مساء الخير على الجميع .. يعل ايامكم كلها سعادة وفرح ****لله

ام راكان : الحمدلله العزيمة صج كانت تبيض الويه .. ونتي تامرين امر بس قولي طريقة اي طبق وانا من عيوني بعطيج اياه:24:

طفولية : وحياتج قبلها بأسبوع وانا احوس بالجمعيات ودايما بالمطبخ ... انقص ظهري
وصج انا مابيني وبين صديقات كلافة ابد .. هذول صديقاتي من عمر .. بس شتقولين .. انا سنعة لووووووول لا والله انا احب دايما عزايمي جذي تكون:24:

صاالوح حبيبي : الله يجزانا ويجازيج خير ****لله ويجازي كل المسلمين . حبيبتي انتي تامرين امر .. تبين طريقة شنو؟ وانا مستعدة اعطيها لج من عيوني :24:

اختكم .. بنت الكويت
ربي يجازيك خير اختي الدنيا ما شاء الله عليك مضيافه والا تحبي الفشخره << امزح معاك طبعا ولك هالوردة اذا زعلتين

اذا بروح الكويت بدز لك مسج وعطيني عنوانك ههههههه عجبتني الاطباق وتشوقت اعرف طريقة هالثلاث كبات

" كبة شبنت+ كبة التوست بالدجاج والجبن
كبة برغل بس تكون بشكل السلة ومن فوق مفتوحة وحطيت بداخلها خلطة بحيث تكون الخلطة باينة "


وربي ينور دروبك دنيا واخرة قولي امين ....
السلام عليكم
الصراحه آنا وايد عجبتني أفكاركم وبالاخص أختي (الدنيا....) بس اعتقد السمك الفيليه ماله داعي جنه داش عرض على ما نقول عموما احنا بالكويت الأغلب يسوون التالي
- تكونين حاطه صحون كشخه موزعتهم على الطاولات الوسط او القريبه من الكنبات وفيهم مكسرات مشكله.
- اول ما يجون يقدم مشروبات بارده ولازم يكون فنتق يعني أشياء غريبه ولذيذه مو عصير برتقال عادي يعني مثلا شراب الورد بالسفن أب أو عصير طازج مثل الفراوله والكيوي أو مزيج المانجو بالفراوله وهكذا او أقلها ليمون بالنعناع.
- واذا حسيتي اكتمل العدد اما تقدمين لهم الاكل بمواعين كشخه وذلك بالمرور عليهم واهمه جالسين مكانهم على ان يكون الاكل خفايف مثل معجنات (فطاير صغيره مشكله، بيتزا صغيره، جلاش محشي بالخضار، سبرنج رول، ....) او تدعينهم إلى طاولة الأكل وعادة تكون مزينه بديكور جميل وراقي يفتح النفس واهني تقدمين لهم أكثر من نوع من السلطات التي تبهرهم شكلا وطعما مثل ( سلطة الجرجير بالمشروم والجبنه، لفائف الباذنجان بصلصة الروب، فته بدون دجاج، سلطة الباذنجان بالبطاطس،....) بالاضافه الى المعجنات التي سبق ذكرها و ورق عنب بالزيت وورق عنب بالصبار بالاضافه إلى انواع من الكبب المقليه مثل الكبه بالشبنت وكبة الربيان وكبة البرغل وكبب محشية بالدجاج وكبة بطاط وكبة ماش أو ما يسمى بكبة العدس الأخضر، وممكن تقديم لزانيا لان البنات يحبونها وايد مع تقديم صينية دجاج بالبطاطا والمشروم والكريمة يعني أطباق من هذه الاشكال وطبعا هذا كله لازم يكون على طرف طاولة الاكل إذا كانت طاولتج مالت الاكل طويله علشان تحطين الحلويات على الطرف الثاني أو اذا كانت طاولتج صغيره ممكن تأجلين الحلو إلى ما بعد الاكل على ان يقدم لهم لما يرجعون إلى غرفة الاستقبال وبنفس الوقت تكونين شلتي مواعين المكسرات. طبعا الموالح لازم تقدم مع الشاي بانواعه مثل الشاي العادي بالزعفران والشاي الأخضر وانواع السكر اللي تكونين مقدمتها بشكل انيق مثل السكر الأسمر والسكر النبات والسكر البودرة ولا تنسين سكر الريجيم وطبعا في ماعون على جنب أوراق النعناع الطازجه.
- الحلويات عاده تكون انواع من التارت ونوع او اثنين من الكيك الغريب مثل كيكة الفستق مع الصوص، بالاضافه الى اللقيمات او الكنافه مثلا ويمكن الاستعاضة عنهم بتقديم الايس كريم بشكل انيق وجذاب مع القهوه العربية.
- اذا طالت فترة وجودهم عندج ممكن تقدمين الشاي بالحليب في نهاية السهرة مع القليل من البسكويت الصغير او البيتي فور اللي تحطينه داخل صحن كل كوب.
- لا تنسين تبخرينهم اذا بغوا يطلعون علشان تكتمل الكشخه.
أتمنى تكون عجبتكم طريقتي بس ترى مو كل هالأطباق آنا أسويهم لا لازم أخلي أحد يساعدني أمي او أختي او حتى طباخ خالتي وفي أشياء ما اتعب حالي فيها أشتريها جاهزة بس لازم تكون من محلات معروفه بالاكل اللذيذ ولا ماكو فايده متعبه حالي وشاريتها وآخر شي تكون مو حلوه ما يصير
مراااااااااحب بنات افكاااااااااركم حلوه وتقريباااااااا كلنااااااا نفس الشي في التقديم بسس ابي انبهكم

