 صباحاً
 
طيب من فين اشتريتها ؟؟؟
13-11-1426 هـ, 01:25 صباحاً
 
هلا خواتى الغاليات

الآلة تقدرون تطلبونها من محل في دبي اسمه فري لاين واللى ما تقدر تييب رقمه من البداله انا بطرش لها الرقم عالخاص.. طبعا لازم تطلبينها لانه هو ييبها لكم من المانيا وتوصل بعد اسبوع .. والحين الآلة تي بثلاثة اشكال .. شكل لعين الجمل وشكلين للوافل

انا بصراحه من زمان شاريته وعندي طريقة عطتنى ياه وحده من الاخوات يزاها الله خير ومضبوطه 100% واحسن عن طريقة الكتاب وسهلة وحلوة وااايد .. وكل اللى جربوها نجحت عندهم من اول مرة


طريقة بسكويت عين الجمل

المقادير
الكأس المستخدم في المقادير هو كأس جبنة بوك الحجم الوسط
1.5كاس دقيق الذره.
2 كأس طحين رقم 1
1 كأس سكر بودره.
2 ملعقة صغيرة بيكن باودر.
3 بيضات.
1 زبده (227 غرام)

الطريقة:
1.يضرب البيض مع السكر في الخلاط.
2.يضاف دقيق الذره والطحين والبيكن باودر الى الخليط السابق ويعجن باليد.
3.ثم تضاف اليه الزبده بعد اذابتها لتصبح سائله.
4.تكور العجينه لكور صغيره وتوضع في قوالب الجهاز وعند اخراجها من الجهاز يستعمل لذلك عيدان الخشب الصغيره.

وبعد ما تخلصين البسكويت تخلينه يبرد وبعدها تسوين التوفي وتخلينه يبرد اشوي وتستخدمين ملعقه صغيره في صب التوفي داخل البسكويت وتمسحين اشوي على اطراف البسكويت علشان يتسكر بالتوفي.
يمكن ان تحشى بمربى فراولة او ككاو نيوتلا أو كاسترد
13-11-1426 هـ, 09:38 صباحاً
 
شكر خاص لكل الاخوات
وان شاء الله اجرب كل الطرق واقول لكم بإذن الله يوم الخميس بجرب طريقة وببشركم
شاكرة لكم ارشاداتكم
13-11-1426 هـ, 10:12 صباحاً
 
حلا الامارات ارسليلي الرقم على الخاص لو سمحتي
13-11-1426 هـ, 11:34 صباحاً
 


الساعة الآن 06:55 .