السلام عليكم ,,
اليوم جيتكم بمشكلة جديدة بيني وبين زوجي الله يصبرني ويجبر كسر قلبي
زوجي انسان عجيب غريب عجزت افهمه , مره اقول انه اكثر انسان ملتزم و يخاف من الله ومستحيل يطلع منه الغلط ,, ومرات احس انه انسان كذااب وخاين بس يتخبى ورا قناع الالتزام وصورة الانسان المحترم
في المقابل انا انسانة ما اقصد بهالكلام اني امدح نفسي لا والله بس عشان ابين لكم حياتنا كيف صايرة انسانة مرره دقيقة , اقصد اني اقدر اقرا اللي قدامي من عيونه ومن حركات جسمه .. اربط كلامه اللي قاله لي قبل بكلامه اللي قاله الحين واكتشف كذبه .. عندي طرق ما تطرى ببال احد في اني اعرف وش وراه ووش عنده وهالشي هو اللي مجننه .. يقول انتي ذكية والرجال ما يحب زوجته اذكى منه
طبعا عشان ما تفهموني غلط انا مو دايما اواجهه اشياء كثييرة شفتها وكشفتها وعرفتها وساكتة عنها ليومكم هذا وما بينت له شي
المهم ..
بطريقة تافهه جدا شكيت برقم جوال انه لزوجي .. انا ما عمري شفت معه جهاز ثاني ولا قد قال لي طبعا ان عنده رقم ثاني .. يوم شكيت بهالرقم حفظته في جوالي وصرت اراقبه على الواتساب عشان اقطع الشك باليقين لاحظت انه ما يدخل الواتساب الا اذا صار زوجي مو موجود في البيت
ولاحظت ان كل الكلام اللي يحطه في الواتساب كلام حب وغرام وشوق وهيام !
على رقمه الاساسي اللي عندي مستحيل يحط مثل هالكلام
المهم استمريت على المراقبة 4 شهور ما بغيت استعجل واواجهه وانا ما معي دليل قاطع الا اوقات دخوله وخروجه اللي ممكن انها تكون صدفة جدا عجيبة وهذا اللي كنت اتمناه من كل قلبي .. انها صدفة :(
كنت ادعي في كل سجود ان الله يدلني على اللي فيه الخير
مرت الايام وبعد 4 شهور كنت اشيك على اللسته اللي عندي في الواتساب واتفاجا وانصدم بصورة زوجي !!!!
الرقم اللي كنت شاكه فيه حاط صورة زوجي صورة عرض !!:09:
يوم شفت الصورة كنت جالسة في الصالة وزوجي يتابع برنامج في التلفزيون , تغير وجهههي و رحت للحمام تكرمون استفرغ من الصدمة
رجعت له ويكلمني وما اقدر ارد , طلعت من عنده وصليت ركعتين ودعيت ان الله يثبتني ويقوي قلبي وانا اواجهه لاني ابغى اواجهه واناقشه بهدوء ما ابغى اصواتنا تعلى و يطلعني غلطانة ابغى الحق يكون معي لآخر لحظة في النقاش وما اعطيه فرصة يقدر يقلب السالفة فيها علي
اول ما رجعت قال وش فيك مو طبيعية اليوم ؟
قلت انا ابغى اكلمك بموضوع مهم وما اقدر أأجله ممكن ؟
تغير وجهه قال طيب تكلمي
قلت لا انت طفي التلفزيون وتعال للغرفة
رحنا للغرفة وانا كل شي بجسمي يرتجف
جلسته على السرير وجبت كرسي وحطيته قدامه
وحطيت عيني بعينه قلت يا فلان انا عندي موضوع ابغاك تعطيني تفسير له
فتحت جوالي على الواتساب ووريته رقمه وقلت له تفضل .. ممكن تفسير ؟
سكت شوي وقعد يطالع الصورة والحالة
قال وش هذا ؟ قلت انت عارف هذا وشو .. طالع الرقم قال ايييييه هذا رقم كان لي قبل كم سنة وجيت بلغيه واخذه مني صديقي
قلت وصديقك بيحط صورتك ؟ صديقك ما رح يدخل الا في الوقت اللي انت فيه برا البيت ؟
المهم صار نقاش بيني وبينه وجا بيقلب السالفة علي وقال ليش تتجسسين علي قلت انا والله ما تجسست عليك والرقم حصلته بالصدفة وانا فعلا صادقة