لشي واحد لاحظته في كذا رد للبنات الي هووووو قبل ما يطلعون تبخرونهم وطبعاااا اكيد ريحة البخور ما نستغني

عنهااااا بس نصيحه لوجه الله حـــــــــــرام ما يجوز الوحده تبخرونهاااااا قبل ما تطلع لان البخور زي العطور

في الحكم الريحه تجذب الرجال لهاااااا وكلكم تعرفون الحديث عن عطر المرأه معروف ومشهور .........


اماااااااا في حكاية التقديم والله حسب الناس اللي بيجونك وانا افضل البساطه في التقديم انا مثلاااا ما عندي شغاله
واتعب كل شوي اروح المطبخ اجيب شغله ...... اسوي قهوه وشاي واقدمهم جميع مره وحده وطبعاااا احط

تمر وصحن كبير او متوسط حلااااا منوع وصحن كبير معجنات ومكسرات بس مو دايم احط مكسرات علشان
اطفالهم ما يحسون لي الدنياااااااا وبعض الا حيان ورق عنب ....... وبسسسسسس تقريبا بس اذا طولت الجلسه

شوي اجيب لهم عصير منجاااااااااا من امبرطور المنجاااااااا لذيذ جدا..........


في بداية زواجي كنت احط على السفره حلاااااااااااااااا من جميع الانواع والمعجناااااااات اكثر من ثلاث صحون
كبار عن الثااااااانيه وتمر وحلويااااااااات باااااااتشي وانواع البسكوتات والمكسرات اذا احد جاني ........
بس امي يوم شافت كذاااااااا هاوشتني قالت ليه كل ذاااااااا ما تخافين وحده من الحريم تعطيك عين على النعمه
ذي قالت خليك دايم بسيطه في التقديم اذا احد جاااااااااك وسمعت كلامهاااااا الله يحفظهاااااا
مساء الفل

الاخت كتاكيت : الله يسلمج عزيمتي كانت حق رفيجاتي الحيل قراب مني .. وفيه كذا وحدة كانت طالبة طبق السمج الفيليه مني .. علشان جذي سويته .. عموما احس انه عادي اطباق الاسماك في البوفيهات خصوووووووصا اذا كانت فيليه .. بس غير الفيليه احس مو حلوة كلش

وتسلمين

اختج : بنت الكويت


الساعة الآن 12:13 .