صديقتي تبي نصايحكم ورايكم

هلا اخواتي من زمان ماكتبت موضوع بهالقسم
بس هالمره ابي اخذ رايكم وبكل صراحه
اتها خواتي لي صديقة عزيزه علي طيبه وعلى نياتها ماتعرف تكره او تحقد
اخواتها كثار ماشاء الله واكبر منها يعني هي اصغرهم
هي عايشه بمدينه ثانيه جياتها بسنه مره مرتين وماتطول الا للضروره ان كانت نفاس او زوجها مسافر فتضطر
تجلس عند اهلها عندها مرات اخوها الكبير محترمه راعية دين طيبه لها مواقف معها حلوه وايضا صديقتي
معها طيبه وتحترمهؤ وماعمرها قطت كلمه عليها بالعكس تمدحها دايم وتثني عليها ودايم تبين غلاتها وحبها لها عند اخواتها لكن يااخواتي مرت اخوها هذي مع ان جيات صديقتي قليله تصدر من مرت اخوها تصرفات تقهرها وتجرحه ومو اي جرح مره تقلل من شانها ومره تحاول تبين ان صديقتي مسكينه وان شرت او.لبست صديقت
ي لبس مثلا بعيد او اي مناسبه مرت اخوها تسالها بكم ويوه شكله قديم كني شايفته عليك قبل والا بتسالها بكم شاريته وان شروا اخوات صديقتي لها لبس هديه بلوزه او تنوره ولبستها صديقتي تقول لها شكلها غاليه خواتك مايشترون لك الا غالي
ان شرت صديقتي شيء حلى او اي شي وجابته معها دايم تجرح فيها وتبين لاخواتها ان اختكم ماتشتري غالي لكم طبعا تقوله بينها وبين صديقتي مو قدام اخواتها صديقتي تكتم بقلبها بس تنقهر منها
غير ان جلست عند اهلها وعيال اخواتها خربوا او.كبوا شيء بتحطه بعيال صديقتي واللي يقهر انها تتشكى قدام اخواتها خالعيال خربوا وفلان كب الحليب تقصد ولد صديقتي الكبير واللي كابه بنت اختها مو ولد صديقتي بالحقيقه اخواتي صديقتي مقهوره ياما حاولت تكسبها بس بلا فائده ياما سكتت عن تصرفات منها تغث وتنرفز
ممعاملتها مع اخواتها شي ومع صديقتي شي ثاني مع ان جيات صديقتي تنعد على الاصابع تجلس بشهور ماتجي واخواتها كل اسبوع واسبوعين يجون ببيت اهلي وعيالهم يخربون ويحوسون ماينقال لهم اي شيء ولا لامهاتهم بالعكس عسل على قلبها حتى عيال صديقتي ماسلموا منها وش فيه ولدك كنه كذا وش هاللبس اللي عليه يعني تحطم بشكل غريب شي صديقتي عندها يع ورخيص وقديم وشي اخواتها هو الزين والغالي واللي على الموضه للدرجة صديقتي تقول ماعاد اجلس عند اهلي توبه كرهتها بالجيه حتى لانها تجي لاهلها تبي تغير جو وتنبسط وللاسف ماتطلع منهم الا متنكده وضايق صدرها
تخيلوا صديقتي جلست عند اهلها فتره اسبوعين لانها تتوحم وتعبانه واختها عندهم جالسه تخيلوا ملابس صديقتي ولابس عيالها ماتنكوي ومرميه تغسلها الخدامه وحاطتها وماتكويها وان بغت صديقتي تلبس عيالها هي تكوي لهم واختها لا تنغسل ملابسها وتنكوي هي وعيالها ومره سمعت مرت اخوها تقول للخدامه لاتكوين ذولي يعني ملابسهم مع العلم مرت اخوها عندها حدامتين كل هالفتره ...اخواتي صديقتي احتارت مع هالانسانه ماتدري ليش تعاملها كذا وهي ودها تعاملها مثل اخواتها بس للاسف مافي امل حاولت بهدايا بمدح لكن للاسف بالعكس مرت اخوها تزيد تجريح وتحطيم ....
اخواتي صديقتي تبي رايكم ونصاسحكم لها اكيف تعامل مرت اخوها لانها تعبت منها خلاص