السلام عليكم ورحمه الله وبركاته

أمس رحنا الوفره ( حق اللي بره الكويت هي منطقه زراعيه ) وشفت بالسوق

طماط صغييييير .... وشريته علشان أسوي طرشي ( مخلل )!!!

المشكله ولا مره بعمري جربت أسوي أي نوع من الطرشي !!! عيل ليش شريتيه ؟

عجبني شكله وايد .. وأغراني ان أشتريه ..بس بالبيت توهقت فيه ..أصلا انا مو

فاضيه دوام ومدارس وبيت وبعد أسوي طرشي يبيله وقت وايد ومجابل ..

بصراحه انا شريت لي ولخالتي وقلت لزوجي هذا ينفع للطرشي اللي أمك تسويه !!

ما طلبت منه ان يوديه لها علشان تسويه لنا ( استحي اطلب منها ) وهو بعد سكت

وبالليل اتصلت فيها أبي الطريقه قالت لي باكر اعطيك الطريقه !! انا توقعت انها تقول

لي جيبي الطماط وهي تسويه لي !!!!!

المهم دورت بالكتب لقيت طريقه أفنان الزياني وهي ما شاء الله عليها مضبوطه

في طريقتها .. بس ودي أعرف طرق ثانيه مجربه وأشوف الاسهل !!

و ان شاء الله اسوي الطرشي واقول لكم النتيجه ..
09-11-1426 هـ, 11:43 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تصدقين إني أموت في شئ إسمه مخلل الطماط وإن شاء الله البنات ما بيقصرون وبيعلمونج الطريقة ...ههههههههههه وأنا بنتقلها بعد وبسوي مخلل لي أنا...
09-11-1426 هـ, 10:00 مساءً
 
و عليكم السلام
"مخلل الطماطم
كيلو طماطم ناضجة وتنقيالحبات الجامدة
7_8 م ك كزبرة يابسة
1 م ك فلفل اسود ( اختياري) وفلفل احمر حسب الذوق
15 فص ثوم و م ك ملح
4 كوب خل وثلث كوب ملح
2فلفل حار اخضر
الطريقة:
تغسل الطماطم وتجفف بالفوطة
تقطع الاعناق وتشق الطماطم من جهة العنق بسكين حادة علي شكل صليب ويزال الجلد اليابس جهة العنق
يغلس الخل ويضاف اليةالملح والفلفل ويغلي لبضع دقائق حتي يصفر الفلفل قليلا يرفع عن النار ويترك ليبرد
تحمص الكزبرة حتي تظهر رائحتهاويجب مراعاة عدم حرقها
نخلط 3_4 ملاعق من الكزبرة والفلفل الاسود مع ملعقة اكل ملح و6 فصوص ثوم يدق المزيج جيدا
تضاف 4\3 ملعقة صغيرة الي كل طماطة او حسب حجمها وتدفع البهارات الي داخل الطماطة بالاصبع
ترص الطماطم في المرطبان وتضاف فصوص الثوم المتبقية بعد تشقيقها وترش الكزبرة المتبقية
علي الطماطم ويصب الخل علي المزيج حتي يغطي الطماطم ويغلق المرطبان باحكام
وبترك في الشمس او مكان دافئ لمدة 3 ايام
وعليكي بالعافية"

منقول
"مخلل الطماطم الخضراء
خذي الطماطمك الخضرا
شقيها من النص بعلامة +
ضعيها في محلول ملحي مع كم قرن فلفل وعودين شبت اخضر وكم حبة حمص يابس
واضيفي شوية زيت على وجه المطربان

اتركيها اسبوع او اكثر حسب حرارة الجو..ثم تذوقي اطعم مخلل طماطم."
منقول




ارجو ان اكون قد افدتك
09-11-1426 هـ, 11:44 مساءً
 
حبيبتى زهرة النوير .... أنا أسويه مع ثوم الجبل .... وأعملها بنفس طريقة الغالية orkidia الله يعطيها العافية يارب ، والصراحة أنا حابة أشكرها كل الشكر على مساعدة الكل وهى فعلا help full للجميع ، بس أحلى أجار طماطم (( البحرينى )) كانت فى وحدة بحرينية صديقة لى من زمان أعطتنى طريقة وأنا ناسيتها ألحين بس ياريت تساعدنا وحدة من الأخوات البحرينيات لعمل أجار الطماطم وأنا أضم صوتى لصوت أختى .... زهرة النوير .... منو ألى بتساعدنا ؟؟؟؟ والله يجزاها كل الخير عنا .
10-11-1426 هـ, 01:15 صباحاً
 
لا شكر على واجب
10-11-1426 هـ, 01:29 صباحاً
 


الساعة الآن 08:04 .