الاشراف الاجتماعي ( دار الايتام)

تأخر الحمل

السلام عليكم

بنات مثل مابعضكم عارف حاله زوجي العقم
حبينا انا وهو نحتضن يتيم وبالفعل رحنا للاشراف الاجتماعي والي قابلتني الله يسامحها
تحاول تحبطني بكلامها بدل ماتساعدني وتساعد هالايتام
تضايقت كثير من كلامها

شوفو الاشياء الي قالتها لي واحكمو

قالتلي بالاول ان ٤ سنين زواج قليله وحنا نفضل اللي متزوجين من زمان وانتم توكم !
رديت عليها بآن حاله زوجي عقم صعب واحنا ماجينا نحتضن الا بعد تفكير وقرانا عن هالموضوع كثير و٤ سنوات او حتى سنتين مو سبب تمنعوني احتضن عشانه

ثانيا قالتلي عمرك صغير ٢٩ واحنا نفضل الي اعمارهم ٣٥ وفوق روحي وتعالي بعد كم سنه !!!!! قلت معليش مو سبب هذا ترفضيني فيه فيه بنات حملو واعمارهم ١٥ و ١٧ وفوق وهالشي مايمنع انها تكون ام صالحه وتقدر تربي وبعدين الامومه ماتقاس بالعمر !!

كل كلامها ان ترا الموضوع طوووويل وبتتعبين وانتي ماوصلتيله !!
ليه طيب كل هالاحباط بفهم
وربي حرام عليهم هم بمكان المفروض يساعدون فيها الناس ويشجعونهم على الاحتضان بدل مايخلون هالايتام يتربون على ايدي الفلبينيات وغيرهم مو تقصير بهالجنسيه بس اقصد تربيه بالبيوت اكيد افضل واحسن من الدار

وربي ضايق صدري من كلامها وبكيت كثييير يعني تحملت عقم زوجي ورضيت فيه عشان كنت عارفه بالاحتضان ومبسوطه اني بسويه بس هلاانسانه احبطتني وقفلته بوجهي

واضح جدا اني ماعجبتها وتكلمني على اني بنت صغيره و كلامها كله ترا التربيه صعبه ترا يمكن يطلع معاق اذا اخذتيه ترا ماتقدرون تسافرون ولاتروحون مكان بدون لاتقولون لنا انتم مربوطين فينا ! كل كلامها سلبي بسلبي ماحاولت ولابجمله تثني على هالعمل الجميل ولامدحته ابدا انا ماادري وش هدفها من هالشي


بالاخير قالتلي جيبي اوراق تثبت عقم زوجك وانا برسلها للوزاره وهم يقررون بس ترا مااضمن لك يمكن مايجيك شي ! يعني الموضوع مو بيدها بيد الوزاره وهي جالسه تحبط فيني وتقفلها بوجهي طول اليوم من باب اولى تتحمس وتاخذ بيناتي وترسل اوراقي للوزاره وهم بيرسلون لي احد يشوف وضعنا ويقرر

لاحول ولاقوه الا بالله


دعواتكم بهالرمضان ان ربي يسر الامور
19
3K

يلزم عليك تسجيل الدخول أولًا لكتابة تعليق.

تسجيل دخول

Rooro2
Rooro2
موضوع كفل اليتيم مو سهل زي ماتوقعتيه. واعرف وحده مثلك 15 سنه ماحملت وطلبت تكفل يتيم وقالوا لها الافضل ترسلين فلوس له فقط اما انك تربيه فبيتك مسئوليه صعبه جدا

هم لازم ياخذوا احتياط كل شي لانهم مايقدروا يعطوك اي طفل الا لما يتاكدوا زين من كل شي

بس من كلامك ان اسلوبها جاف تماما والاحظ اذا الحرمه مسكت اي منصب ماعندها اسلوب تعامل نهائي طبعا مو الكل بس الاغلبيه

يارب ياقادر ياكريم يسهل امرك وامر زوجك.
بشر الصابرين
بشر الصابرين
الله يرزقك ويسر امرك ويفتحها بوجهك ويرزقك ضمة ضناك بحوله وقدرته
جاااكو
جاااكو
الموضوع مو سهل والجهات المسئوله تخاف لان لكل يتيم راتب شهري وفي كثير يستغلون هالنقطه
عموما قدموا اوراقكم واكفلوا ايتام في افريقيا وبلاد المسلمين الي ماتجيكم الموافقه والله يكتب اجركم..
متلونه بالوان الحي
الله يسهل امركم يارب واكفلو ايتام بالخارج لين ربي يفرجها واعرف وحده ماخذه بنت ومربيتها من زمان اتوقع اول اقل تعقيد من الحين
سراب اليل 8
سراب اليل 8
ياالله كلامها محبط بلعكس طنشيها وقدمي اورقك واستخيري الله وربي موبيدها ولابيد الوزرة انا جلسنت سنين وسنين الى ان تم الموضوع ورفضته لانهم توائم وماعندي احد.. وكانت عندهم مشكلة صحية لكن للامانه كانو قمة في الاخلاااق وحسن تعامل وفعلا هم مسؤلية ..