اختي بنت الكويت عليكم بالعافية جميعا ومادام هذا طلبهم بعد ما يبيله سويه وسوي أبوه بعد غالين والطلب رخيص كل شي ولا رفيجاتج عاد
الله يعطيج العافية
لوووووووووووووول
يحليلج كتاكيت

الله يعافيج ****لله ويخليج ويخليلج اهلج قولي آمين

اختج .. بنت الكويت
الله يجزاكم خير ..
كنت بعزم صديقتي بعد الولاده..الحمد لله انكم موجودين ..استفدت منكم كثيييييييييييير..
الله يحرم النار عليكم .. قولوا أميـــــــــــــــــــــــــن ..
الطباخه
***شعنونتي***

لا اله الا الله العظيم الحليم..لا اله الا الله رب العرش العظيم ...لا اله الا الله رب السموات ورب العرش العظيم ..اسئلك اللهم ان تحقق مرادي اللذي لا يعلمه الا انت وان تجعله خيرا لي يارب العالمين...
يا مغيث اغثني..ولا تكلني الى نفسي طرفة عين
مشكورين خواتي على الافكار الحلوه...
الدنيا..... لو سمحتي أبي طريقة البف بستري بالجبن والمغمسه بالبيض والزعتر كيف تسوينها بالضبط وكيف تقطعين رقائق البف بستري قبل حشوها وكيف تغلقينها وايش نوع الجبن اللي تحشين فيه وهل تقلينيها بالزيت ما ينزل الزعتر بالزيت ؟؟ وكمية الزيت اللي أقلي فيها البف بستري؟؟؟
كيف تسويين (أصابع الدجاج) بالضبط وهل تجمل وما تعب بنفس الوقت ؟؟
أشكرك اختي (الدنيا........)...............
***شعنونتي***
بعد عمري على هالدعوة ... آآآآآآمييييييييييييييييييييييييييييييين لنا ولج ولجميع المسلمين ****لله


ملح الحياه

بعطيج الطريقتين و****لله يضبطون معاج .. مايبيلهم شي . وشغلهم حلو . انا دايما اسويهم قبل فترة واخليهم بالفريزر حق وقت الحاجة . بس اطلعهم واخليهم شوي يذوب عنهم الثلج .. واقليهم

اصابع الدجاج

المقادير :
1 العجينة الصينية ( سواء الحجم الصغير او الكبير .. على حسب رغبتج )
1 دجاجة مسلوقة ومفتتة
1 علبة جبن شدر
1 جبن كرافت قلاص ( الصغير )
1 بصل مقطعة شرائح ضعيفة
2- 3 فص ثوم مهروس
1 علبة مشروم مقطعة قطع صغيرة
1 كوب مرقة الدجاج ( من ماء سلق الدجاج )
2 ملعقة طحين كبيرة
ملح + فلفل اسود _ نص ملعقة صغيرة كركم

الطريقة :

تضعين الزيت بالقدر وتنطرينه لين يسخن وبعدين تضيفين البصل والثوم وتقلبين عدل

بعدين تضيفين المشروم وتستمرين بالتقليب

اضيفي الدجاج وقلبي قليلا

اضيفي جبن الشدر المبشور + جبن الكرافت القلاص واستمري بالتقليب

حطي مرقة الدجاج فوق الخلطة وخففي النار .. واتركي الخلطة قليلا على النار

بعد ذلك اضيفي الطحين .. حتى تتكون عندك صلصة متماسكة . . واخيرا اضيفي البهارات وقلبي قليلا ثم اطفئي النار.

تفردين العجينة امامك وتحشينها بالخلطة .. وتلفينها بالطريقة العادية علشان اتصير رول . بعد ذلك تقلينها.

وبالعافية

البف باستري بحشوة الجبن والمغموسة بالزعتر

تجهزين في ماعون خلطة الاجبان اللي انتي اتحبينها ( انا احط جبن شدر مبشور + جبن مزرولا ) او جبن كيري.. وفي ماعون ثاني تحطين البيض المخفوق وماعون أخر اتحطين الزعتر بكمية وافرة

طبعا تحطين البف بستري جدامج وتحطين تحته وفوقه الطحين علشان ترقين العجينة .. رقيها شوية بس علشان تتمدد .. وبعد ذلك قطعيها الى اربع مربعات. على حرف ( + )

اخذي كل مربع واحشيه بالخلطة اللي تبينها. وسكري كل طرف بالطرف المقابل له . بعدين غمسي القطعة بالبيض ثم بالزعتر . وكرري العملية للحشوة كلها .

بعدين اقلي القطع بزيت وافر .

ملاحظة : انا احط زيت وافر وعلى نار فوق المتوسطة حتى لا تتفلل حبات الجبن بالزعتر.

اتمنى اتجربينهم وتظبط معاج . و****لله تعجبج

واذا تبين اي شي انا حاظرة



اختج .. بنت الكويت


الساعة الآن 09:01 .