يابنات زي مامكتوب في العنوان لقيت كم فكرة للرز المتيقي وجربتهم والحمدلله مشى الحال الا اللي يبقى في صحون التفريغ اجمعه بكيس وبعدين اوديه لساحة فاضية جنب بيتنا للطيور


الرز الابيض احطه بكيس وعلى الفريزر
ويوم اكون مستعجلة اعمل برياني
اقلي شعيرية ثم اضيف لها موية وبهارات البرياني ثم اضيف بزاليا وجزر وبصل مقلي بشوية زيت وبطاطا مقلية مربعات صغيرة( وممكن تستغني عن البطاطا حسب رغبتك) ثم اضيف الرز ورشة قرفة وفلفل اسود وهيل واوطي النار


الطريقة الثانية لو كان الرز غير ابيض زي الكبسات وغيرها
احط في صينية زيت ثم بصل حلقات كطبقة اولى ثم طماطم حلقات ثم باذنجان مقلي ثم بطاطا حلقات مقلية ودجاج او لحم (وممكن تعملي مع اللحم والدجاج زي ماتعملي مع الرز جمعيه في اكياس في الفريزر وحطيه في كذا أكلات )ثم ضيفي الرز ووطي النار وبعدها تقلبيه زي ماتقلبي المقلوبة


ممكن تعملي ببقايا الرز الدجاج المحشي وذلك بأنك تحشي الدجاج وتشويه بكيس الفرن مع رشة بهار وخل داخل الكيس على الدجاجة حيطلع زي دجاج الشواية اللي نشتريه من برا


وممكن نعمل فيه محشي ورق العنب مع اضافات الحشوة الاخرى كالنعناع والبقدونس والبصل والطماطم وزيت الزيتون


بقايا الدجاج ممكن نعمل منها مسخن وذلك بأن نقلي بصل بزيت الزيتون ونضيف رشة وفيرة من السماق ونكمل وصفة المسخن اللي معتمدينها
انا احيانا اعمله رول واحيانا احط طبقة خبز ثم الحشو ثم طبقة خبز ثم شوي من موية الدجاج على الصينية وعلى الفرن


وسلامتكم
14-09-1435 هـ, 03:39 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مااشاء الله عليك افكار مفيدة وتكريم للنعمه
الله يسسعدك
14-09-1435 هـ, 03:55 صباحاً
 
جزاك الله خير
14-09-1435 هـ, 12:44 مساءً
 
لا اله الا الله
14-09-1435 هـ, 12:44 مساءً
 
سبحان الله
14-09-1435 هـ, 12:45 مساءً
 


الساعة الآن 03:36 .