نفور الزوجة من زوجها بسبب المشاكل

السلام عليكم
أتمنى تساعدوني متزوجة من 9 سنوات وعندي طفلين تعبانة نفسيا من زوجي دايم الزعل وافتعال المشاكل على الأشياء التافهة اللي ما تستحق ودايم اني الغلطانة عنده مستحيل يتنازل او يتغاضى .
مااقدر اشرح لكم مشكلة وحده لانه مشاكله متنوعة وكثيرة من خيانة وعلاقات ومكالمات ومشاكل يكرهني في اهلي بكل الطرق غير انه مايشتغل ولاعنده وظيفة مشاكله كثير ايش اتكلم عنه اعجر والله وعلى مشاكله ساعدته انا واهلي ماديا واتغاضى عن فعايله وسخافاته بس هو لا كل شي يسوي منه مشكلة وكبيرة ويستمر لايام ولو شهور عادي عنده ولو ما انا اكبر عقلي واكسر قلبي من اجل الاولاد والحياة تمشي ولازم يردني ويكسرني اكثر ويتلذذ بشوف دموعي وبعدها يرضى وتستمر الحياة.
صرت ما احبه اكره أتمنى له الموت من كثيرة المشاكل والالم اللي سببه لي صرت وحده ثانية من اخذته نفسيتي دايم زفت أي شي بااسويه او بطلع ويا اهلي او بصرف مبلغ عندي لازم افكر واخاف من المشكلة اللي بتصير لي بعدها حتى لو استأذنت منه ووافق لازم بعدها يزعل ويستمر زعله لايام وشهور مايتنازل ولواراضيه مايقتنع لازم يلوم وكلام جارح وتحبي اهلك وتسمعي كلامهم
الحين انا مااحبه ما اطيق اشوفه او احط عبني بعينه انفر منه نفور مو طبيعي لو يقرب مني احس حالي مخنوقة بأبكي احس بتنقبض روحي ما اطيق منه بوسه احس اتنرفز ودي ساعتها اضربه اباعده عني لدرجة لي اكثر من سنة مافي أي تفاعل جنسي من طرفي ميته جنسيا واعاني ألم وحرقان من العلاقة الجنسية كل لقاء عندي تعيس ويسبب لي الم ودموع.