ياليت يالغالية لو تسوين تعديل على الموضوع وتحطين لنا لو صورة شيلة وحدة مع شنطتها وإكسسوارها عشان نعرف الشغل
أنا عاجبتني اللي فيها ورود وردية الثانية.. إذا كان ممكن تطرشين لي عالخاص صورة شنطتها وإكسسوارها مع السعر كامل أكون شاكرة..
الله يعطيك ألف عافية
وردة الشارجه هيه يالغاليه عندي مجموعات ثانيه مب مجموعه وحده بس مب كلهم انزلهم على النت عندي بعض الصور على النت تقدرين تضيفيني عندج على الايميل واطرش لج الصور ان شاءالله

شيكي الخاص وما يصير خاطرج الا طيب
ام عبادي الطلبيه اللي انا نزلتها هاذي كانت جديده للشيل بس ما سويت منها الشنط والاكسسوار بعدني وعموما شكل الشنطه والاكسسوار يعتمد على ذوق الزبونه وهذا اتفق معاها عليه


على اي حال بالنسبه للشيله الورديه على الشنطه تجي ورده وحده مع الخرز نفس الشكل واذا تبين يكون نازل منها الخرز بعد اسويه لج

وبالنسبه للاكسسوار تقدرين تختاري اما يكون ثابت على الرقبه ونازل منه ورود ورديه او يكون عقد عادي وثبت فيه الورود مع الخرز بالاضافه طبعا للاسواره والحلق والخاتم واذا تبين اكسسوار للشعر بعد اسويلج


وياهلا
اللي ارسلولي بخصوص الاطقم شيكوا الخاااص

واحب انوه انه باقي طلب واحد فقط للعيد وبعده راح اوقف الطلبات الخاصه للعيد والاعراس وراح ارجع استقبل الطلبات بعد العيد ان شاءالله
أنا راح أطلب
احجزي لي
بس أشوف الديزاينات و أرجع أخبرج



الساعة الآن 10:09 .