كلامك انت استفزني اكثر من كلام الناس لك
معللليش للناس بالطقاق والحمدلله الرزق مو بيدينهم والبنات نعم الله يبارك لنا فيهم
انت ان تمنيت الولد تمنيه لنفسك مو عشان الناس
بر عيالك لك انت...حبي بناتك ودلعيهم
واللي رزقك البنات بيرزقك العيال الرزق من الله
وخيرا منك ومنهم ومنا جميعا صفوه الخلق مابقي له الا البنات
والحمدلله على نعمه العقل والدين
وان كان مجتمعنا من من اذا بشر بالانثى ظل وجهه مسود وهو كظيم
لاتكوني منهم
اللهم اصلح نياتنا وذرياتنا
ونصيبييبييييحه بناتك لايحسون بكسره عينك بوجودهم افخري بهم وعززي ثقتهم بك وبانفسهم
وان سالوك كم عندك؟؟ قولي3 والله يزيدهن❤️

اختي هذا من الله واللي جاب البنت يجيب الولد ولا عليك من كلام الناس وان كان عمر بنتك كبير وودك تحملين سوي متابعه التبويض وابره التفجير بس هذي مجرد اسباب ولكن كل شي بإراده الله واذا اراد الله شي قال له كن فيكون واكثري من الدعا والصدقه والاستغفار🌹

وش عليك من كلام الناس كلام الناس لا يأخر و لايقدم و شفتي قدامك الي قالت بس ولدين !!
يعني حتى لو معك ولدين راح يقولون بس اثنين !!
رضا الناس غاية لاتدرك 
ريحي راسك و طلعي بناتك حرام عليك
لاتكسرينهم من الحين خليهم يكونون قويات 
و قوي شخصيتهم و خليهم دايما رافعات 
الراس و كشخيهم وطلعيهم وش احلى 
من كشخة البنات و ملابسهم و نظرتهم 
تجيب العافية 
بكرا بعيد الشر لا مرضتي ولا طحتي 
محد بيدير باله عليك الا بناتك
حتى عيالك بيهجون اما مع اخوياهم 
والا حريمهم و البنت والولد مو مهم 
اهم شي الصلاح و انه يبرك بحياتك و بموتك
في وحده اعرفها شخصيا تدعي على ولدها 
بالموت تخيلي اذا طلع تقول ليته مايرجع 
من كثر ماهو معذبها و ممرمطها بفضايحه 
و فساده الله لايبلانا و يعافينا مما ابتلاه 
اهم شي الصلاح وانا اختك 
والله يرزقك بالولد الصالح يارب و كل الاخوات 

انا عندي بنتين وحامل 
الله يرزقك يا اختي بولد صالح بار وتفتكين من كلام الناس

وانتي وش عليك من كلام الناس كان رديتي عليهم قلت الحمدلله مقتنعه ويكفي ان عندي ضنا سوا بنت او ولد الحين مابينهم فرق بكره تكبر وتدرس وتتوظف ويشيلونك ع روسهم يعني اللي عندها ولد وش بتزيد فيه والله البنات حلوين فديتهم يجننون وكشختهم مافي مثلها يارب يرزقني بنووته حلوه ..عمي عنده 7 بنات وفرحان فيهم ومبسوط ماعمره جاب طاري الولد لسى فيه هالخرافات الا ولد هذي كتبة الله استغفرالله ناس ماعندها ذوق قلة ادب احس عصبت ههه