هلا والله
اول شي الله يجزاكم خير ويرزقكم ويفتحها بوجيهكم .. يكفي انكم دخلتوا الموضوع


ثانيا امي تبيني اشغلها مبلغ في الاسهم... تداول عن طريق النت

المشكله اني عليميه ولا عندي ثقه بنفسي بهالاشياء ولا افهم فيها ابد

وابيكم تساعدوني تعلموني الخطوات .. الاساسيات بس .. يعني كيف ابدا !! بأي بنك افتح محفظه ؟؟ وهل يفتحون لي محفظه بمبلغ 30 الف ؟؟

باقي الاشياء والبيع والشرا اتعلمهم مع الممارسه.. بس انا خايفه ماودي العب بالفلوس اللي عطتني امي بعدين تتحسف انها وثقت فيني

امانه ساعدوني افرح قلبها من جد اتمنى انفعها اذا مانفعتها انا من بينفعها ؟؟ عاد الرجاجيل مامنهم فايده هالايام

حاولوا اذا عندكم وقت تكتبون لي اي سطر .. اي معلومه ممكن تفيديني .. والله يجزاكم خير ويعافيكم حبيبات البي

اذا كنت من السعوديه سامبا تفتح محفظه ب30 الف ويقولون الراجحي ..
لو ما عندك خبره انصحك بصناديق الاستثما الحلال افضل ةاريح لك
اذا ماعندك خبرة بالاسهم لازم تتعلمين وتقرين المواضيع عن الاسهم وكيف تختارين السهم وكيف اذا تعلقتي فية وكيف تعرفين كل شي عن السهم بقراءة المواضيع للاخوات اقري كل صفحات المنتدى وسجلي عندك الاشياء المهمة ...
البنوك اللي تفتح ب30000الراجحي والفرنسي انا توني داقة عليهم لاني بافتح تداول بالفرنسي الراجحي ماادري دايما اقرا الناس مايمدحونة...
تروحين للبنك ويفتحون لك حساب جاري ومحفظة استثمارية والاجراءات تاخذ يمكن اسبوع الراجحي سويت كل شي يوم جيت ابشترك في التداول صار عطلان اللحين ان شاء الله باخلص الاجراءات بالفرنسي ....
مباشر تشترين بطاقة من جرير عشان الاسعار ...
بعدين تابعي منتديات الاسهم مثل تداول واعمال الخليج وعندك الملكي في حواء يكتب توصيات وانا مبتدئة مثلك فاذا فية اي خطا في كلامي اتمنى من الاخوات التصحيح........
والسلاااام
كمبتدئه ابدأى كمستثمره وليس كمضاربه الى ان تعتادين على الوضع وبعدها ابدأى .
اعتقد افضل تداول عن الطريق النت هو الفرنسى



اليوم الغالبيه يسبون فى الراجحى لانه ضيع عليهم فرص كبيره

وانا للان خارج سوق الاسهم لانى ماعندى وقت اروح لصالات التداول

وبالنسبه للنت ابغى اتعامل مع الراجحى لكن من كثر الدعاوى والسب بصراحه خفت
فأنتى لك الخيار الاول والاخير


اللهم ارزقنى الفردوس الاعلى

اللهم لك الحمد كما ينبغى لجلال وجهك وعظيم سلطانك

اللهم اعنى على حفظ كتابك الكريم
ابغي اعلق على الردود
اختي عفوا بنك سامبا مايفتح محفظه على الانترنت الا اللي عنده خمسين الف او انك تتداولين عن طريق الفرع بإي مبلغ موجود عندك
اما مثل ماقالت الاخت اعلاه فإن البنك الفرنسي يفتح المحفظه بثلاثين الف شيء صحيح
اما الراجحي فأنصحك بالابتعاد عنه لأن كل يوم ليهم كلام شكل مره عادي مره يبغون 100الف
كل يوم شي
ليش وجع الراس
حطي فلوسك في صندوق الرائد في سامبا وارقدي مرتاحه
واذا بغيتي التدوال
ياكثرها التوصيات وبصراحه معضمها تجي ضربه
وشكرا


الساعة الآن 02:57 .