السلام عليكم
انا الان بديت بعمل محفظة بسامبا لكن لس مابديت بالعمل لي عدة اسئلة
اولا كم اي عدد الاسهم المسموح بشرائه او بيعها لان سابد بمبلغ صغير
يعني يصلح اني اشتري من الشركة الواحدة سهم واحد اواثنين او لازم الكمية تكون كبيرة ليتم البيع او الشراء
وثانيا ما الشركات اللس ترشحون اني اخذ فيها وعند البيع من خلال محفظة الانترنت هل يكون البيع والشراء ويسحب المال اويضاف للحساب الجاري اوللمحفظة وهل يمكن ان احول فلوس من الحساب الجاري الى الى المحفظة للشراء وكيف الطريقة
واذا بعت هل تنزل الفلوس بالمحفظة على طول ولا لازم ايام وهل يمكن احول من المحفظة للحساب الجاري للاستفادة من الارباح
انا بديت اشتركة بسامبا كم المبلغ اللي ياخذونة ارباح لهم من بيع اوشر الاسهم
وزوجي اشترك بصندوق الرائد وكم ياذون عمولة كل سنة على المتاجرة بالصندوق
ارجو ان تتقبلو اسئلتي الكثيرة لكن معرفتي بطيبة لقلوبكم وسعة معرفتكم بالاسهم جعلتني اكتب
وشكرا لكل من يرد اولا
مع تحياتي هامورة جاهل بالسوق
09-11-1426 هـ, 08:56 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اولا كم اي عدد الاسهم المسموح بشرائه او بيعها؟؟

العدد غير محدد ياعزيزتي على حسب المبلغ اللي تبين تشترين فيه ..
وسامبا لا يتم فتح محفظه استثماريه بأقل من 50.000 ريال مبلغ كويس مو بسيط ..

يعني يصلح اني اشتري من الشركة الواحدة سهم واحد اواثنين او لازم الكمية تكون كبيرة ليتم البيع او الشراء ..
يصلح بس انتي اش راح تستفيدين لما تشتري سهمين ثلاثه ؟؟؟
البنك بياخذ عليك عموله تقريبا على كل عمليه بيع او شراء .. قليله او كثيره ربحتي او ما ربحتي ....

ما الشركات اللس ترشحون اني اخذ فيها...
حسب المبلغ الموجود عندك ..
عموما الشركات الرابحه ذات العوائد والقياديات هي الافضل والآمن ..


وعند البيع من خلال محفظة الانترنت هل يكون البيع والشراء ويسحب المال اويضاف للحساب الجاري اوللمحفظة وهل يمكن ان احول فلوس من الحساب الجاري الى الى المحفظة للشراء وكيف الطريقة ..
نعم يتم البيع والشراء من خلال الانترنت .
المال يكون في المحفظه وليس في الحساب الجاري واي ارباح تنزل في المحفظه واي خساره ايضا على المحفظه مالها دخل في الحساب الجاري .
نعم يمكنك تحويل المبالغ من الجاري للاستثماري عن طريق قائمه الخدمات الموجوده في حسابك الخاص على تداول سامبا ..(تحويل )
ويتم التحويل باختيار رقم الحساب الذي تريدين التحويل منه ،ثم تحددين المبلغ ،ثم اختيار رقم الحساب الذي تريدين التحويل اليه وهو الحساب الاستثماري . وعاده ما تكون الارقام ظاهره لديك تلقائيا .
واذا بعت هل تنزل الفلوس بالمحفظة على طول ولا لازم ايام وهل يمكن احول من المحفظة للحساب الجاري للاستفادة من الارباح؟؟
نعم تنزل .
والتحويل ممكن من المحفظه للحساب الجاري والعكس كما وضحت لك سابقا فأنت من يحدد ارقام الحسابات المحوله والمحول إليها .
بالنسبه للعموله اللي ياخذها البنك على العمليات .. والله ماقد اهتميت او حسبتها ..
بس على ما اظن على حسب المبلغ اللي تشترين فيه تكون العموله ..
اذكرفي الراجحي 15 ريال على كل 10000 ريال شراء او بيع ... يمكن يكون مثله اولا ..
والبنات ان شاء الله ماراح يقصرون ...



وزوجي اشترك بصندوق الرائد؟؟ نصيحه لوجه الله صندوق الرائد أداءه اقل بكثير من باقي الصناديق الاخرى ...
.. إذا لسا ما دخل خليه يشوف صندوق افضل في اي بنك آخر..
البريطاني .... الهولندي ... ال..

وحياك الله معانا وخذي راحتك كلنا هنا نستفيد ونفيد باللي نقدر عليه ..
الله يفتح عليك ويرزقك من واسع فضله .
10-11-1426 هـ, 08:25 صباحاً
 
أهلين اختي حب نجد

الله يوفقك ويرزقك الرزق الطيب

ماقصرت الاخت صيد الخاطر اجابتك خير الاجابه جعله الله بموازين حسناتها

بس من خلال قراتي لاسالتك عرفت ان ماعندك اي خلفيه عن موضوع التداول بالاسهم وصعب تبدا الان انصحك تحاولي تقرائ كل المواضيع بهاذا القسم والمتعلقه بموضوع الاسهم
وبعدها راح تكون عندك خلفيه تااااااااامه
اما موضوع انك تشتري سهم واحد فهاذا خطا خطا خطا لانه ماراح تستفيدي اي شي
يلا ابدا اقراي من الان وبكره ان شاء الله اشوفك هاموره كبيره قد الدنيا
مع اطيب تمنياتي لك بالتوفيق
10-11-1426 هـ, 08:36 صباحاً
 
شكرا اختي صيد الخاطر وlooonaa
على التوضيح والمساعدة والنصيحها
والله يرزق الجميع
10-11-1426 هـ, 12:39 مساءً
 


الساعة الآن 11:48 .