• «
  • 1
  • 2
  • 3
  • >
  • »
بنات تكفون ساعدوني 
زوجي عازم كم رجال على الفطور 
ومدري وش اطبخ 
نفسي بطريقة عجينة لينة لاني دايم تيبس معي 
وابغى طريقه للمكرونه العاديه مع لحم او دجاج
وشوربة كويكر باللحم كيف اخليها ناعمة وبدون قطع بندوره او بصل او شوفان متكتل ساعدوني 
وطريقة كيكة تكون لذيذه وياليت بالشكولاته والصوص
والبيتزا اذا فيه طريقه للكشنه وعجينه مميزه غير الفطاير 
ربي ييسعدكم دنيا واخررره
محتاجتكم 
23-09-1435 هـ, 02:50 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يبنات بالله احد يرد علي الفطور اليووم 
23-09-1435 هـ, 03:12 مساءً
 
عجينة ال 10 دقائق تتكون من مرحلتييين وهما كالآتي :

المرحلة الأولى :
المقادير

فنجان قهوة سكر + 2 ملعقة اكل خميره فوريه + 2 كاس ماء دافي + ذرة ملح +2 كاس طحين + 2ملعقة حليب باودر

نخلط المكونات جميعها و نتركها لمدة 10 دقائق لتخمر

المرحلة الثانية وهي كالآتي:

بعد 10 دقائق نضيف نص كوب زيت مازولا

و 3 أكواب طحين و تعجن جيداوقد نحتاج الى المزيد من الطحين حتى يصبح لدينا عجينة متماسكة ولينة ولا تلتصق باليد
23-09-1435 هـ, 03:38 مساءً
 
المكرونه اسلقيها وبعدها كشني بصل مع لحم او دجاج وضيفي بهارات او خضار اذا حبيتي وضيفي عليهم المكرونه
انا لما اسويها واذا خلصت اقسمها جزء اخليه ناشف وجزء اضيف له خلطة بشاميل او جبنه سايله ومايونيز يطلع روعه
والشووربه اطحنيها بالخلاط بعد ماتطبخينها وتبردينها اذا ماتبين قطع البصل والطماط تبان والشوفان حلليه بمويه قبل تضيفينه
23-09-1435 هـ, 03:41 مساءً
 
البيتزا كشني بصل وطماطم انا افضلهم شرائح وضيفي الفلفل البارد والفطر وصلصة طماطم واخر شي ضيفي الزيتون زتتقبينهم مع بعض ولا تحطين الخلطه وهي حاره على العجينه بتخربها واذا خلصت بالفرن طفي النار وحطي جبنة موزاريلا وخليها تذوب بحرارة الفرن مدة ثلث ساعه او اكثر

وبالنسبه للكيك سوي خليط جاهز وضيفي خلطه كاكاو عليه وهي اصبع زبده واذا ذابت ضيفي قطع جالكسي واذا ذابت ضيفي قشطه وانا اضيف دايم نص ظرف نسكافيه يعطي طعم روعه

والله يعينك ويكتب لك اجر اللي بتفطرينهم
23-09-1435 هـ, 03:47 مساءً
 


الساعة الآن 10:55 .