أهلين بالحلوات 00

شوفي عيوني فيه أساسيات تنبنى عليها الضيافه وأهمها هو :

الضيف !! يعني اذا ضيوفي أمون عليهم وقريبين مره مني فالأفضل نخلي البساط أحمدي

يعني أحط اللي عندي و وناسه وفلة احجاج أحسن من كل هالكلفه0

اما اذا كانوا ضيوفي أتيكيت وأول مره يجون لبيتي فمن اللازم يكون كل شيء منسق ومرتب ويميل للفخامه,

* بالنسبه لكاسات العصير وأطقم الشاي فكلما كانت حديثة الطراز وغريبه ( مثل أطقم الشاي الفخاريه )
فستكون الضيافه قمة الفخامه وبتصيرين سالفة كل لسان ( حطت و00سوت00 الخ ) بغض النظر عن ماتقدميه من مأكولات وحلويات0

* وبالنسبه للمأكولات : فكلما قلت الأصناف وبرزت كلما كانت الضيافه أرتب وأكثر نظاماً , لأن العين تأكل قبل المعده زي ما يقولون 0
يعني قدمي لضيوفك نوع أو اثنين من الحلويات مع القهوة العربي بس يكون هالنوعين أشكال جديده أو فخمه قدر الإمكان0

ولاتنسون كل وحده تمد رجلينها على قد لحافها , يعني لا تكلفين على روحك وتحملين نفسك مالا طاقة لها مادياً
ولا تغثين أهلك وتقولين مواعينكم مهيب زينه فشيله قدام صديقاتيي
لأن الثقه بالنفس أهم شيء 0
أدري صارت حصة تدبير منزلي 00

بس أتمنى أكون أفدتكم 00وبإنتظار آرائكم


00كالوري000
مساء الخير

على قولت كويتية^فراولة .. احنا انحلي اخر شي .. لوووووووول يحليلج كويتية

بالنسبة لي انا .. كانت عندي عزيمة عقب صلاة المغرب .. يمعة بنات .. اعمارهم بين 22 - 27 وكلهم حد الميانة معاي .. فقدمت لهم التالي :

اول مايوا حطيت كذا نوع عصير .. طبعا شغل بيت ... في قلاصات شكلها غريب والوانها بعد غريبة ومزينتهم بالنعناع وحبات المانجو والثلج المبروش والليمون .. يعني الزينة ضرورية

بعدين قدمت لهم الجاي والقهوة والحلو .. حطيت تقريبا 6 انواع حلو قهوة .. وكلهم شغل بيت ( لان اللي عندي ماشالله يموتون في الاكل )

بعدها بساعة وبعد السوالف والحش ( اتغشمر ) حطيت البوفيه وكان كالتالي

ورق عنب نوعين .. بالزيت واللحم
سمبوسة جبن كرافت ولحم
عجينة البف بستري المحشية بالجببن والمغموسة بالبيض والزعتر والمقلية
حطيت رولات ( العجينة الصينية ) بكذا حشوة : جبن - خضار - ربيان مع نولدز بس عجييييييييييييييييييييييييييييييييب
سلطة سيزر
كبة شبنت+ كبة التوست بالدجاج والجبن
ربيان بقسماط بالخلطة + كوكتيل ربيان
سمك فيليه مع الصلصة والشبس
كرات الدجاج+ اصابع الدجاج
سويت طريقة كبة برغل بس تكون بشكل السلة ومن فوق مفتوحة وحطيت بداخلها خلطة بحيث تكون الخلطة باينة والله ينوا عليها
ذرة + ماش بوتيتوزوخلطة الأجبان
جباتي محشيته بخلطة دجاج
شعرية صينية بالدجاج
سلطة الفتوش بالصلصة الخضرا

وطبعا مع المشروبات .. عصاير وغازيات

وبسسسسسسسسسسسسسس ... هذا يعني بوفيه صغير .. ماشالله رفيجاتي يحبون الاكل



وتسلمون

اختكم .. بنت الكويت
الدنيا خلتنا نحب ونشتقي

ممكن تكتبين مقادير كل اللي قدمتيه لضيوفك؟؟؟\\


ماشاء الله مبين عزيمتك تبيض الوجه
يا الدنيا احسك قبل هالعزومه بثلاث ايام وانتي تحوسين في هالمطبخ

والله شغلانه مررررررره

بالنسبه لي الموجود اقدمه ما اغث حالي ابد لان انا وصديقاتي ما فيه بينا اي رسميات ابداً
ومرتاحه واجد من هالغثا والحمد لله
السلام عيكم ورحمة الله وبركاته أختي نحب ونشتقي الله يجازيج خير يا بنت الكويت الغالية حطي طرقج لإن إسلوب ضيافتج حيل عجبني وبالعافية على صديقاتج يا قمر والسلام


الساعة الآن 11:25 .