اخواتي الغاليات
من زمان زوجي يطلبني اسويها بس ماعرفت
بحثت في النت وسويت وحدة طلعت فاشلة ماعجبته

ذقت مكرونة بيضا فيها فطر وجزر وفلفل رومي اعتقد عند قريبة لي تجنن بس ما امون عليها استحيت اسألها

ياليت اللي عندها طريقة مكرونة بيضا لذيذة تفيدني

سبحان الله
الحمدلله
لا اله الا الله
الله اكبر
قصدك الباستا؟

قطعي دجاج صغير
حضري الخضار اللي تبين
جبنة سائلة (المراعي أو اللي تبين) جبنة كرافت مبشوره ونفس الكمية جبنة موزريلا
كوب مكرونة مسلوق بملح وزيت

الطريقة:
شوحي الدجاج مع حبة ثوم مبشور مدة 5 دقايق (أضيفي قليل من الفلفل الأسود وكمون ونص حبة ماجي )
أضيفي الخضار وقلبي لمدة 3 إلى 5 دقايق
أضيفي المكرونة وملعقة كبيرة جبنة سائلة
أضيفي جبنة الكرافت وجبنة الموزريلا وقلبيها

قد تحتاجين إضافة القليل من الماء عشان تنسجم المكونات

وبس
ملاحظات:
مهم تقطعين الدجاج صغير عشان يستوي بسرعة
المكرونة لا تسلقينها كثير عشان ماتنعجن، أول ماتستوي صفيها من المويه، بالنسبة لنوع المكرونة عندي قودي 10 دقايق بس على نار عالية
اذا بتضيفي زيتون لمجموعة الخضار خليه آخر شي لا يطبخ
تسلقين المكرونه بماء وزيت ومرقة ماجي بعد ماتستوي صفيها من الماء
وبالنسبه للخلطة البيضاء.. تقطعي صدور دجاج مكعبات صغيرة تسوي كشنة بصل وتضيفين الدجاج وتقلبينه على نار هاديه وتضيفين جزر مكعبات وفلفل بارد وبعدين شوية ماء ومرقة ماجي وفلفل ابيض مطحون وتأكدي من نضج الدجاج والخضار (اذا تبغين الخضار مقرمشه قطعيها طولي وضيفيها في الاخير انا مااحط جزر اكتفي بالفلفل البارد واذا ابيها سبايسي فلفل حار) بعد ماتنشف الماء ضيفي كريمة تلاقيها في السوبرماركت كريمة طبخ فيه نوعين للحلويات والطبخ خذي تبع الطبخ
وضيفي الفطر في الاخر وثوم مبشور او مهروس وحركي شوي لين تثقل الخلطة وبعده ضيفي المكرونه ع الخلطه وقلبيها وطفي النار على طول وقدميها وبالف عافية
ملاحظة.. انا احط بديل الكريمة قشطه وثلاث ملاعق جبن يضبط
ربِ لاتذرني فرداً وانت خير الوارثين
ياكريم ارزقني وكل متأخره بالحمل التام والذرية الصالحه
شوفي هاذي الفوت شيني هي حقت المطاعم الإيطالية ومافيها فلفل بس فطر بيعطيك طريقه سهله

مكرونه فوتشيني أحلى شي قودي وهي زي المكرونه الطوال مسلوقة في مويه وملح وزيت وتصفينها وتخلينها الين تروح مويتها صدرين دجاج مسلوقة ومقطعه كبار شوي وتحطين مويتها على جنب
قطعة زبده ملعقه زيت زيتون في قدر وتخلينها الين تذوب الزبده على النار تكونين مقطعه بصله متوسطه وفصين ثوم وملح وتخلينها الين يذبل البصل حطي الدجاج واحمسيه شوي حطي فطر مقطع الموجود طازج ولا معلب اسهل لك وحركيه حطي موية الدجاج مقدار كوب صغير وحطي ملعقة ماجي ابيض ملعقه صغيرة فلفل اسود ملعقة بودرة البصل ملعقة بودرة الثوم ملعقة زنجبيل مطحون وملعقه فلفل ابيض وخليها شوي الين تجهزين الخلطه جيبي باديه حطي فيها كوب صغير كريمة الطبخ ونفس البهارات السابقة وملح علبة قشطه ملعقتين حليب بودره وحركيها زين وصبيها على البصل وحركيها بعدين حطي الفوتشيني وخليها على نار هاديه مره
أبشري جبن موزريلا نص وشيدر وحده وسط واذا لقيتي شيد موزريلا حقت كرافت حطي وحده وسط بلحالها ورشيها فوق الفوتشيني وحركيها اخر شي عندك الأعشاب الإيطالية الي هي الآرجنو رشي شوي عليها وحركيها وطفي عنها النار وآخر شي لو عندك جبن بارمزان جبن إيطالي رشي شوي وحركي وقدميه بالعافيه
اللهم لاتذرني فردا وانت خير الوارثين

كل من تشوف موضوعي او ردي تدعيلي وتدعي لكل مسلمه محرومه باالذريه الصالحه

الله يصبرنا والجميع على الغربه ونرجع لسعوديه سالمين غانمين


الساعة الآن 06:23 .