بنات ماعرف اطبخ بسبب المكاييل يعني ماعندي مكاييل ولااعرف من وين اشتريها وادا سويت طبخه من غير مكاييل تطلع الطبخه مو حلوة وساعات تطلع حلوة
وبعد في شي ثاني ادا ابغى اسوي طبخه عجينة بيتزا او فطاير مثلا يكتبوا ملعقة كبيره خميره وامي ماترضى تقول واجد ملعقة كبيره خميره ويخلص الخميره
تعصب يعني ومن كدا ماني عارفه كيف ابدي بالطبخ الحمد لله احب اكل برا والا كان توهقت مع الطبخ متعقده منه بشكل
لان كل ماسوي طبخه تطلع مو حلوة بسبب ان ماعندي معايير اعرف اي قد احط من كل مقدار وي آخر مره سويت كريم كراميل طلع حالي حده وغليظ لان مافهمت للمعايرر كاتبين مادري كم مل من الحليب ماعرف المعايير وسويت من مخي وصار حالي حده وغليظ اكلت واحد والثاني بغيت ارميه بس اكله اخويي الصغير يقول حلو بس انا ماعحبني احسه حالي
مرات يضبط ويايي ومرات مايضبط وكل الطبخات كدا مرات تضبط ويايي مرات ماتضبط
استغرب اقول كيف البنات تطبخ او تعرف تطبخ احس الطبخ صعب ولازم مكاييل مادري معايير حق الطبخ من غير المكاييل الطبخه تكون صعبه مادري شلون تعرفوا تطبخوا حتى امي اكلها يعجبني ساعات مايضبط لكن تطبخ من غير معايير
قلت انا بسوي معايير نفسي يعني مثلا ادا مكتوب ملعقة كبيره خميره اخليها ملعقة صغيره خميره اصغر حجم من الملاعق الي تجي مع استكانه الشاي وقلت لو كاتبين كوب بستبدل الكوب باي كاس عندنا لكن اخاف لبعدين تطلع العجينه مو عدله وتروح الدرام حرام
مادري بنات وش الحل مع معايير الطبخ ابي اطبخ ساعات احس اني مشتهية طبخ بيت
29-09-1435 هـ, 11:04 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مو صعبة يختي خذي لج ملاعق و اكواب معيارية تلقينها باي محل و تراها رخيصة و خذي بلاستيك افضل 
و بخصوص الخميرة كلام الوالدة صحيح كل العجاين الا بالمنتدى دائما يبالغون بمقدار الخميرة و تطلع ريحة الخميرة ف العجينة بشكل مو حلو
و البنات يقصدون بالملعقة الكبيرة ملعقة الاكل 
خذيها قاعدة القياس الصحيح للخميرة في الفطاير و البيتزا و خلية النحل كل كوب دقيق يحتاج فقط ربع ملعقة شاي خميرة يعني حسب الملاعق المعيارية مكتوب عليها 1/4 tbs
استغرب شلون الوحدة وصفتها كل اللي فيها كوبين دقيق و تحط ملعقة اكل خميرة شلون تستحمل ريحتها وقت الاكل 
29-09-1435 هـ, 11:57 صباحاً
 
و ترى الاكواب و الملاعق المعيارية شي اساسي في الطبخ خصوصا للحلويات و المعجنات
29-09-1435 هـ, 11:59 صباحاً
 
شوفي حبيبتي
تروحين محل بوريالين تلقين ملاعق معيارية تجي اربع حبات مع بعص
هذي تقريبا كل المعايير لانها من جهة مغرفة كبيرة ومكتوب عليها ربع كوب ثلث كوب نص كوب والكبيرة كوب
والجهة الثانية ملاعق الاكل ملعقة نص ملعقة وهكذا
سعرها بين الثلاثة والخمسة ريال راح تفكك من موضوع المعايير
29-09-1435 هـ, 08:43 مساءً
 
30-09-1435 هـ, 07:05 صباحاً
 


الساعة الآن 12:42 .