قال ليش تشوفين الدخول والخروج وتتجسسين قلت انت مو تقول ان الرقم مو لك قال الا قلت معناها مفروض ما تقول لي ليش تتجسسين علي لاني مراقبة دخول وخروج صديقك مو دخولك وخروجك انت
بعدها رحت لاهلي لاننا كنا متفقين اصلا قبل المشكلة اروح لاهلي وانام عندهم رحت لهم وقفلت جوالي يوم كامل اليوم الثاني اتصل علي قال انتي ليش ما تصدقيني ويحلف لي ايمان مغلظة انه مو له وان له سنين ما استخدمه وان صديقه حاط صورته لانها اعجبته وان ما عنده اي ارقام ثانية
بعد حلفه قلت له السالفة ما تدخل المخ ولو اقولها لطفل ما صدقها بس انا هالمرة بصدقك وبمشيها لك بشرط ان هالرقم ما يقعد على اسمك ولا دقيقة قال خلاص بنقله على اسم صديقي اللي يستخدمه
مرت 3 اسابيع على السالفة وما نقله يقول ان صديقي ما فضى يروح معي ننقل الرقم
امي لما استشرتها في المشكلة قالت كثير رجال كذا وكلها فترة وتعدي و ان السالفة ما تسوى اطلب الطلاق لاني كنت بطلب الطلاق
المشكلة اني بعد هالسالفة صرت اشك فيه بشكل مو طبيعي اشك في كل كلامه واحس انه كذاب ويخونني :(
مرره تعبت نفسيتي ومو قادرة انسى
رايكم كيف اتعامل معه بعد هالقصة
كيف اجبره يلغي الرقم لان الحين حياتنا رجعت طبيعية وهو مثل اللي يقول انا اصلا ما غلطت انتي اللي شكيتي فيني !
مرره محتاارة ساعدوني :(
يلزم عليك تسجيل الدخول أولًا لكتابة تعليق.
مدام انك بتصدقين العذر الي قاله لك
ليش واجهتيه من الاساس الي سويتيه اكبر غلط
واجهتيه وخليتيه يعرف انك عارفه وف النهايه صدقتيه طيب وش استفدتي الحين
كان المفروض اذا انك بتواجهينه تاخذين موقف صارم او انك تسكتين اهون من انه يعرف انك عارفه وساكته
الله يكون بعونك وان شاء الله درس وتتعلمون منه
ليش واجهتيه من الاساس الي سويتيه اكبر غلط
واجهتيه وخليتيه يعرف انك عارفه وف النهايه صدقتيه طيب وش استفدتي الحين
كان المفروض اذا انك بتواجهينه تاخذين موقف صارم او انك تسكتين اهون من انه يعرف انك عارفه وساكته
الله يكون بعونك وان شاء الله درس وتتعلمون منه
مدام انك بتصدقين العذر الي قاله لك ليش واجهتيه من الاساس الي سويتيه اكبر غلط واجهتيه وخليتيه يعرف انك عارفه وف النهايه صدقتيه طيب وش استفدتي الحين كان المفروض اذا انك بتواجهينه تاخذين موقف صارم او انك تسكتين اهون من انه يعرف انك عارفه وساكته الله يكون بعونك وان شاء الله درس وتتعلمون منهمدام انك بتصدقين العذر الي قاله لك ليش واجهتيه من الاساس الي سويتيه اكبر غلط واجهتيه وخليتيه...
انا صدقته لما شفته يحلف فعلا من قلب .. وبما معنى الحديث ومن حلف له بالله فليصدق
وما كان بيدي شي اسويه غير اني اصدق لانه انكر بشككل مو طبيعي
وما كان بيدي شي اسويه غير اني اصدق لانه انكر بشككل مو طبيعي
ان طولتي الحكاية راح تتنكدين وتبتعدون ويصير بينكم جفوة
وان تركتيه وتناسيتي احتمال يستحي على دمه
ان كان تبين النكد تابعي الموضوع
تبين الراحة ونصيحتي تناسي واصفحي وادعي له بالهداية
وان تركتيه وتناسيتي احتمال يستحي على دمه
ان كان تبين النكد تابعي الموضوع
تبين الراحة ونصيحتي تناسي واصفحي وادعي له بالهداية
الصفحة الأخيرة
لكن لجئت لربي والاستغفار صار هو والحيط واحد 😓